တောင်ဖရိကနိုင်ငံမှာရှိတဲ့ မာဘတ်တို အားကစားရုံဟာ သူ့ရဲ့ တမူထူးခြားတဲ့ ဒီဇိုင်းအပြင် ကစားကွင်းဘက်ကို မျက်နှာမူမနေတဲ့ မြင့်မားတဲ့ ပွဲကြည့်စဉ်တွေကြောင့် နာမည်ကျော်ကြားပါတယ်။
၁၉၈၁ ခုနှစ်မှာ ဆောက်လုပ်ခဲ့ပြီး ဂျိုဟန်နက်စ်ဘ်မြို့နဲ့ မိုင် ၁၈၆ အကွာမှာ တည်ရှိပါတယ်။ ခုံပေါင်း ၅၉,၀၀ ပါရှိပြီး တောင်အာဖရိကရဲ့ ငါးခုမြောက် အကြီးဆုံး ဘောလုံးကွင်းဖြစ်ပေမယ့် ဒီဘက်ခေတ်မှာတော့ အဲဒီမှာ ကျင်းပတဲ့ ကစားပွဲတွေဟာ မရှိသလောက်ကို နည်းသွားပါပြီ။
အကြောင်းအရင်းကတော့ ဒီဇိုင်းဆွဲပေးတဲ့ အစ္စရေး ဗိသုကာပညာရှင် အစ္စရယ် ဂွတ်ဒိုဗစ်ချ် နဲ့ အင်ဂျင်နီယာ ဘန် အေဗရာဟန် တို့ဟာ မာဘတ်တို ကို အခြားဘောလုံးကွင်းထက် ကွဲပြားနေအောင် လုပ်ခဲ့ပေမယ့် လက်တွေ့မှာတော့ ဘယ်ပွဲစီစဉ်သူကမှ မသုံးချင်တဲ့အထိ ဖြစ်သွားခဲ့ပါတယ်။ အဓိက အားနည်းချက်က အချို့ပွဲကြည့်စဉ်တွေဟာ ကွင်းဘက်ကို မျက်နှာမူ မနေတဲ့အတွက်ပဲ ဖြစ်ပါတယ်။ ဒါကြောင့် ပရိသတ်တွေဟာ ပွဲကြည့်တဲ့အခါ လည်စောင်းပြီး ကြည့်ရတော့ ဒီကွင်းဟာ ဘောလုံးပွဲတွေ ကျင်းပဖို့အတွက် အဆင်မပြေမှန်း နားလည်လာကြပါတယ်။
ဒီအချက်တွေကြောင့်ပဲ ၂၀၁၀ ပြည့်နှစ်က ကျင်းပခဲ့တဲ့ ကမ္ဘာ့ဖလားပြိုင်ပွဲမှာ မာဘတ်တိုကို တရားဝင် ကစားပွဲတွေအတွက်ရော လေ့ကျင်းရေးကွင်းအနေနဲ့ပါ အသုံးမပြုခဲ့ပါဘူး။
ဒါပေမယ့် မာဘတ်တိုဟာ အခုအချိန်ထိ နာမည်ဆိုးရော နာမည်ကောင်းနဲ့ပါ ကျော်ကြားဆဲဖြစ်ပါတယ်။ တချို့က သူရဲ့ လက်တွေ့မဆန်တဲ့ ဒီဇိုင်းကို အပြစ်ဖို့နေပေမယ့် အချို့ကတော့ မာဘတ်တိုကို အနုပညာလက်ရာတစ်ခုဆိုပြီး ချီးကျူးကြပါတယ်။
ဒီနေ့ခေတ်မှာတော့ မာဘတ်တို ကို ပရဟိတပွဲတွေနဲ့ အာဖရိက ဘောလုံးအသင်းတွေကြား အခကြေးငွေမယူဘဲ ဆော့ကစားပေးတဲ့ ပွဲတွေအတွက်သာ တစ်ခါတစ်ရံ အသုံးပြုပါတော့တယ်။
Source: Odditycentral
