NSPNC နှင့်တိုင်းရင်းသားလက်နက်ကိုင် ၃ ဖွဲ့တို့ နှစ်ရက်တာဆွေးနွေးညှိနှိုင်းချက်များအရ သဘောတူညီချက်များကိုလက်မှတ်ထိုး

0
110

နိုင်ငံတော်၏ ငြိမ်းချမ်းရေးဆွေးနွေးအဖွဲ့ (NSPNC)နှင့်“ဝ”ပြည်သွေးစည်းညီညွတ်ရေးပါတီ (UWSP)၊အမျိုးသားဒီမိုကရက်တစ်မဟာမိတ်အ ဖွဲ့(NDAA)နှင့်ရှမ်းပြည်တိုးတက်ရေးပါတီ(SSPP) တို့ မတ် ၂၃ ရက်နံနက်က ဒုတိယနေ့အဖြစ် တွေ့ဆုံဆွေးနွေးခဲ့ကြသည်။

ပထမနေ့ဆွေးနွေးပွဲ၌ မပြီးပြတ်သေးသောကိစ္စများ၊ဒေသဖွံ့ဖြိုးရေးကိစ္စများနှင့်အထွေထွေကိစ္စများကိုဆွေးနွေးခဲ့ကြပြီးနောက် နှစ်ရက်တာဆွေးနွေးညှိနှိုင်းချက်များအရ နှစ်ဖက်သဘောတူညီချက်များ၏ အပြီးသတ်ရရှိလာသည့် သဘောတူညီချက်များကို အတည်ပြုလက်မှတ်ရေးထိုးခဲ့ကြသည်။

ထို့နောက် ငြိမ်းချမ်းရေးဆွေးနွေးရေးအဖွဲ့ခေါင်းဆောင် ဒု-ဗိုလ်ချုပ်ကြီးရာပြည့်နှင့်တိုင်းရင်းသားလက်နက်ကိုင်(၃)ဖွဲ့ကိုယ်စား “ဝ”ပြည်သွေးစည်း ညီညွတ်ရေးပါတီ(UWSP)ဒု-ဥက္ကဋ္ဌ ဦးလော့ယာကုတို့က နိဂုံးချုပ်အမှာစကားများပြောကြားခဲ့ကြသည်။

ဆွေးနွေးပွဲသို့ နစက အဖွဲ့ဝင်၊ပြည်ထောင်စုအစိုးရ အဖွဲ့ရုံးဝန်ကြီးဌာန ပြည်ထောင်စုဝန်ကြီး၊အမျိုး သားစည်းလုံးညီညွတ်ရေးနှင့်ငြိမ်းချမ်းရေးဖော်ဆောင်မှုညှိနှိုင်းရေးကော်မတီဥက္ကဋ္ဌ၊ငြိမ်းချမ်းရေးဆွေးနွေးရေးအဖွဲ့ခေါင်းဆောင် ဒု-ဗိုလ်ချုပ်ကြီးရာပြည့်၊ နစကအဖွဲ့ဝင် ဒု-ဗိုလ်ချုပ်ကြီးမိုးမြင့်ထွန်း၊အမျိုးသားစည်းလုံးညီညွတ်ရေးနှင့်ငြိမ်းချမ်းရေးဖော်ဆောင်မှုညှိနှိုင်းရေးကော်မတီ အတွင်းရေးမှူး ဒု-ဗိုလ်ချုပ်ကြီးဝင်းဗိုလ်ရှိန်နှင့်ညှိနှိုင်းရေးကော်မတီအဖွဲ့ဝင်များတက်ရောက်ခဲ့ကြသည်။

“ဝ” ပြည်သွေးစည်းညီညွတ်ရေးပါတီ(UWSP) ဒု-ဥက္ကဋ္ဌဦးလော့ယာကု၊ အမျိုးသားဒီမိုကရက်တစ်မဟာမိတ်အဖွဲ့(NDAA)ဒု-ဥက္ကဋ္ဌဦးစန်ပေ့၊ ရှမ်းပြည်တိုးတက်ရေးပါတီ(SSPP)ဗဟိုနိုင်ငံရေးဦး ဆောင်အဖွဲ့ဝင် စဝ်ဆေပိုင်ဖနှင့်ငြိမ်းချမ်းရေး ဆွေးနွေးရေးကိုယ်စားလှယ်များလည်း တက်ရောက်ခဲ့ကြသည်။


LEAVE A REPLY

Please enter your comment!
Please enter your name here