(၄၅ )ကြိမ်မြောက် ရုပ်ရှင်သက်ကြီးပူဇော်ပွဲ နှင့်(၁၀၂) နှစ်ကြိမ်မြောက် မြန်မာ့ရုပ်ရှင်နေ့အခမ်းအနားကို ယနေ့ အောက်တိုဘာ ၁၃ ရက်နေ့ မနက်ပိုင်းက ရန်ကုန်မြို့ရှိ မြန်မာနိုင်ငံရုပ်ရှင်အစည်းအရုံးမှာ ကျင်းပခဲ့ပါတယ်။
အဆိုပါအခမ်းအနားကို ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးမောင်မောင်အုန်း ၊ ရန်ကုန်တိုင်းဒေသကြီးဝန်ကြီးချုပ်နှင့် အစိုးရအဖွဲ့တာဝန်ရှိသူများ၊မြန်မာနိုင်ငံရုပ်ရှင်အစည်းအရုံး ဥက္ကဌ ဦးကြည်စိုးထွန်းနဲ့တကွ နာယကကြီးများ တက်ရောက်ကာ ဖဲကြိုးဖြတ်ဖွင့်လှစ်ပေးခဲ့ပါတယ်။
ယင်းအခမ်းအနား၌မြန်မာ့ရုပ်ရှင်တစ်သက်တာဂုဏ်ပြုဆု နှစ်ဆုကိုလည်း ပေးအပ်ချီးမြှင့်ခဲ့ပါတယ်။
ယင်းဂုဏ်ပြုဆုများကိုကွယ်လွန်သွားပြီဖြစ်သော အကယ်ဒမီများရှင် ဘဘညွှန့်ဝင်း နဲ့ အကယ်ဒမီ ဘဘအောင်လွင်တို့ကို ပေးအပ်ခဲ့ပါတယ်။
အခမ်းအနားတွင် မြန်မာ့ရုပ်ရှင်သမိုင်းပြတိုက်ဖွင့်ပွဲကို ကျင်းပခဲ့ပြီးနောက် ရုပ်ရှင်သက်ကြီးပူဇော်ပွဲမှာကန်တော့ခံ သက်ကြီးရုပ်ရှင်အနုပညာရှင်များအား သက်ဆိုင်ရာ တာဝန်ရှိသူများ နဲ့ ရုပ်ရှင်အနုပညာရှင်များက ဂါရဝပြုကန်တော့ခဲ့ကြောင်း သိရသည်။
