ကိုင်ရို၊ဇွန် ၂၃
ဝိုင်းပတ်ပိတ်ဆို့ခံထားရသည့် ပါလက်စတိုင်းမြောက်ပိုင်းရှိ ဂါဇာမြို့ကိုအစ္စရေးကတိုက်ခိုက်၍ လူ ၄၂ ဦး ထက်မနည်း ထပ်မံေ-သဆုံးခဲ့ကြောင်း ဟားမတ်စ်အဖွဲ့ကပြောကြားခဲ့သည်။
သို့သော် အစ္စရေးကမူ “အစ္စရေးကာကွယ်ရေးတပ်ရဲ့တိုက်လေယာဉ်တွေက ဂါဇာမြို့မှာရှိတဲ့ ဟားမတ်စ် စစ်ဘက်ဆိုင်ရာအခြေခံအဆောက်အဦနှစ်ခုကိုတိုက်ခိုက်ခဲ့ပါတယ်” ဟုသာအတိုချုံးထုတ်ပြန်ခဲ့ပြီး အသေးစိတ်အချက်အလက်များကို မကြာခင် ထုတ်ပြန်မည်ဟုလည်းဆိုခဲ့သည်။
ဟားမတ်စ်ကမူ ၎င်း၏ စစ်ဘက်ဆိုင်ရာ အခြေခံအဆောက်အဦများကို ထိမှန်သည်ဟု အစ္စရေးက မှတ်ချက်မပေးခဲ့ပဲ တိုက်ခိုက်မှုများသည် အရပ်သားများကို ပစ်မှတ်ထားတိုက်ခိုက်ခြင်းသာဖြစ်ကြောင်း ထုတ်ပြန်ချက်၌ဖော်ပြထားသည်။
ဂါဇာအားသိမ်းပိုက်မှုနှင့် နာဇီခေါင်းဆောင်များ၏ ပါလက်စတိုင်းပြည်သူများအပေါ် ကျူးလွန်မှုများအတွက် တန်ရာတန်ကြေးပြန်ပေးရမည်ဟုလည်း ဟားမတ်စ်ခေါင်းဆောင်က ကတိပြုခဲ့သည်။
ဂါဇာရှိ ဟားမတ်စ်ဦးဆောင်သော စစ်သွေးကြွများက အစ္စရေးတောင်ပိုင်းသို့ အောက်တိုဘာ ၇ ရက်က ဝင်ရောက်စီးနင်းခဲ့ရာ လူပေါင်း ၁,၂၀၀ ဝန်းကျင်ေ-သဆုံးပြီး ဓ-ါးစာခံ ၂၅၀ ကျော်ကို ဖမ်းဆည်းရမိချိန်၌ အစ္စရေး၏ မြေပြင်နှင့်လေကြောင်းစစ်ဆင်ရေးများ အစပျိုးခဲ့ခြင်းလည်းဖြစ်သည်။
Source : ရိုက်တာ/အက်ဖ်အက်စ်