မြန်မာ့ရုပ်ရှင် ဖွံ့ဖြိုးတိုးတက်မှုဆိုင်ရာ ဖိုရမ်ကို သြဂုတ်လ ၁၉ ရက်နေ့နဲ့ ၂ဝ ရက်နေ့တို့က ပြုလုပ်ခဲ့ပြီးနောက် အစိုးရပိုင်းက လုပ်ဆောင်ပေးရမယ့် ကိစ္စ၊ ရုပ်ရှင်အစည်းအရုံးက လုပ် ဆောင်ရမယ့် ကိစ္စ၊ ဥပဒေပြုရေး ဆိုင်ရာ လွှတ်တော်အဖွဲ့အစည်းတွေဘက်က လုပ်ဆော်ပေးမှ ပြီးမြောက်မယ့်ကိစ္စဆိုပြီး ဘယ်သူတွေက ဘယ်လို အကောင်အထည်ဖော်ပေးမှာလဲဆိုတဲ့ အကြောင်းအရာတွေကို ရုပ်ရှင်ဥက္ကဋ္ဌ ဦးလူမင်းနဲ့ တွေ့ဆုံမေး မြန်းဖြစ်ခဲ့ပါတယ်။
ရုပ်ရှင်ဖိုရမ်ပြီးသွားတော့ ဘယ်လို အခန်းကဏ္ဍတွေခွဲပြီးတော့ ဘယ်လိုကိစ္စတွေကို ဆောင်ရွက်သွားဖို့ရှိမလဲဆိုတာကို သိချင်ပါတယ်။
ကျွန်တော်ကတော့ ရုပ်ရှင်ဥပဒေကို ပိုပြီးတော့ အလေးအနက်ထားတယ်။ ဘာဖြစ်လို့လဲဆိုရင် ဆွေးနွေးအဖြေရှာခဲ့တဲ့ အချက်အလက်တွေ အတော်များများက ရုပ်ရှင်ဥပဒေအသစ်ပြီးသွားလို့ နည်း ဥပဒေထဲမှာ အားလုံးကို အကျုံးဝင်အောင် ထည့်သွင်းလိုက်လို့ရှိရင် အခုဖြစ်နေတဲ့ ပြဿနာအတော်များ များ ဖြေရှင်းသွားနိုင်ဖို့ရှိတယ်ဆိုတဲ့ နည်းလမ်းတစ်ခုကို သွားတွေ့ပါတယ်။ ချက်ချင်းဆောင်ရွက်ရမယ့် ကိစ္စရှိတယ်။ ရုပ်ရှင်ပြသရေးစနစ်ကတော့ အရင်လိုမျိုးပဲ အဖြေရှာရခက်တဲ့ ပြဿနာတစ်ခုဖြစ်နေတော့ ကျန်ခဲ့တယ်။ ရုံတင်ပြသရေးစနစ်ကတော့ ကျန်ခဲ့တဲ့သဘောပေါ့။ ဖိုရမ်တစ်ခုလုံးကို ခြုံငုံသုံးသပ်ရင်တော့ စာချုပ်၊ စာတန်းတွေနဲ့ လုပ်သင့်တယ် ဆိုတဲ့အချက်ကို အားလုံးသဘောတူ ညီလာတာမျိုးကို တွေ့ရတဲ့အတွက် စာချုပ်နဲ့ တိတိကျကျလုပ်ပြီဆိုရင် ဘယ်လိုစာချုပ်အချက်အလက်တွေ နဲ့ လုပ်ကြမလဲဆိုတာကို စတင်ဆောင်ရွက်ရမှာရှိတယ်။ တစ်ပတ် အတွင်း ဆွေးနွေးမှုအနှစ်ချုပ်တွေကို လုပ်ပြီးပြီဆိုရင်တော့ ကော်မတီတစ် ခုဖွဲ့ပြီး ဆက်လက်အကောင်အထည် ဖော်ဖို့တွေ ရှိနေပါတယ်။
