၁၀၃နှစ်မြောက် မြန်မာ့ရုပ်ရှင်နေ့ အခမ်းအနား နဲ့ ၄၆ ကြိမ်မြောက် ရုပ်ရှင်သက်ကြီးပူဇော်ပွဲ အခမ်းအနား

0
2043

၁၀၃နှစ်မြောက် မြန်မာ့ရုပ်ရှင်နေ့ အခမ်းအနား နဲ့ ၄၆ ကြိမ်မြောက် ရုပ်ရှင်သက်ကြီးပူဇော်ပွဲ အခမ်းအနား ကို အောက်တိုဘာလ ၁၃ရက်နေ့ နံနက်၉နာရီ မြန်မာနိုင်ငံရုပ်ရှင်အစည်းအရုံးမှာ ကျင်းပခဲ့ပါတယ်။

မြန်မာနိုင်ငံရုပ်ရှင်အစည်းအရုံးက ဦးစီးပြီး အသက်၇၀ နှစ်နှင့်အထက် ရုပ်ရှင် သက်ကြီး အနုပညာရှင်၊အတတ်ပညာရှင်များကို နှစ်စဉ်ပူဇော်ခဲ့တာ ၄၆ကြိမ် တိုင်ခဲ့ပြီး အဆိုပါ အခမ်းအနားကို ပြည်ထောင်စုဝန်ကြီး ဦးမောင်မောင်အုန်း တက်ရောက်ဖဲကြိုးဖြတ်ဖွင့်လှစ်ခဲ့ပါတယ်။

ရုပ်ရှင်သက်ကြီး အနုပညာရှင်၊အတတ်ပညာရှင်များ ကို နိုင်ငံတော်စီမံအုပ်ချုပ်ရေးကောင်စီ ဥက္ကဌ ၊နိုင်ငံတော်ဝန်ကြီးချုပ်၊ဗိုလ်ချုပ်မှူးကြီး မင်းအောင်လှိုင် က သက်ကြီး ကန်တော့ခံများကို ငွေကျပ် သိန်း၁၀၀၊ရန်ကုန်တိုင်းဒေသကြီး အစိုးရအဖွဲ့ ဝန်ကြီးချုပ် ဦးစိုးသိန်း က ငွေကျပ် သိန်း၁၅၀၊ပြန်ကြားရေး ဝန်ကြီးဌာန မှ ငွေကျပ် သိန်း ၂၀ လှူဒါန်းခဲ့ကြပြီး သက်ဆိုင်ရာနယ်ပယ်အသီးသီး မှ လှူဒါန်းသူများ နဲ့ အနုပညာရှင်များကလည်း အလှူငွေများ အသီးသီး လှူဒါန်းခဲ့ကြပါတယ်။

အခမ်းအနားမှာ ပြည်ထောင်စုဝန်ကြီး ၊ တိုင်းဒေသကြီးဝန်ကြီးချုပ်တို့က မုဒိတာ စကားမြွက်ကြားခဲ့ကြပြီး ရုပ်ရှင်သက်ကြီးပညာရှင်များကို ပူဇော်ကန်တော့ခဲ့ကြသလို တက်ရောက်လာသော ဧည့်သည်တော်များကလည်း နိဗ္ဗာန်စျေးကို လှည့်လည်ကြည့်ရှုခဲ့ကြပါတယ်။


LEAVE A REPLY

Please enter your comment!
Please enter your name here