ရန်ကုန်တိုင်း ဒေသကြီး၊ ဗဟန်းမြို့နယ်၊ ရွှေဂုံတိုင်တံတားပေါ်တွင် ယာဉ်နှစ်စီး အရှိန်လွန်ပြီး တိုက်မိမှု တစ်ခုဖြစ်ပွားကြောင်း အနီးဝန်းကျင်ရှိ ဒေသခံများထံမှ သိရသည်။
ဖေဖော်ဝါရီ (၁၂) ရက် ည (၇)နာရီကျော် အချိန်ခန့်က ဗဟန်းမြို့နယ်၊ ရွှေဂုံတိုင်တံတားပေါ်တွင် Toyota Hiace အံစာတုံးယာဉ်နှင့် Toyota Corolla Van ကားနှစ်စီး အရှိန်လွန်ပြီး တို-က်မိခဲ့ခြင်းဖြစ်ကြောင်း ဒေသခံများနှင့် သွားရောက်ကူညီပေးသည့် လူမှုကူညီရေး အသင်းများထံမှ သိရသည်။
အဆိုပါ ယာဉ်တိုက်မှု ဖြစ်စဉ်ကြောင့် လူထိခိုက်ဒဏ်ရာရရှိမှု မရှိသော်လည်း ယာဉ်နှစ်စီးမှာ ထိခိုက်ပျက်စီးမှုအချို့ရှိခဲ့ကြောင်း သိရသည်။
ထို့အပြင် ဖေဖော်ဝါရီ (၁၂) ရက်၊ နံနက်အစောပိုင်း (၁)နာရီ (၂၅)မိနစ်အချိန်ခန့်ကလည်း ဗဟန်းမြို့နယ်၊ ရွှေဂုံတိုင် နှင်းဆီကုန်းဘိုးဘွားရိပ်သာ ကုန်းအဆင်းတွင် Ford ကားတစ်စီးမှ အရှိန်လွန်၍ ဓာတ်တိုင်နှင့် ရတနာဗိမ္မာန်ကျောင်းတိုက်၏ အုတ်တံတိုင်းသို ဝင်ရောက်တိုက်မိမှု ဖြစ်ပွားခဲ့သေးကြောင်း သိရသည်။