ရုပ်ရှင်ဇာတ်ကားတွေ မရိုက်ကူးခင် အနုပညာရှင်၊ အတတ်ပညာ ရှင်တွေအားလုံး စာချုပ်စာတန်း အတိအကျနဲ့ လုပ်မယ်ဆိုတာက အဲဒီစာချုပ်ဆိုတဲ့ ကိစ္စမျိုးကို ရုပ်ရှင် ဥပဒေထဲ ထည့်သွင်းရေးဆွဲဖို့ လို၊ မလိုပေါ့။ ပြီးတော့ အဲဒီစာချုပ် ဆိုတာကို ဘယ်လိုပုံစံနဲ့ သွားကြမှာလဲဆိုတာလေး သိချင်ပါတယ်။
တကယ်တော့ စာချုပ်တစ်ခုဆို တာဟာ အဲဒီစာချုပ်ပေါ်မှာ လက် မှတ်ထိုးကြမယ့်လူတွေနဲ့ပဲ ဆိုင်ပါ တယ်။ စာချုပ်ဆိုတာကို အစိုးရက အတည်ပြုပေးမှရယ်လို့တော့ မဟုတ် ပါဘူး။ တည်ဆဲဥပဒေအရ စာချုပ် စာတန်းကိစ္စကို လုပ်ရုံပါပဲ။ တစ်ခုရှိ တာကတော့ ရုပ်ရှင်အစည်းအရုံး အနေနဲ့ကတော့ စာချုပ်ဆိုတာကို ဘယ်လိုအချက်အလက်တွေနဲ့ လုပ်ရ တယ်ဆိုတာကို နမူနာပုံစံတွေနဲ့ နိုင်ငံတကာမှာ ဘယ်လိုစာချုပ် ချုပ် ဆိုကြတာဆိုတာကိုတော့ Guide Line ပေးရမှာပေါ့။ စာချုပ်ဟာ လူတိုင်းအားလုံးအတွက် တစ်ပုံစံတည်းလည်း ဖြစ်လို့မရဘူး။ အခြေအနေအကြောင်းတရားအရ လူပုဂ္ဂိုလ်တွေအပေါ်မှာ မူတည်သေးတယ်လေ။
သမ္မတဦးသိန်းစိန်လက်ထက်တုန်းက အင်းစိန်မြို့နယ်၊ အာလိန်ငါးဆင့်အနီးမှာ တည်ဆောက်ဖို့လုပ်ခဲ့တဲ့ Myanmar Art Center အခြေ အနေကကော ဘယ်လိုဖြစ်သွားပြီလဲဆိုတာ သိချင်ပါတယ်။
ကျွန်တော်လည်း တအားသိချင်နေပါတယ်။ နောက်ဆုံး ဖေ့စ်ဘုတ် သတင်းအရကတော့ သမ္မတရုံး ဘတ်ဂျက်ထဲကနေလားတော့ မမှတ်မိပေမယ့် ဒေါ်လာတစ်သန်းကို Myanmar Art Center အတွက် လွှဲသွားတယ်လို့တော့ ဖတ်လိုက်ရတယ်။ ရုပ်ရှင်အစည်းအရုံးအနေနဲ့ကလည်း Center တည်ဆောက်ရေးမှာ ကော်မတီအဖွဲ့ဝင်တစ်ယောက်အနေနဲ့ပဲ ပါတာဖြစ်တယ်။ အဲဒီခေတ်တုန်းကတော့ ဆောက်လုပ်ရေး ဒုတိယဝန်ကြီးက Center ဆောက်လုပ်ရေး ကော်မတီဥက္ကဋ္ဌအနေနဲ့ ပါဝင်ထားတာဖြစ်တဲ့အတွက် ကျွန်တော်တို့အစည်းအရုံးအနေနဲ့က အဲဒီ Center ကြီးရဲ့ အခြေအနေကို သိ ချင်ပါတယ်ဆိုပြီးတော့ ဆောက်လုပ် ရေးဝန်ကြီးဌာနကို တရားဝင် မေးထားတာကြာနေပြီ ဆိုပေမယ့်လည်း အခုအချိန်ထိ အကြောင်းမပြန်သေးပါဘူး။ စာရင်းဇယားကိစ္စတွေကိုတော့ ကျွန်တော်တို့ မသိရပါဘူး။ သူတို့ဘက်က မဆက်သွယ်လာပါဘူး။
