၂၀၂၅ ခုနှစ်သည် အပူဆုံးနှစ်များထဲမှ တစ်နှစ်ဖြစ်လာနိုင်ခြေရှိကြောင်း ရုရှားနိုင်ငံ ရာသီဥတုနှင့် ဇလဗေဒဆိုင်ရာ စင်တာ (Hydrometeorological Center) ၏ သုတေသနညွှန်ကြားရေးမှူး Roman Vilfand က တွေ့ဆုံမေးမြန်းခန်းတစ်ခုတွင် ပြောကြားခဲ့သည်။
“၂၀၂၅ ခုနှစ်သည် အပူဆုံးနှစ်များထဲမှ တစ်နှစ်ဖြစ်လာနိုင်ခြေရှိပါသည်။ ယင်းအကြောင်းရင်းမှာ မကြာသေးမီနှစ်များအတွင်း ဖန်လုံအိမ်ဓာတ်ငွေ့များ ပိုမိုများပြားလာခြင်းကြောင့် ရာသီဥတုမှာ တဖြည်းဖြည်း ပိုမိုပူနွေးလာခြင်းကြောင့်ဖြစ်သည်။ ဝမ်းနည်းစရာကောင်းသည်မှာ ဤဖြစ်စဉ်ကို ယခုထိတိုင် တည်ငြိမ်အောင် မထိန်းနိုင်သေးပါ။ ထို့အပြင် သမုဒ္ဒရာများအထက်ရှိ လေထုအလွှာသည် အလွန်မြင့်မားနေဆဲဖြစ်ပြီး ၎င်း၏ လှုပ်ရှားမှုရှိသော အလွှာ (မြေပြင်နှင့် ထိစပ်နေသောအလွှာ) သည် ကောင်းစွာ ပူနွေးနေလျှက်ရှိသည်။ ဤအချက်ကလည်း လေထု၏ အခြေအနေအပေါ် သက်ရောက်မှုရှိသည်။ သမုဒ္ဒရာမှ လွှဲပြောင်းပေးသော အပူက ယင်းလေထုအလွှာ၏ အပူချိန်ကို မြင့်တက်စေပြန်သည်” ဟု ၎င်းက ရှင်းပြခဲ့သည်။
၂၀၂၅ ခုနှစ်သည် အပူဆုံးနှစ်များထဲတွင် မည်သည့်နေရာဒေသသည် အပူဆုံးဖြစ်မည်ကို အတိအကျပြောနိုင်ရန်မှာမူ ယခုနှစ်၏ ဒုတိယခြောက်လအတွင်းတွင် သိရှိနိုင်မည်ဖြစ်ကြောင်း Vilfand က ထပ်လောင်းပြောကြားခဲ့သည်။