ဈေးကွက်အတွင်းစားအုန်းဆီဝယ်ယူရခက်ခဲနေဆဲဖြစ်

0
62

စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ စားသုံးဆီ တင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီအနေဖြင့် ဈေးကွက်အတွင်း၌ ရောင်းချ‌ရန် အခြေခံလက်ကားရည်ညွှန်းဈေးနှုန်းကို အပတ်စဉ်ထုတ်ပြန်ပေးလျက်ရှိသည်။

ယင်းသို့ ထုတ်ပြန်လျက်ရှိရာတွင် ယခုတစ်ပါတ်အတွက် တင်သွင်းသည့် ကုမ္ပဏီ မှ လက်ကားရောင်းချရမည့် ဈေးနှုန်းမှာစားအုန်းဆီ တစ်ပိဿာလျှင် ငွေကျပ် ၅၄၀၀ ကျပ် သတ်မှတ်ထုတ်ပြန်ထားပြီး ပြီးခဲ့သည့်တစ်ပါတ်ထက် ရည်ညွှန်းဈေးမြင့်တက်လာကြောင်းသိရသည်။

အဆိုပါ ဈေးနှုန်းမှာ လက်လီဈေးကွက်အတွင်း ရောင်းချရမည့် ရည်ညွှန်းဈေးနှုန်းကို သတ်မှတ်ထုတ်ပြန်ပေးခြင်းသာဖြစ်ပြီး လက်ရှိဈေးကွက်အတွင်း၌ လက်လီ တစ်ပိဿာ ၁၀၀၀၀ ကျော်သည် အထိမြင့်တက်နေပြီး ဝယ်ယူရခက်ခဲနေကြောင်း အိမ်ရှင်မများ၏ ပြောပြချက်အရ သိရသည်။

” အခုဆိုရင် စားအုန်းဆီရဖို့အတွက် မနက်အစောကို တုံကင်ထတန်းစီရတယ်။ တချို့ဆိုင်တွေရင် ဖုန်းနံပတ်တွေပေးရ၊ နာမည်တွေပြောရ၊ သန်းခေါင်စာရင်းပြရတာတွေတောင်ရှိတယ်။ အဆင်မပြေဘူး” ဟု တောင်ဥက္ကလာပမြို့နယ်ရှိ အိမ်ရှင်မတစ်ဦးက ပြောသည်။

စားအုန်းဆီ ကမ္ဘာ့ဈေးနှုန်း ဖြစ်ပေါ်ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများ ဖြစ်ပေါ်စေရေး ထိန်းကျောင်းဆောင်ရွက်လျက်ရှိကြောင်း စားသုံးဆီ တင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီအနေဖြင့် ထုတ်ပြန်နေသော်လည်း လက်ရှိတွင် ဈေးနှုန်းမှာ သိသိသာသာကျဆင်းလာခြင်းမရှိသေးကြောင်း။

စားအုန်းဆီအဓိကထုတ်လုပ်တင်ပို့သည့် မလေးရှားနိုင်ငံတွင် ဖြစ်ပေါ်နေသည့် FOB ဈေးနှုန်းများကို နေ့စဉ်စောင့်ကြည့်ကာ သယ်ယူပို့ဆောင်ခကုန်ကျစရိတ်များ၊ ဘဏ်စရိတ်များ၊ အခွန်အခများ ထည့်သွင်းတွက်ချက်၍ ပြည်တွင်းဈေးကွက်၌ ရောင်းဝယ်ဖောက်ကားရမည့် အခြေခံလက်ကားရည်ညွှန်းဈေးနှုန်းကို ထုတ်ပြန်ပေးလျက်ရှိသည်။

ယခုအပတ်အတွင်း ကမ္ဘာ့စားအုန်းဆီ ထုတ်လုပ်တင်ပို့သည့်နိုင်ငံများတွင် ဈေးကွက်နှင့် ဈေးနှုန်းဖြစ်ပေါ်မှုများအရ ဇွန် (၂၄) ရက်မှ ဇွန် (၃၀) ရက်အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာ စားအုန်းဆီ တစ်ပိဿာလျှင် ငွေကျပ် ၅၄၀၀ ဖြစ်ကြောင်း ထုတ်ပြန်ကြေညာထားသည်။

ဆီသင်္ဘောတစ်စီး ကို USD ၅သန်း လောက်မှာ တစ်သန်းတောင်ပြည့်အောင် earning ဝယ်မရတဲ့ အခက်အခဲ ရှိနေကြောင်းကြားရတယ်ဟု ဆီလုပ်ငန်းအသိုင်းအဝိုင်းမှသိရသည်။

မြန်မာ့ဟင်းလျာများ၏ ပုံစံက ဆီအသုံးများတဲ့ပုံစံအပေါ် စားသုံးသူတစ်ဦးက “ချက်ချင်းကြီး healthy food style ပြောင်းဖို့ကခက်နေဦးမှာပါ။ တချို့အမယ်တွေက ဆီနိုင်းချင်းလေးနဲ့မှ အိတယ်၊မွှေးတယ်လေ။ ဆီအသုံးလျော့တာဟာ ကျန်းမာရေးအတွက်ကောင်းပေမယ့် စွဲမြဲခဲ့တဲ့ အစားအသောက် ဓလေ့ တွေကိုပြင်ဖို့ အချိန်ယူရဦးမယ်ထင်တယ်”ဟုဆိုသည်။

ပုံစာ – ၂၀၂၂ ခုနှစ်က ဆီတန်းဆီသည့်ပုံရိပ်များဖြစ်သည်။


LEAVE A REPLY

Please enter your comment!
Please enter your name here