MPT ၏ လက်ရှိကြုံတွေ့နေရသော နည်းပညာပိုင်းဆိုင်ရာ အခက်အခဲများကြောင့် CB Bank ၏ အချို့သော ဘဏ်လုပ်ငန်းဝန်ဆောင်မှုများအား လတ်တလော အသုံးပြု၍ရနိုင်မည်မဟုတ်ကြောင်း CB Bank မှအသိပေးထုတ်ပြန်ထားသည်။
CB Bank အနေဖြင့် ဝန်ဆောင်မှုများ အမြန်ဆုံးပြန်လည်ရရှိနိုင်ရန် ညှိနှိုင်းဆောင်ရွက်နေကြောင်း အသိပေးထုတ်ပြန်ချက်တွင် ပါရှိသည်။
ယနေ့မနက်ပိုင်းMPT Exchange ရုံးမီးလာင်ခဲ့ပြီးနောက် ရန်ကုန်မြို့အပါအဝင်ပြည်နယ်နှင့် တိုင်းဒေသကြီးအချို့တွင် MPT ဒေတာများ၊ WiFi များ၊ ဖုန်းလိုင်းများပြတ်တောက်ခဲ့ခြင်းဖြစ်သည်။
MPT မှ ၀န်ဆောင်မှုပေးလျက်ရှိသော MPT Call Center ၊ ဖိုင်ဘာအင်တာနက်များ၊ မိုဘိုင်းလ် အင်တာနက်များ၊ မိုဘိုင်းလ်နှင့် တယ်လီဖုန်းဆက်သွယ်ရေးများ လတ်တလောတွင် အခက်အခဲများ ဖြစ်ပေါ်နေခြင်းကို တောင်းပန်စာထုတ်ပြန်ထားပြီး အမြန်ဆုံးပြင်ဆင်ဆောင်ရွက်နေကြောင်းလည်း အသိပေးထုတ်ပြန်ထားသည်။