ပအိုဝ်းကိုယ်ပိုင်အုပ်ချုပ်ခွင့်ရဒေသ၊ပင်လောင်းမြို့နယ်၊နမ့်နိမ်ကျေးရွာတွင် မတ် ၁၁ ရက်ကဖြစ် ပွားခဲ့သည့် ဘုန်းတော်ကြီး ၃ ပါးနှင့်ပြည်သူများအစုလိုက်အပြုံလိုက်သတ်ဖြတ်ခံရမှုအား တပ်မတော်မှပစ်ခတ်သတ်ဖြတ်ခဲ့ကြောင်း စွပ်စွဲဖော်ပြမှုများနှင့်ပတ်သက်၍ နစက သတင်းထုတ်ပြန်ရေးအဖွဲ့၏ အဖွဲ့ခေါင်းဆောင်ဗိုလ်ချုပ်ဇော်မင်းထွန်းကပြောကြားခဲ့ခြင်းဖြစ်သည်။
“ပင်လောင်းဒေသဆိုတာ ပအိုဝ်းကိုယ်ပိုင်အုပ် ချုပ်ခွင့်ရဒေသဖြစ်တယ်။ တည်ငြိမ်အေးချမ်းတဲ့ဒေသလည်းဖြစ်ပါတယ်။ သူနဲ့နီးစပ်တဲ့ ကယား ပြည်နယ်မှာ တိုက်ပွဲတွေဖြစ်နေတယ်၊မငြိမ်မသက်တွေဖြစ်နေတယ်၊ မတ်လဆန်းလောက်မှာ တောင်ဘက်မှာရှိတဲ့ KNPP/KNDF အဖွဲ့တွေက ပအိုဝ်းဒေသကို နှောင့်ယှက်တိုက်ခိုက်တာတွေရှိတယ်”ဟု ဗိုလ်ချုပ်ဇော်မင်းထွန်းကပြော သည်။
မတ် ၁၁ ရက်တွင် KNPP/KNDF အဖွဲ့ဝင်များ သည် နမ့်နိမ်ကျေးရွာသို့ဝင်ရောက်လာပြီးနောက် ကျေးရွာ၏ နယ်မြေဒေသအားခြိမ်းခြောက်ခြင်းများပြုလုပ်၍ ဒေသခံပြည်သူ့စ်အဖွဲ့များနှင့်ပူးပေါင်းကာလုံခြုံရေးဆောင်ရွက်နေသည့် လုံခြုံရေးအဖွဲ့ဝင်များအား ပစ်ခတ်တိုက်ခိုက်မှုများရှိခဲ့သည်ဟု ဆိုသည်။
“မတ် ၁၁ ရက်ည ၉ နာရီလောက်မှာ လုံခြုံရေးအ ဖွဲ့ဝင်တွေကို KNPP/KNDF အဖွဲ့တွေက စပြီးပစ် ခတ်တိုက်ခိုက်ခဲ့လို့ တိုက်ပွဲဖြစ်ပွားခဲ့တယ်။လက်နက်ကိုင်အဖွဲ့တွေက ရွာထဲကိုဝင်ပြေးသွားပြီး ပစ်ခတ်တာတွေရှိတယ်။ ကျွန်တော်တို့က သူတို့ရဲ့အလောင်းနဲ့လက်နက်တချို့ကိုရရှိခဲ့တယ်”ဟု ဗိုလ် ချုပ်ဇော်မင်းထွန်းကပြောသည်။
KNPP/KNDF အဖွဲ့ဝင်များ၏ နမ့်နိမ်ကျေးရွာအတွင်းဝင်ရောက်ပစ်ခတ်မှုကြောင့် ရွာသူ၊ရွာသားများ သေဆုံးခြင်း၊ထိခိုက်ဒဏ်ရာရရှိခြင်းနှင့်နေ အိမ်များအား စွန့်ခွာထွက်ပြေးရခြင်းများရှိခဲ့သည်ဟု ဆိုသည်။
ထိုသို့ လုပ်ဆောင်ခြင်းများသည် ပအိုဝ်းဒေသတည်ငြိမ်အေးချမ်းနေမှု ဖွံဖြိုးတိုးတက်နေမှုတို့အားဖျက်ဆီးရန် ရည်ရွယ်ချက်ဖြင့် KNPP/KNDF အဖွဲ့ဝင်များက ဆောင်ရွက်ခြင်းဖြစ်သည်ဟု ဗိုလ်ချုပ်ဇော်မင်းထွန်းကပြောကြားခဲ့သည်။
“ပအိုဝ်းပြည်သူ့စစ်တွေ၊ဒေသခံလုံခြုံရေးအဖွဲ့တွေ ပြည်သူတွေနဲ့တပ်မတော်ကြားမှာ ထင်ယောင် ထင်မှားဖြစ်စေဖို့အတွက်လုပ်ဆောင် တာဖြစ်ပါတယ်။ ဒီသတင်းတွေကိုထုတ်လွှင့်တာဖြစ်တယ်။ ပြစ်မှုကျူးလွန်သူ၊စစ်ရာဇဝတ်မှုကျူးလွန်သူတွေဟာ ဒီလူတွေပဲဖြစ်ပါတယ်”ဟု ဗိုလ် ချုပ်ဇော်မင်းထွန်းကပြောသည်။
ထို့ကြောင့် ပအိုဝ်းဒေသတည်ငြိမ်အေးချမ်းရေးနှင့်ပအိုဝ်းပြည်သူလူထု၏ အသက်အိုးအိမ်စည်း စိမ်အား ထိခိုက်စေခဲ့သည့် KNPP/KNDF အဖွဲ့ဝင်များအား လုံခြုံရေးအရလိုအပ်သည့် အရေးယူဆောင်ရွက်မှုများအား ပြင်းပြင်းထန်ထန်ဆောင် ရွက်သွားမည်ဟု ဗိုလ်ချုပ်ဇော်မင်းထွန်းကပြောကြားခဲ့သည်။
