တရုတ်အခြေစိုက် ကားကုမ္ပဏီကြီးဖြစ်သည့် Chery အုပ်စုက ထုတ်ပြန်လိုက်သော ၂၀၂၂ ခုနှစ်အတွင်း ရောင်းချခဲ့ရသည့် ကားအစီးရေ ပမာဏအရ Chery အမှတ်တံဆိပ်ကားများသည် ဒီဇင်ဘာလ တစ်လတည်း၌ပင် ကားအစီးရေ ၁၀၅,၄၈၃ စီး ရောင်းချခဲ့ရပြီး တစ်နှစ်တာလုံး အတိုင်းအတာဖြင့် စုစုပေါင်း ၁,၂၃၂,၇၂၇ စီး စံချိန်တင် ရောင်းချခဲ့ရကြောင်း သိရသည်။ ထိုပမာဏမှာ ပြီးခဲ့သည့်နှစ်နှင့် နှိင်းယှဉ်ပါက ၂၈ ဒသမ ၂ ရာခိုင်နှုန်း တိုးလာခြင်းဖြစ်သည်။

အထူးသဖြင့် ပြည်ပသို့ ကားအစီးရေပေါင်း ၄၅၁,၃၃၇ စီး တင့်ရောင်းချနိုင်ခဲ့ပြီး တစ်နှစ်ထက် တစ်နှစ် ၆၇ ဒသမ ၇ ရာခိုင်နှုန်း တိုးလာခဲ့သည်။

ထို့ပြင် ပြည်ပသို့ တင်ပို့ရောင်းချခဲ့ရသော ကားအစီးရေ ပမာဏအရ တရုတ်ထုတ် ကားအမှတ်တံဆိပ်များထဲတွင် Cheryသည် အနှစ် ၂၀ ဆက်တိုက် ပထမအဆင့်၌ ရပ်တည်နေကြောင်း သိရသည်။

၂၀၂၂ ခုနှစ်တွင် စိန်ခေါ်မှုများ၊ အခက်အခဲများ၊ မသေချာမရေရာမှုများနှင့် ရင်ဆိုင်ခဲ့ရသော်လည်း Chery သည် အခြားကုမ္ပဏီများနှင့် မတူဘဲ ဆန့်ကျင်ဘက် တိုးတက်အောင်မြင်မှုများ ရရှိခဲ့ပေသည်။

ပထမအောင်မြင်မှုအနေဖြင့် ၂၀၂၂ ခုနှစ်တွင် ကားအစီးရေ ၁ ဒသမ ၂၃ သန်း စံချိန်တင် ရောင်းချခဲ့ရပြီး နှစ်စဉ် ကားရောင်းချမှုပမာဏတွင် ပထမဆုံးအကြိမ်အဖြစ် ကားအစီးရေ တစ်သန်း ကျော်သွားခြင်းဖြစ်သည်။

ပြည်ပသို့ နှစ်စဉ်တင်ပို့သည့် ကားအစီးရေ ပမာဏသည်လည်း ပထမဆုံးအကြိမ်အဖြစ် လေးသိန်း ငါးသောင်းကျော် ရှိလာပြီး ပြည်ပသို့ ထိုးဖောက်ရောင်းချမည့် တရုတ်ထုတ် ကားအမှတ်တံဆိပ်များထဲတွင် စံချိန်သစ်တစ်ရပ်ကို ချိုးဖောက်နိုင်ခဲ့သည်။

ယခုလက်ရှိတွင် ကမ္ဘာတစ်ဝန်း၌ Chery ထုတ်ကားများအား အသုံးပြုနေသူ စုစုပေါင်း ၁၁ ဒသမ ၂ သန်း ရှိနေပြီး ထိုထဲမှ ၂ ဒသမ ၄ သန်းမှာ ပြည်ပမှ သုံးစွဲသူများဖြစ်ကြောင်း သိရသည်။

