ယနေ့ ကျရောက်သည့် (၇၆)ကြိမ်မြောက် မွန်အ မျိုးသားနေ့(ဗဟို)အခမ်းအနားအား ဖေဖော်ဝါရီ ၅ ရက်(ယနေ့)နံနက်ပိုင်းက မရမ်းကုန်းမြို့နယ်၊မင်းဓမ္မလမ်းရှိ MCC ခန်းမ၌ကျင်းပခဲ့သည်။
အခမ်းအနားအား သဘာပတိဆရာတော် ဘဒ္ဒန္တသီလဝံသမှ သြဝါဒစကားပြောကြားပြီးနောက် (၇၆)ကြိမ်မြောက် မွန်အမျိုးသားနေ့အခမ်းအနားကျင်းပရေး(ဗဟို)သဘာပတိ နိုင်မင်းသောင်းရှင်နှင့် ဥက္ကဋ္ဌနိုင်မင်းအောင်ထူးတို့က နှုတ်ခွန်းဆက်စကားများပြောကြားခဲ့ကြသည်။
ထို့ပြင် ပြည်ထောင်စုအစိုးရအဖွဲ့၊တိုင်းရင်းသားရေးရာဝန်ကြီးဌာန၊ပြည်ထောင်စုဝန်ကြီးပေးပို့သည့် သဝဏ်လွှာအား ရန်ကုန်တိုင်းအစိုးရအဖွဲ့ တိုင်းရင်းသားရေးရာဝန်ကြီး ဦးစောဂျက်ကော့ထူးကဖတ်ကြားခဲ့သည်။
“ဒီနေ့ကျင်းပတဲ့ မွန်အမျိုးသားနေ့အခမ်းအနားဟာ မွန်လူမျိုးအချင်းချင်းစည်းလုံးညီညွတ်မှုနဲ့အတူ တိုင်းရင်းသားလူမျိုးအားလုံးရဲ့ စည်းလုံးညီညွတ်မှုအတွက်လည်းဦးတည်ပါတယ် မြန်မာ နိုင်ငံဟာ တိုင်းရင်းသားလူမျိုးတွေရဲ့ခိုင်မာတဲ့ ကတိသစ္စာ၊ပြည်ထောင်စုသားတွေရဲ့ စည်းလုံးညီညွတ်မှု၊နိုင်ငံသားတွေရဲ့ အသက်၊သွေး၊ချွေး၊ပေးဆပ်မှုတွေနဲ့ ဖွဲ့စည်းတည်ဆောက်ထားတဲ့ နိုင်ငံတော်ဖြစ်ပါတယ်”ဟု သဘာပတိနိုင်မင်းသောင်းရှင်ကပြောကြားခဲ့သည်။
နိုင်ငံသားတစ်ဦးချင်းစီတိုင်းလိုလားတောင့်တသည့် ငြိမ်းချမ်းသာယာပြီးလူ့ဂုဏ်သိက္ခာနှင့်အညီ ရပ်တည်နေထိုင်နိုင်သော လူမှုအသိုက်အဝန်းတစ်ခု ဖန်တီးတည်ဆောက်သွားနိုင်ရန် တိုင်းရင်းသားညီအစ်ကိုမောင်နှများအားလုံးဝိုင်းဝန်းကြိုးစားသွားရန်လိုအပ်သည်ဟု (၇၆)ကြိမ်မြောက် မွန်အ မျိုးသားနေ့အခမ်းအနားကျင်းပရေး(ဗဟို)ဥက္ကဋ္ဌနိုင်မင်းအောင်ထူး ကပြောကြားခဲ့သည်။
(၇၆)ကြိမ်မြောက် မွန်အမျိုးသားနေ့အား ဗုဒ္ဓဘာ သာကိုးကွယ်မှုတွင် ပူဇော်ခြင်းဆိုင်ရာဖန်တီးမှုအ နုပညာတစ်ခုဖြစ်သော အုတ်ခွက်ဘုရားများဖြင့် ပြုလုပ်ပူဇော်ခြင်းအား မွန်လူမျိုးတို့ ရှေးပဝေသ ဏီကပင်ပြုလုပ်ခဲ့သည့် သမိုင်းအစဉ်အလာမြင့်မားမှုကိုဖော်ညွှန်းလိုခြင်း၊ မွန်လူမျိုးများကိုယ် တိုင် မိမိတို့၏ယဉ်ကျေးမှု၊အမွေအနှစ်များအား သုတေသနပြု ဖော်ထုတ်ထိန်းသိမ်းသွားရေး၊ ညီ နောင်တိုင်းရင်းသားများအနေဖြင့် မွန်လူမျိုးတို့၏ ယဉ်ကျေးမှုအစဉ်အလာကို နားလည်သိရှိခြင်းဖြင့် အပြန်အလှန်လေးစားမှုဖြစ်လာစေရေး ရည် ရွယ်ချက်ဖြင့် အထိမ်းအမှတ်မြေစိုက်ပိုစတာအား ဗိုလ်တထောင်ဘုရားတွင် မွန်အုတ်ခွက်ဘုရားပုံများဖြင့် စိုက်ထူဖော်ပြပုံဖော်ထားကြောင်း သိရသည်။
