ယူကရိန်းနိုင်ငံ၏ ထိပ်တန်း ပူးတွဲတပ်ဖွဲ့မှူး ဗိုလ်မှူးချုပ် Eduard Mykhailovich Moskalov ကို ၎င်း၏ရာထူးမှ ထုတ်ပယ်လိုက်ကြောင်း သမ္မတ ဇလန်းစကီးက တနင်္ဂနွေနေ့တွင် အမိန့်ထုတ်ပြန်ခဲ့ကြောင်း Reuters သတင်းတွင် ဖော်ပြထားသည်။
ပြီးခဲ့သောမတ်လကတည်းက Donbas ဒေသရှိ တိုက်ပွဲများကို ကြီးကြပ်တာဝန်ယူခဲ့သော ထိပ်တန်း တပ်မှူး ဗိုလ်မှူးချုပ် Eduard Mykhailovich Moskalov ကို ထုတ်ပယ်ခြင်းသည် ပြီးခဲ့သောနှစ် ဖေဖော်ဝါရီလတွင် စစ်ပွဲစတင်ကတည်းက ယူကရိန်းခေါင်းဆောင်မှု အပြောင်းအလဲများအတွင်း နောက်ဆုံးဖြစ်သည်။
ထိပ်တန်းယူကရိန်းအရာရှိအများအပြားကို အကျင့်ပျက်ခြစားမှုစွပ်စွဲချက်များဖြင့် ဇလန်းစကီးက ရာထူးမှထုတ်ပယ်ခြင်း သို့မဟုတ် နုတ်ထွက်စေခြင်းများ ပြုလုပ်ခဲ့သည်။
ယူကရိန်းသမ္မတ၏တရားဝင်ဝဘ်ဆိုဒ်တွင် လွှင့်တင်ထားသည့် တစ်ကြောင်းတည်းအမိန့်တွင် ရာထူးမှထုတ်ပယ်ခြင်း နှင့်ပတ်သက်၍ အကြောင်းပြချက်မပါဝင်သောကြောင့်ဇလန်းစကီးမှ Moskalyov ကို အဘယ်ကြောင့် ရာထူးမှထုတ်ပယ်ခဲ့သည်ကို မသိရသေးချေ။