Chery အမှတ်တံဆိပ်သည် သုံးစွဲသူများနှင့် သဟဇာတဖြစ်သော ကားများ သာမက လူကြိုက်များသော ကားများကိုပါ ဆက်လက်ဖန်တီး ထုတ်လုပ်နေသဖြင့် အရောင်းပိုင်းတွင် အရှိန်အဟုန်ကောင်းလျက် ရှိနေပေသည်။

ကမ္ဘာ့မော်တော်ယာဉ် ဈေးကွက်ကို အဓိက ပစ်မှတ်ထား၍ ပြည်ပသို့ ထိုးဖောက်ရန်နှင့် လွန်စွာ ခေတ်မီတိုးတက်သည့် Brand တစ်ခု တည်ဆောက်ရန်အထိ ရည်ရွယ်ထားသော Chery သည် ပြည်ပဈေးကွက်ရှိ နိုင်ငံများ၊ လုပ်ဖော်ကိုင်ဖက်များနှင့် ပူးပေါင်းကာ တရုတ်စီးပွားရေးလုပ်ငန်းများအတွက် ဖွံ့ဖြိုးတိုးတက်သော နိုင်ငံတကာအဆင့်မီ ကားမော်ဒယ်ပုံစံအသစ်များကို ရှာဖွေပေးနိုင်ခဲ့သည်။

၂၀၂၂ ခုနှစ်၌ Chery အုပ်စုသည် လေးလအတွင်း တစ်လလျှင် ကားတင်ပို့မှု အစီးရေ ငါးသောင်း ကျော်ဖြင့် တရုတ်ထုတ် မော်တော်ယာဉ် အမှတ်တံဆိပ်များအတွင်း တစ်လလျှင် ကားအစီးရေ အများဆုံး တင်ပို့နိုင်မှုစံချိန်ကို ချိုးဖျက်နိုင်ခဲ့သည်။

Chery၏ အကောင်းဆုံး မော်တော်ယာဉ်များဖြစ်သော TIGGO 8 နှင့် TIGGO 7 တို့သည်လည်း ပြည်ပရှိ အသုံးပြုသူများထံမှ ယုံကြည်မှုနှင့် သဘောကျနှစ်သက်မှုတို့ကို လက်ခံရရှိခဲ့သည်။

ထို့ပြင် TIGGO 8 ကို ဘရာဇီးနှင့် အခြားနိုင်ငံများတွင် နိုင်ငံရပ်ခြားမှ ဂုဏ်သရေရှိ ဧည့်သည်တော်များအတွက် ဧည့်ခံယာဉ်အဖြစ် အကြိမ်ကြိမ် အသုံးပြုခဲ့ကြောင်း သိရသည်။

Cheryသည် ၎င်း၏ အားသာချက်စနစ်များကို ပေါင်းစည်းပြီး ထုတ်လုပ်လာသည့် နှစ်များတစ်လျှောက် အရည်အသွေးမြင့်သော တိုးတက်မှုများ ပြုလုပ်နိုင်ရန်အတွက် တွန်းအားပေးရာတွင် မဟာဗျူဟာကျကျ ပန်းတိုင်များထားကာ စိတ်ရှည်စွာဖြင့် ကြိုးစား အကောင်အထည်ဖော်ခဲ့သောကြောင့် အဓိကကျသော စီးပွားရေးဆိုင်ရာ အညွှန်းများအားလုံးတွင် စံချိန်တင် အမြင့်ဆုံးသို့ ရောက်ရှိခဲ့သည်။

ဆန်းသစ်တီထွင်မှုကို အဓိကတွန်းအား အဖြစ်ထားခြင်းဖြင့် Chery သည် နည်းပညာပိုင်းတွင်လည်း ၎င်း၏ ဦးဆောင်မှုကို ဆက်လက်အားကောင်းစေလျက် ကမ္ဘာ့နည်းပညာ ကုမ္ပဏီကြီးအဖြစ်သို့ အသွင်ပြောင်းနိုင်ရန်အတွက် အရှိန်မြှင့်လုပ်ဆောင်လျက်ရှိသည်။