ရုပ်ရှင်ဖောင်ဒေးရှင်းကကော အခုဘာတွေဆက်လုပ်ဖို့ ရှိမလဲဆိုတာ သိချင်ပါတယ်။
ရုပ်ရှင်ဖောင်ဒေးရှင်းအတွက် မတည်ငွေတွေကတော့ ကျွန်တော်တို့ အစည်းအရုံး Account ထဲကို ငွေ တွေဝင်ပြီးပါပြီ။ ရုပ်ရှင်ဖောင်ဒေး ရှင်းဆိုပြီး မတည်ငွေတွေသာ Account ထဲကို ဝင်သွားတာပဲရှိပါသေးတယ်။ ဖောင်ဒေးရှင်းအနေနဲ့ ဘယ်လိုနေရာတွေအတွက် ငွေသုံးမယ်၊ ဘယ်လိုအရာတွေအတွက် ငွေရှာမယ်ဆိုတဲ့ ကိစ္စတွေကိုတော့ သီးသန့်ဆောင်ရွက်နိုင်ခြင်း မရှိသေးပါဘူး။
Film Fund လိုမျိုး ရုပ်ရှင်ကို အဘက်ဘက်က ကူညီပံ့ပိုးပြီး ငွေစိုက်ထုတ်ပေးနိုင်တဲ့ အဖွဲ့အစည်း မျိုးပေါ်လာရင် ရုပ်ရှင်လောကအတွက်
ဘယ်လိုကောင်းမွန်မှုတွေ များစွာ ရှိလာနိုင်မလဲဆိုတာကို သိချင်ပါတယ်။
ဒါသည် နိုင်ငံတော်ရဲ့ မူဝါဒနဲ့ ဆိုင်ပါတယ်။ ကျွန်တော်တို့တိုင်းပြည်မှာ အခွန်ငွေတွေကို ဘယ်လိုပြန်သုံးစွဲလဲဆိုတဲ့ နိုင်ငံတော်မူဝါဒနဲ့ ဆိုင်ပါတယ်။ ဥပမာ- ပုဂံဒေသက ကောက်ခံရရှိတဲ့ အခွန်ငွေတွေကို ပုဂံဒေသအတွက်ပဲ ပြန်သုံးတယ်ဆိုတဲ့ ပေါ်လစီမျိုး ကျွန်တော်တို့ တိုင်းပြည်မှာ မရှိသေးဘူး။ အနယ် နယ် အရပ်ရပ်က ရရှိလာတဲ့ အခွန်တွေအားလုံးကို စုထည့်ပြီးတော့မှ တိုင်းဒေသကြီး တစ်ခုစီအလိုက် ခွဲတမ်းနဲ့ပြန်သုံးတဲ့စနစ်ကိုသုံးနေတာဖြစ်တယ်။ အဲဒီတော့ ကျွန်တော်တို့ ရုပ်ရှင်လောကကကော အခွန်တွေ ဘယ်လောက်အထိ ဆောင်မှာလဲ၊ ဆောင်ပြီးရင် ရုပ်ရှင် လောကကပေးဆောင်တဲ့ အခွန်တွေကို ရုပ်ရှင်လောကအတွက်ပဲ ပြန်သုံးမယ်ဆိုတဲ့ ပေါ်လစီရှိလာမှ အဲဒီ Film Fund ဆိုတာ ဖြစ်လာမှာဖြစ်တယ်။ ဒီကနေ့ အစ်ကိုတို့တိုင်းပြည်အစိုးရရဲ့ ပေါ်လစီအရကတော့ မဖြစ် နိုင်သေးဘူး။ တကယ်လို့ Film Fund ဆိုတာသာ ဖြစ်လာခဲ့ပြီဆိုရင် ရုပ်ရှင်လူ့စွမ်းအား အရင်းအမြစ်တွေလည်း တိုးတက်လာမယ်။ ဇာတ်ကားကောင်း အရေအတွက်တွေလည်း တိုးတက်လာမယ်။ နိုင်ငံတကာဆိုတဲ့ အဆင့်တွေအထိ ဖြစ်လာလိမ့်မယ်။
ထက်လူ