မြေယာမှုခင်းအရှုပ်အရှင်းများအား သတ်မှတ်လုပ်ထုံးလုပ်နည်းများအတိုင်းဆောင်ရွက်ခြင်းမရှိ၍ အရှုပ်အထွေးများဖြစ်ပေါ်လာရခြင်းဖြစ်

မြေယာမှုခင်းများစိစစ်ရာတွင် ဘက်မလိုက်ဘဲ ဘက်ပေါင်းစုံမှစဉ်စားသုံးသပ်ကာ မှန်မှန်ကန်ကန် ဆောင်ရွက်ရန်လိုအပ်မှုနှင့်ပတ်သက်၍  ကရင်ပြည်နယ်ဝန်ကြီးချုပ်ဦးစောမြင့်ဦးကပြောကြားလိုက်ခြင်းဖြစ်သည်။

ကရင်ပြည်နယ်ရှိ ပြည်နယ်၊ခရိုင်၊မြို့နယ်အဆင့် လယ်ယာမြေစီမံခန့်ခွဲရေးနှင့်စာရင်းအင်းဦးစီး ဌာနဝန်ထမ်းများအား တွေ့ဆုံစဥ်ပြောကြားခဲ့ခြင်းဖြစ်သည်။

ပြည်နယ်ဦးစီးမှူးရုံး ဖားစည်မြေခန်းမ၌ တွေ့ဆုံ၍ လုပ်ငန်းဆိုင်ရာ ဆောင်ရွက် ချက်များကို တွေ့ဆုံဆွေးနွေးရာ၌ “မြေယာမှုခင်းအရှုပ်အရှင်းတွေကို သတ်မှတ်လုပ်ထုံးလုပ်နည်းတွေအတိုင်းဆောင်ရွက်ခြင်းမရှိလို့ အရှုပ်အထွေးတွေဖြစ်ပေါ်လာရခြင်းဖြစ်ပါတယ်”ဟု ပြည်နယ်ဝန်ကြီးချုပ်ဦးစောမြင့်ဦးကပြောသည်။

ထို့ကြောင့် မြေယာမှုခင်းများစိစစ်ရာတွင် ဘက်မလိုက်ဘဲဘက်ပေါင်းစုံမှစဉ်စားသုံးသပ်၍ မှန်မှန် ကန်ကန်ဆောင်ရွက်ရမည်ဖြစ်ကာ အဓိကအား ဖြင့် မြေယာဥပဒေများကိုကြေညက်ရန်လိုသည်ဟု တိုက်တွန်းမှာကြားခဲ့သည်။ 

အခါအားလျှော်စွာထုတ်ပြန်သည့် အမိန့်နှင့်ညွှန် ကြားချက်များကို လေးစားလိုက်နာရန်လိုကာ တိတိကျကျစီမံခန့်ခွဲပြီး စာရင်းအင်းပြုစုပေးရသည့်ဌာနဖြစ်၍ ဒေတာအချက်အလက်များ မှန် ကန်ဖို့လိုသည်ဟု ပြောသည်။

“ဒါမှသာ နိုင်ငံတော်က စီမံကိန်းတွေချမှတ်ဆောင် ရွက်ရာမှာ မှန်ကန်ထိရောက်နိုင်မှာဖြစ်ပါတယ်”ဟု ပြည်နယ်ဝန်ကြီးချုပ်ကပြောသည်။

ထို့နောက် ပြည်နယ်လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန ညွှန်ကြားရေးမှူးဦးဇော်မိုးအောင်က ဦးစီးဌာန၏ ခရိုင်၊ မြို့နယ်အလိုက် ဆောင်ရွက်လျက်ရှိသည့်အခြေအနေများအား ပြည်နယ်ဝန်ကြီးချုပ်ကို ရှင်းလင်းတင်ပြခဲ့သည်။