<<<< Breaking News >>>>

မန္တလေးငလျင်ကြီးဒဏ်ကြောင့်ပျ-က်စီးခဲ့သော ရှေးဟောင်းဘုရား၊ စေတီပုထိုးများကို နီပေါနိုင်ငံအစိုးရမှပြုပြင်မွမ်းမံလှူဒါန်းလိုခြင်းအား သာသနာရေးနှင့်ယဥ်ကျေးမှုဝန်ကြီးဌာန၊ ပြည်ထောင်စုဝန်ကြီး ဦးတင်ဦးလွင်နှင့် မြန်မာနိုင်ငံဆိုင်ရာ နီပေါနိုင်ငံ သံအမတ်ကြီး မစ္စတာ ဟာရီရှ်ချန်ဒရာ ဂီမီရေးတို့ဆွေး နွေးခဲ့ကြသည်။ ဝန်ကြီးဦးတင်ဦးလွင်နှင့် နီပေါနိုင်ငံသံအမတ်ကြီးတို့သည် ဇွန် ၂၆ ရက်နံနက် ၁၁ နာရီက နေပြည်တော်၌တွေ့ဆုံခဲ့ကြခြင်းဖြစ်သည်။ တွေ့ဆုံစဥ် မန္တလေးငလျင်ကြီးဒဏ်ကြောင့် ထိခိုက်ပျ-က်စီးခဲ့သော ရှေးဟောင်းဘုရား၊ စေတီပုထိုးများကို မြန်မာ-နီပေါ နှစ်နိုင်ငံချစ်ကြည်ရေး အထိမ်းအမှတ်အဖြစ် နီပေါနိုင်ငံအစိုးရမှပြုပြင်မွမ်းမံလှူဒါန်းလိုခြင်းနှင့်ပတ်သက်၍ နှစ်နိုင်ငံပူးပေါင်းဆောင်ရွက်နိုင်မည့် နည်းလမ်းများနှင့် မြန်မာ-နီပေါ နှစ်နိုင်ငံယဉ်ကျေးမှုပူးပေါင်းဆောင်ရွက်ရေးတို့ကို ဆွေးနွေးခဲ့ကြသည်။

နစက ဥက္ကဋ္ဌ၊ နိုင်ငံတော်ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင်သည် ဘယ်လာရုစ်နိုင်ငံ၊ မင့်စ်မြို့သို့ရောက်ရှိနေစဥ် ယနေ့ ဇွန် ၂၇ ရက်နံနက်ပိုင်းက မင့်စ်မြို့ရှိ Minsk Tractor Works ထွန်စက် စက်ရုံအားသွားရောက်လေ့လာကြည့်ရှုရာ ဘယ်လာရုစ်နိုင်ငံ၊ စက်မှုဝန်ကြီးဌာနဝန်ကြီး Mr. Efimov A.V. နှင့် စက်ရုံညွှန်ကြားရေးမှူးချုပ် Mr. Avramenko S.A. တို့ကကြိုဆိုခဲ့ကြသည်။ စက်ရုံအတွင်း ဘယ်လာရုစ်နိုင်ငံမှထုတ်လုပ်သည့် စိုက်ပျိုးရေးလုပ်ငန်းသုံး လယ်ယာမြေပြုပြင်ထွန်ယက်ရာတွင် အသုံးပြုသည့်ယာဉ်များ၊ စိုက်ပျိုးရာ တွင်အသုံးပြုသည့်ယာဉ်များ၊ ပြုစုပျိုးထောင်ခြင်းနှင့် သွင်းအားစုများထည့်သွင်းရာတွင် အသုံးပြုသည့်ယာဉ်များ၊ မမျှော်မှန်းနိုင်သည့် သဘာဝဘေးကျရောက်မှုနှင့် မီးငြိမ်းသတ်မှုတို့တွင်...

စစ်ကိုင်းတိုင်း၊ မင်းကင်းမြို့ရှိ ချင်းတွင်းမြစ်ရေသည် (၁,၂၇၀)စင်တီမီတာသို့ရောက်ရှိနေပြီး မြို့၏ စိုးရိမ်ရေအမှတ်သို့ရောက်ရှိရန် (၈၀)စင်တီမီတာ (၂)ပေခွဲကျော်ခန့်သာလိုပြီး လာမည့်(၃၆)နာရီအတွင်း စိုးရိမ်ရေအမှတ်သို့ရောက်ရှိနိုင်ကြောင်း သိရသည်။ ထို့ကြောင့် မင်းကင်းမြို့နယ်အတွင်း မြေနိမ့်ပိုင်းနှင့် မြစ်ကမ်းဘေးတွင်နေထိုင်သူများအနေဖြင့် ကြိုတင်သတိပြုကြရန်နှင့် မြစ်ရေမြင့်တက်လာပါက ကုန်းမြင့်ပိုင်းသို့ အချိန်မီပြောင်းရွှေ့ကြရန် မြို့နယ်တာ ဝန်ရှိသူများက ယနေ့ ဇွန် ၂၇ ရက်နံနက် ၉ နာရီက လိုက်လံအသိပေးနှိုးဆော်မှုများပြုလုပ်ခဲ့ကြကြောင်း သိရသည်။