၃နှစ်စာ မြန်မာ့ရုပ်ရှင်ထူးချွန်ဆုပေးပွဲ မေလ၆ရက်နေ့ နှင့် ချိတ်ပိတ်သိမ်းဆည်းထားဆဲ၂၀၁၉ အကယ်ဒမီဆုစာရင်း

မြန်မာ့ရုပ်ရှင်ထူးချွန်ဆု အကယ်ဒမီ ဆုပေးပွဲ ကို လာမည့် မေလ ၆ရက်နေ့တွင် ကျင်းပရန်မြန်မာနိုင်ငံရုပ်ရှင်အစည်းအရုံးကတရားဝင် ကြေငြာထားသည်။

၂၀၁၉၊၂၀၂၀၊၂၀၂၂ တို့​ပေါင်း၃နှစ်စာကို နှစ်အလိုက်ဆုများမြှင့်မှာဖြစ်ပြီး ၂၀၂၁ခုနှစ်တစ်နှစ်ပတ်လုံး ဇာတ်ကားများမရှိသည့်အတွက်မပါဝင်​ပေ။အဆိုပါ မြန်မာ့ရုပ်ရှင်ထူးချွန်ဆုပေးပွဲ အခမ်းအနားကို နေပြည်တော်တွင်ကျင်းပရန်လျာထားကြောင်းသိရသည်။

၂၀၂၁ခုနှစ်တွင် ရုံတင်ပြသခဲ့သည့်ကား တစ်ကားမှမရှိသည့် အတွက် အကယ်ဒမီ ဆုပေးဖို့ ကျန်ရှိနေသည့် ၃နှစ်စာအတွက်သာ ဆုများချီးမြှင့်ဖို့ ရုပ်ရှင်ဇာတ်ကားများကို အကယ်ဒမီစီစစ်ရွေးချယ်ရေးဘုတ်အဖွဲ့ မှ စတင်ကြည့်ရှုနေပြီဖြစ်သည်။

မြန်မာ့ရုပ်ရှင် အကယ်ဒမီ ထူးချွန်ဆုပေးပွဲကို ၂၀၁၈ခုနှစ်အတွက်ထူးချွန်ဆုများအား၂၀၁၉ခုနှစ် မတ်လ ၂၃ရက်နေ့က ရွေးချယ်ပြီးခဲ့ပြီးနောက် ၂၀၂၀ခုနှစ် မှာ ကျင်းပဖို့စီစဉ်ခဲ့​သော်လည်း ကိုရိုနာဗိုင်းရပ်စ် ကြောင့် ကျင်းပဖို့ ရပ်ဆိုင်းခဲ့ကာ ယခု ၂၀၂၃ခုနှစ် မေလ၆ရက်နေ့တွင်ကျင်းပဖို့အတည်ပြုထားသည်။

၂၀၂၁ခုနှစ်တွင် ကိုဗစ်၁၉မူအရ ရုပ်ရှင်ရုံများလုံးဝပိတ်ထားခဲ့ပြီး ၂၀၁၉ အကယ်ဒမီဆုစာရင်းကိုအကယ်ဒမီဆု‌ ရွေးချယ်ရေးအဖွဲ့ကချိတ်ပိတ်သိမ်းဆည်းထားဆဲဖြစ်​ကြောင်းမြန်မာနိုင်ငံရုပ်ရှင်အစည်းအရုံး ဒုဥက္ကဌ ဦးအေးကြူလေးက အတည်ပြု​ပြောကြားသည်။

ယခု တဖန်ပြန်လည်ကျင်းပမည့်အကယ်ဒမီပွဲအတွက်ရွေကြို​​လျှောက်လွှာ၅၀၀၀ကျပ်ဖြင့်ရောင်းချနေပြီးစိတ်ဝင်စားသူ များပြားကာ​နေပြည်​တော်မှ​ လျှောက်လွှာမှာယူသူများလည်းရှိကြောင်းသိရသည်။