နေပြည်တော်စည်ပင်၊ စျေးများဌာန၊ လေလံတင်ရောင်းချရေးအဖွဲ့မှ အရပ်ရပ်အခွင့်အရေးလိုင်စင် ၆၄ ခု၏ ၂၀၂၃-၂၀၂၄ ဘဏ္ဍာရေးနှစ်အတွက် လုပ်ငန်းလုပ်ကိုင်ခွင့်များအား စျေးပြိုင်စနစ်ဖြင့် လေလံတင်ရောင်းချသွားမည်ဖြစ်ကြောင်း သိရသည်။
စျေးများဌာန၊လေလံတင်ရောင်းချရေးအဖွဲ့မှ ပျံကျစျေးကောက်လိုင်စင်(၂၇)ခု၊ရေလောင်းအိမ်သာဝင်ကြေးကောက်ခံခွင့်လိုင်စင်(၂၃)ခု၊စက်ဘီး၊ဆိုင်ကယ်၊သုံးဘီးဆိုင်ကယ်၊ကားအပ်နှံမှုကောက်ခံခွင့်လိုင်စင်(၁၄)ခု(စုစုပေါင်း ၆၄ ခု)အား လေလံတင်ရောင်းချမည်ဖြစ်သည်။
နေပြည်တော်စည်ပင်၊စျေးများဌာန အစည်းအဝေးခန်းမ၌ ဖေဖော်ဝါရီ ၂၃ ရက်နှင့် ၂၄ ရက်တို့တွင် နံနက် ၁၀ နာရီမှစတင်၍ စျေးပြိုင်စနစ်ဖြစ့်ရောင်းချပေးသွားမည်ဖြစ်သည်။
ထို့ကြောင့် လုပ်ငန်းလုပ်ကိုင်ခွင့်လျှောက်ထားလိုသူများသည် ရောင်းချမည့်အခွင့်အရေးလိုင်စင်များ၏ ပေးသွင်းရမည့်အာမခံငွေအား နေပြည်တော်ဖွံ့ဖြိုးရေးဘဏ်လီမိတက်သို့ ဖေဖော်ဝါရီ ၁၇ ရက်နောက်ဆုံးထားပေးသွင်းရမည်ဖြစ်သည်။
ထို့ပြင် လေလံလျှောက်လွှာများအား နေပြည်တော်စည်ပင်၊ဈေးများဌာနတွင် ရုံးချိန်အတွင်း ဖေဖော်ဝါရီ ၁၇ ရက်နေ့လည် ၃ နာရီခွဲအထိ လာရောက်ဝယ်ယူလျှောက်ထားနိုင်ပြီး အသေးစိတ်သိရှိလိုပါက ၀၆၇-၃၄၁၄၂ ၉၃၊ ၀၆၇-၃၄၁၄၁၆၈ တို့သို့ ဆက်သွယ်စုံစမ်းနိုင်ကြောင်း သိရသည်။
လျှောက်လွှာနှင့်အတူ မှတ်ပုံတင်နှင့်သန်းခေါင်စာရင်း မိတ္တူ ၁ စောင်၊လေလံအာမခံငွေပေးသွင်းမှုချလံမူရင်းနှင့် မိတ္တူ ၁ စောင်၊နိုင်ငံရေးနှင့်ပြစ်မှုကင်းရှင်းကြောင်းရဲစခန်းထောက်ခံချက်၊လေလံဆွဲဝယ်မည့် ပုဂ္ဂိုလ်ပိုင်ဆိုင်သည့် အိမ်ခြံမြေဖြစ်ကြောင်းတည်ရှိရာရပ်ကွက်/ ကျေးရွာအုပ်ချုပ်ရေးမှူးထောက်ခံချက်၊ရာပြတ်အဖွဲ့(သို့)သက်ဆိုင်ရာမြို့နယ်စည်ပင်ရုံးမှ အဆောက်အအုံ၊အိမ်၊မြေ၏ ကာလတန်ဘိုးစိစစ်ထောက်ခံချက်မူရင်းနှင့်အဆောက်အအုံ၊အိမ်၊ မြေ၏(ရှေ့၊နောက်၊ဝဲ၊ယာ)ဓာတ်ပုံများကိုတင်ပြရမည်ဖြစ်သည်။
ထို့အတူ နေပြည်တော်စည်ပင်မှ သတ်မှတ်ထားသည့် လေလံစည်းကမ်းချက်များအား တိကျစွာလိုက်နာရမည်ဖြစ်ကာ လေလံအောင်မြင်ပြီး သတ်မှတ်ရက်အတွင်း လေလံတန်ဘိုးငွေများကို အပြေအကြေပေးသွင်းနိုင်ခြင်းမရှိပါက လေလံအောင်မြင်ခြင်းကို စာရင်းမှပယ်ဖျက်၍ ပေးသွင်းထားသောငွေများကို နေပြည်တော်စည်ပင်မှ သိမ်းယူခြင်းကို သဘောတူပါသည်တို့ကိုလည်း စည်းကမ်းသတ်မှတ်ထားသည်။
