ဟိုင်ကူး၊ ဇန်နဝါရီလ ၂
တရုတ်နိုင်ငံ၏ အကြီးဆုံး ကမ်းလွန်သဘာဝဓာတ်ငွေ့သိုက်ဖြစ်သော ပင်လယ်နက်အမှတ် (၁) သည် စတင်လည်ပတ်ချိန်မှစ၍ ရေနံစိမ်းအကြိမ်ရေ ၁၀၀ မြောက် တင်ပို့မှုကို အောင်မြင်စွာ ဆောင်ရွက်နိုင်ခဲ့ကြောင်း တရုတ်အမျိုးသားကမ်းလွန်ရေနံကော်ပိုရေးရှင်း (စီအင်န်အိုအိုစီ) က သောကြာနေ့တွင် ကြေညာခဲ့ပါသည်။
၂၀၂၅ ခုနှစ်အတွင်း အဆိုပါဓာတ်ငွေ့သိုက်၏ စုစုပေါင်း ရေနံနှင့် သဘာဝဓာတ်ငွေ့ထုတ်လုပ်မှုသည် ရေနံအလေးချိန်နှင့်ညီမျှသော တန်ချိန် ၄ ဒဿမ ၅ သန်းကျော်ရှိခဲ့ရာ အဆိုပါပမာဏမှာ ကုန်းတွင်းရှိ အလတ်စားရေနံမြေတစ်ခု၏ ထုတ်လုပ်မှုနှင့် နှိုင်းယှဉ်နိုင်သည့် အတိုင်းအတာဖြစ်ပေသည်။ အဆိုပါ စီမံကိန်းကို အဆင့်နှစ်ဆင့်ဖြင့် အကောင်အထည်ဖော်ခဲ့ခြင်းဖြစ်ပြီး ထုတ်လုပ်မှုလုပ်ငန်းများကို ၂၀၂၁ ခုနှစ်နှင့် ၂၀၂၅ ခုနှစ်တို့တွင် အသီးသီး စတင်ခဲ့ခြင်းဖြစ်သည်။
စီမံကိန်း၏ ဒုတိယအဆင့်သည် ပြည်တွင်းကမ်းလွန် ရှာဖွေရေးတစ်လျှောက် အမြင့်ဆုံး အပူချိန်နှင့် ဖိအားများအောက်တွင် လုပ်ဆောင်ရသဖြင့် ယနေ့အထိ နိုင်ငံ၏ စိန်ခေါ်မှုအများဆုံး ရေနက်ပိုင်း သဘာဝဓာတ်ငွေ့ ဖော်ထုတ်မှုလုပ်ငန်းလည်း ဖြစ်ပေသည်။ ထို့အပြင် ရေအနက် မီတာ ၁,၅၀၀ ကျော်တွင် လုပ်ဆောင်နေခြင်းဖြစ်သောကြောင့် တရုတ်နိုင်ငံ၏ အနက်ဆုံးသော သဘာဝဓာတ်ငွေ့ ဖော်ထုတ်မှုလုပ်ငန်းလည်း ဖြစ်ပါသည်။
ယခုအခါ ပင်လယ်နက်အမှတ် (၁) သဘာဝဓာတ်ငွေ့သိုက်သည် တစ်နေ့လျှင် သဘာဝဓာတ်ငွေ့ ကုဗမီတာ ၁၅ သန်းနှင့် ရေနံတန်ချိန် ၁,၆၀၀ ကျော်ကို ထုတ်လုပ်ပေးလျက်ရှိကြောင်း သိရှိရသည်။
Ref: ရှင်းဟွာ