၂၀၂၃ ခုနှစ်နှင့် ယင်းမတိုင်မီနှစ်များအတွက် တက္ကသိုလ်ဝင်စာမေးပွဲ၊ အခြေခံပညာအထက်တန်းစာမေးပွဲ အောင်လက် မှတ်နှင့် အမှတ်စာရင်းများကို ထုတ်ယူနိုင်ပြီဖြစ်ကြောင်း မြန်မာနိုင်ငံစာစစ်ဦးစီးဌာနက ထုတ်ပြန်ကြေညာထားသည်။
အဆိုပါ အောင်လက်မှတ်နှင့် အမှတ်စာရင်းများကို နေပြ ည်တော်နှင့် ရန်ကုန်ရှိ မြန်မာနိုင်ငံ စာစစ်ဦးစီးဌာန ရုံးများတွင် နံနက် (၁၀) နာရီမှ နေ့လည် (၂) နာရီ ရုံးချိန်အတွင်း လျှော က်လွှာလက်ခံ၍ စနေ၊တနင်္ဂနွေရုံးပိတ်ရက်များမှအပ တိုက် ရိုက်ထုတ်ပေးလျက်ရှိကြောင်း သိရသည်။
ထို့ပြင် အောင်လက်မှတ် ထုတ်ယူရန်အတွက် လိုအပ်သည့် အချက်များမှာ အမည်၊ ခုံအမှတ်၊ အောင်မြင်သည့်ခုနှစ် ၊မွေးသက္ကရာဇ်၊ စာစစ်ဌာန၊ ဖြေဆိုဘာသာတွဲ၊ အဖအမည်၊ အမိအမည်တို့ ပါဝင်ရမည်ဖြစ်ပြီး မြန်မာနိုင်ငံ စာစစ်ဦးစီးဌာနတွင် သတ်မှတ်လျှောက်လွှာပုံစံ ဝယ်ယူ၍လျှောက်ထားရမည်ဖြစ်ကြောင်း သိရသည်။
အဆိုပါ လျှောက်လွှာပုံစံတွင် အပြာနောက်ခံ (၁.၅” x ၂”) ဆိုဒ်ဓါတ်ပုံ (၃) ပုံနှင့် နိုင်ငံသားစိစစ်ရေးကတ်မိတ္တူ တို့ဖြင့် ပူး တွဲ တင်ပေးရန်လိုအပ်ကြောင်း ဖော်ပြထားသည်။
အထူး သတိပြုရန် အချက်မှာ ဓာတ်ပုံသည် သတ်မှတ်အရွ ယ်အစားဖြစ်ရမည်ဖြစ်ပြီး မျက်နှာ၊ နားရွက် ထင်ရှားပြတ် သားရမည်ဖြစ်ပြီး ဓါတ်ပုံ အရည်အသွေး ကောင်းမွန်ရမည်ဖြစ်ကာ မူလမျက်နှာသွင်ပြင်ပျောက်ကွယ်စေနိုင်သည့် မိတ် ကပ်၊ သနပ်ခါး လိမ်းခြယ်ခြင်း မပြုရမည့်အပြင် အမြင်သင့်လျော်သည့် ဝတ်စားဆင်ယင်ထုံးဖွဲ့ မှုဖြစ်ရမည်ဖြစ် ကြောင်း သိရသည်။
အဆိုပါ သတ်မှတ်ချက်များနှင့် မကိုက်ညီသော ဓါတ်ပုံများဖြင့် လျှောက်လွှာတင်သွင်းပါက လက်ခံ ဆောင်ရွက်ပေးမည် မဟုတ်ကြောင်းလည်း သိရသည်။
လျှောက်ထားရန်နေရာများမှာမြန်မာနိုင်ငံစာစစ်ဦးစီးဌာန(ရုံးချုပ်)ရုံးအမှတ် (၅၂)၊ သီရိမဏ္ဍိုင်လမ်း၊ ဥတ္တရသီရိမြို့နယ်၊ နေပြည်တော်နှင့် မြန်မာနိုင်ငံစာစစ်ဦးစီး ဌာန(ရုံးခွဲ)အမှတ် (၄/၅)၊ ပါရမီလမ်း၊ (၁၂)ရပ်ကွက်၊ လှိုင်မြို့နယ်၊ ရန်ကုန်မြို့တို့၌ထုတ်ယူနိုင်မည်ဖြစ်ကြောင်း သိရသည်။
