The Japan Foundation မှ ၂၀၂၆ ဘဏ္ဍာရေးနှစ်အတွက် ထောက်ပံ့မှုပေးအပ်ခြင်း အစီအစဉ်များအတွက် လျှောက်လွှာများ စတင်လက်ခံလျက်ရှိကြောင်း သိရသည်။
ဂျပန်ဖောင်ဒေးရှင်း ရုံးချုပ်မှ နှစ်စဉ်ထောက်ပံ့မှု ပေးအပ်သောအစီအစဉ်များ ပြုလုပ်လျက်ရှိကာ ၂၀၂၆ ဘဏ္ဍာရေး နှစ်အတွက် လျှောက်လွှာများ စတင်လက်ခံပြီဖြစ်ကာ အသေးစိတ်အချက်အလက်များကို ဂျပန်ဖောင်ဒေးရှင်း(ရန်ကုန်)ဂျပန်ယဉ်ကျေးမှုစင်တာ ဝက်ဘ်ဆိုက်တွင် တင်ထားပြီဖြစ်ကြောင်း အသိပေးထားသည်။
ယဉ်ကျေးမှုနှင့် အနုပညာဖလှယ်ရေးဆိုင်ရာ ထောက်ပံ့မှုအစီအစဉ်များ (Arts and Cultural Exchange)၊ နိုင်ငံရပ်ခြားရှိ ဂျပန်ဘာသာသင်ကြားရေးပိုင်းဆိုင်ရာ ထောက်ပံ့မှုအစီအစဉ်များ (Japanese-Language Education Overseas)၊ ဂျပန်ရေးရာလေ့လာရေးနှင့် နိုင်ငံတကာဆွေးနွေးခြင်းဆိုင်ရာ ထောက်ပံ့မှု အစီအစဉ်များ (Japanese Studies Overseas and International Dialogue) အတွက် ထောက်ပံ့ပေးခြင်းဖြစ်သည်။
ကဏ္ဍအလိုက် ထောက်ပံ့မှု အစီအစဉ်များ၏ အကြမ်းဖျင်းအချက်အလက်များကိုလည်း ဂျပန်ဖောင်ဒေးရှင်း(ရန်ကုန်) ဂျပန်ယဉ်ကျေးမှုစင်တာ၏ Facebook Page တွင် ထပ်မံကြေညာပေးသွားမည်ဖြစ်ကြောင်း သိရသည်။