မော်တော်ယာဉ်အသစ် ထုတ်လုပ်သည့်အခါတိုင်း ခေတ်မီဆန်းပြားသော နည်းပညာအသစ်များ အဆက်မပြတ် ပါဝင်လာစေရန်အတွက် Cheryသည် သိပ္ပံပညာရှင်ကြီးများ ပါဝင်သည့်အဖွဲ့တစ်ဖွဲ့ကို တည်ထောင်ထားပြီး နည်းပညာဆိုင်ရာ ဆန်းသစ်တီထွင်မှုများ ပြုလုပ်ရာတွင် ဦးဆောင်စေခဲ့ကြောင်း သိရသည်။

ထိုကြောင့် Cheryသည် ၂၀၂၂ နှစ်ကုန်တွင် နည်းပညာဆိုင်ရာ စုစုပေါင်း မူပိုင်ခွင့် ၂၅,၇၉၅ ခုကို ကြေညာနိုင်ခဲ့ပြီး ထိုထဲမှ ၁၇,၁၇၇ ခုအား ခွင့်ပြုချက်မူပိုင်ခွင့်ရရှိခဲ့ကာ မော်တော်ယာဉ်လုပ်ငန်းထဲတွင် ထိပ်တန်းစာရင်းဝင်ခဲ့သည်။

Cheryသည် ၎င်း၏ လုပ်ဖော်ကိုင်ဖက် အသိုင်းအဝိုင်းကိုလည်း စဉ်ဆက်မပြတ်ချဲ့ထွင်နေပြီး ပူးတွဲ ဆန်းသစ်တီထွင်မှုများ၊ ပေါင်းစပ်တီထွင်မှုများနှင့် လွတ်လပ်စွာ ပူးပေါင်းဆောင်ရွက်မှုများ လုပ်ဆောင်နိုင်ရန်အတွက် ပြည်ပမှ ကုမ္ပဏီကြီးများနှင့် ပူးပေါင်းကာ မဟာမိတ်အဖွဲများ ဖွဲစည်းနေသည်။

Cheryအုပ်စုသည် စက်မှုအင်တာနက်၊ ပါဝါဘက်ထရီ စနစ်များ၊ ဂေဟစနစ်နှင့် ကိုက်ညီစေမည့် ပူးပေါင်းဆောင်ရွက်မှု နယ်ပယ်များတွင် မဟာမိတ်အဖွဲများ ဖွဲစည်းရန်အတွက် Haier, Huawei, Luxshare Precision, CATL, iFLYTEK, Horizon Robotics စသည့်ကုမ္ပဏီကြီးများအပြင် အခြားသော စက်မှုလုပ်ငန်းအမျိုးမျိုးရှိ ပထမတန်းစား ကုမ္ပဏီများနှင့်ပါ လက်တွဲခဲ့သည်။

Cheryအုပ်စုသည် ၂၀၂၃ ခုနှစ်တွင်လည်း မနှစ်ကကဲ့သို့ နှစ်စဉ် ကားအရောင်းပမာဏနှင့် အခြားသော အဓိကကျသည့် စီးပွားရေးအညွှန်းများတွင် တဟုန်ထိုး တိုးတက်နေမှုကို ဆက်လက်ထိန်းသိမ်းသွားရန် ရည်မှန်းထားသည်။

ထို့ပြင် ၎င်း၏ ကားအရည်အသွေးများအား စဉ်ဆက်မပြတ် မြှင့်တင်ပေးခြင်းဖြင့် မဝေး‌တော့သည့် အနာဂတ်ကာလအတွင်း ကမ္ဘာ့ထိပ်တန်း မော်တော်ကားလုပ်ငန်းများ အလယ်တွင် အောင်မြင်စွာ ရပ်တည်နိုင်ရန်အတွက် ကြိုးပမ်းဆောင်ရွက်သွားမည် ဖြစ်ပါသည်။