စစ်ကိုင်းတိုင်း ဒေသကြီး၊ မုံရွာမြို့နယ်၊ ဗောဓိတထောင်သာသနာ့နယ်မြေတွင် နွေရာသီ ရေအလွန်ရှားပါးသည့် အတွက် ခတ္တကန်တောင်ရွာ သောက်သုံးရေရရှိရန်အတွက် ဆိုလာစနစ်ဖြင့် ရေပေးဝေနိုင်ရေး အနယ်နယ်အရပ်ရပ်ရှိ အလှူရှင်များက လှူဒါန်းလျက်ရှိကြကြောင်း မဟာဗောဓိတထောင်နာ ယက ဆရာတော် ဦးဣန္ဒောဘာသ ထံမှသိရသည်။
“ဆိုလာ (၁၅)ချပ် တပ်ရင် (၁၂၆) သိန်းကျော်လောက်ကုန်မယ်လို့ အကြမ်းဖျဥ်းသိရပါတယ်။ ဆိုလာ တစ်ချပ်ကို ၄၁၀,၀၀၀ လောက်ရှိပါတယ်။ တစ်ချပ်စာ လှူချင်လည်းရပါတယ်။ ဆိုလာနဲ့ဆို ထာဝရ ရေပို့လို့ရမယ်။ ကျောင်းရော ရွာရောပေါ့။ ဘောက်ဆာကားနဲ့ ရေသယ်ပေးတဲ့ တစ်ခေါက် လေးသောင်းဖိုးဟာ တစ်ရက်စာ တခဏတာနဲ့ ကုန်သွားတာပါ”ဟု ဦးဣန္ဒောဘာသ က မိန့်သည်။
ဗောဓိတထောင် သာသနာ့နယ်မြေ ကျောင်းများနှင့် ခတ္တကန်တောင်ရွာများသို့ ဆိုလာစနစ်ဖြင့် ရေပေးနိုင်မည်ဆိုပါက မိမိ၏ လှူဒါန်းမှုသည် ထာဝရ ရေအလှူဖြစ်သွားစေမည်ဖြစ် ကြောင်းလည်း ဆရာတော်က မိန့်သည်။
အဆိုပါ ထာဝရ ရေအလှူတော်အတွက် လက်ရှိတွင် အနယ်နယ်အရပ်ရပ်မှ ပါဝင်လှူဒါန်းကြလျက်ရှိရာ ကျပ် (၄၅)သိန်းကျော် ရရှိနေပြီဖြစ်ကြောင်းလည်း သိရသည်။
ပြီးခဲ့သည့် ၂၀၁၅ ခုက ရေတွင်း (၂)တွင်း ၂၀၁၉ ခုက (၁) တွင်း တူးဖော်၍ အုတ်ရေကန် တည်ဆောက်ကာ ပေတစ်သောင်းခန့်ဝေးသည့် ဗောဓိတထောင်သို့ (၁၅)ကောင် မော် တာနှင့် (၅)ထပ်ပန့် သုံးပြီး ရေတင်ခဲ့ရာ မီတာခအရမ်းများ ခဲ့သော်လည်း ခတက္ကန်တောင်ရွာ တစ်ရွာလုံးအတွက် ရေမပေးနိုင်ခဲ့ဘဲ ဗောဓိတထောင်ကျောင်းတိုက်ကိုသာ ရေပေးနိုင်ခဲ့ကြောင်း သိရသည်။
“အခု ဆိုလာ စနစ်ကို စုံစမ်းကြည့်တော့မှ ဖြစ်နိုင်တာကို သိလာရတယ်”ဟု ဆရာတော်က မိန့်သည်။
ပြီးခဲ့သည့်နှစ် နွေရာသီက အလှုရှင်များ၏ အလှုငွေများဖြ င့် ရေလှူရာ ကျပ်သိန်း ၅၀ ကျော် ၆၀ ခန့်ကုန်ကျခဲ့ပြီးတခ ဏတာသာ ရေအခက်အခဲကို ဖြေရှင်းနိုင်ခဲ့သည့်အတွက် ဆိုလာစတပ်ဆင်ရန် ကြိုးစားအားထုတ်ကြခြင်းဖြစ်ကြောင်းသိရသည်။
ဗောဓိတထောင် ဆရာတော်ကြီးရှိစဥ်က ဗောဓိတထောင် သာသနနယ်မြေနှင့် (၂)မိုင်အတွင်းရေတွင်းများစွာတူးခဲ့သော်လည်း ရေချိုမရဘဲ မဟာဗောဓိတထောင် နာယကဆရာတော် ဦးဣန္ဒောဘာသက သစ်ညိုပင်ရွာအနီး မြေဝယ်ကာရေချိုတွင်းများ တူးဖော်ခဲ့ရကြောင်း သိရသည်။
