၂၀၂၃ ခုနှစ် နိုဝင်ဘာ (၂၆)ရက်နေ့အထိ ကံပိုင်တည်ကုန်သွယ်ရေးစခန်းမှ တစ်သျူးငှက်ပျော၊ နှမ်းနက်၊ ရော်ဘာစိမ်းနှင့် ရွှေဖရုံသီး တင်ပို့မှုမှ အမေရိကန်ဒေါ် လာ ၄ ဒဿမ ၁၈၃ သန်း ကုန်သွယ်နိုင်ခဲ့ပြီးဖြစ်ကြောင်း သိရသည်။
ကံပိုင်တည်ကုန်သွယ်ရေးစခန်းမှ အဓိကပို့ကုန်ဖြစ်သည့် တစ်သျှူးငှက်ပျော တင်ပို့မှုအနေဖြင့် ဈေးနှုန်းတစ်တန်လျှင် အမေရိကန်ဒေါ်လာ (၃၄၅ ဒဿမ ၉၈)
ဖြင့် တန်ချိန် (၁၁၇၉၂) တန်၊ အမေရိကန်ဒေါ်လာ သန်း(၄ ဒဿမ ၀၈၃) ရရှိခဲ့သည်။
အလားတူ နှမ်းနက် တင်ပို့မှုအနေဖြင့် စျေးနှုန်း တစ်တန်လျှင် အမေရိကန်ဒေါ်လာ(၁၅၅၀)ဖြင့် တန်ချိန် (၅၀)တန်၊ အမေရိကန်ဒေါ်လာသန်း(၀ ဒဿမ ၀၇၈) နှင့် ရော်ဘာစိမ်းတင်ပို့မှုအနေဖြင့် တန်ချိန် (၂၀၈)တန်၊ အမေရိကန်ဒေါ်လာသန်း (၀ ဒဿမ ၂၈၁) ရရှိခဲ့ကြောင်း သိရသည်။
ထို့အပြင် ရွှေဖရုံသီးတင်ပို့မှုအနေဖြင့် တန်ချိန်(၁၅)တန်၊အမေရိကန်ဒေါ်လာ(၀ ဒဿမ ၀၀၁)သန်းတင်ပို့နိုင်ခဲ့ကြောင်း သိရသည်။
ပြီးခဲ့သော နိုဝင်ဘာလ (၂၆) ရက်နေ့အထိ ကုန်သွယ်မှုမှာ ပို့ကုန် (၄.၄၅၆) ဒေါ်လာသန်း၊ သွင်းကုန် (၁.၆၆၆)ဒေါ်လာသန်း၊ စုစုပေါင်း (၆.၁၂၂) ဒေါ်လာသန်းဖြစ်သဖြင့် ကုန်သွယ်မှုလျာထားချက်အပေါ် (၁၃၆.၀၄၄%) ဆောင်ရွက်ပြီးဖြစ်ပါသည်။
ကံပိုင်တည်ကုန်သွယ်ရေးစခန်းမှ ၂၀၂၃ ခုနှစ်၊ နိုဝင်ဘာလကုန်သွယ်မှုလျာထားချက်မှာ ပို့ကုန် (၃.၀၀၀) ဒေါ်လာသန်းနှင့် သွင်းကုန် (၁.၅၀၀) ဒေါ်လာသန်းဖြင့် စုစုပေါင်း (၄.၅၀၀) ဒေါ်လာသန်းဖြစ် ကြောင်း သိရသည်။
လက်ရှိတွင် ကံပိုင်တည်-ဝိုင်းမော်-မြစ်ကြီးနား ကုန်သွယ်မှုလမ်းကြောင်း၌ တောင်ပြိုခြင်း၊ လမ်းပိတ်ဆို့ ခြင်းများမရှိဘဲ ကုန်တင်ယာဉ်များ ပုံမှန်သွားလာလျက်ရှိကြောင်း သိရသည်။