၂၀၀၈ ဖွဲ့စည်းပုံဥပဒေသည် ဒီမိုကရေစီ စနစ်အတွက် အနှောင့်အယှက်တစ်ခုဖြစ်ကြောင်း ဒေါက်တာ အေးမောင်ဦးဆောင်သည့် ပါတီက အာဆီယံအထူးကိုစားလှယ်ကို တင်ပြ
၂၀၀၈ ဖွဲ့စည်းပုံသည် စစ်မှန်သည့် ဒီမိုကရေစီ စနစ်သို့ သွားရာတွင် အနှောင့်အယှက်အဟန့်အတား ဖြစ်နေပြီး ဖွဲ့စည်းပုံအသစ်ရေးဆွဲရန်ကြောင်း ရခိုင့်ဦးဆောင်ပါတီက အာဆီယံ အထူးကိုယ်စားလှယ်ထံ တင်ပြခဲ့ကြောင်း သိရသည်။
ဇူလိုင်လ (၂) ရက် နံနက်ပိုင်းတွင် ရန်ကုန်မြို့ရှိ Lotte Hotel ၌ အာဆီယံအထူးကိုယ်စားလှယ်နှင့် တွေ့ဆုံစဉ် တင်ပြခဲ့ခြင်း ဖြစ်ကြောင်း သိရသည်။
အာဆီယံ အထူးကိုယ်စားလှယ်နှင့် တွေ့ဆုံစဥ် ဖွဲ့စည်းပုံအသစ်ရေးဆွဲရေး တင်ပြခဲသည်ဆိုသည့်အပေါ် ပေါ်ပြူလာနယူးစ်မှ ဆက်သွယ်မေးမြန်းစဉ် ရခိုင့်ဦး ဆောင်ပါတီ ဥက္ကဋ္ဌ ဒေါက်တာအေးမောင်က ယခုကဲ့သို့ ပြန်လည်ဖြေကြားခဲ့သည်။
” ဟုတ်ပါတယ်။ ကျွန်တော်တို့ ပါတီက စာထုတ်ထားပါတယ်။ အဲဒီအထဲကအတိုင်း တင်ပြခဲ့ပါတယ်” ဟု ဒေါက် တာအေးမောင်က ပြန်လည်ဖြေကြားခဲ့သည်။
၂၀၀၈ ဖွဲ့စည်းပုံအခြေခံ ဥပဒေသည် ဒီမိုကရေစီယောင် ယောင် စနစ်တစ်ရပ်ကို ဖန်တီးပေးသည်မှာ မှန်သော် လည်း လူမျိုးအသိုက်အဝန်းများအကြား မညီမျှမှုနှင့် စစ်မှန်သော ဒီမိုကရေစီ စနစ်တရပ်ဆီသို့ သွားရာလမ်းတွင် အတားအဆီးအနှောင့်အယှက် အဟန့်အတားဖြစ်စေမှု၏ အဓိကအရင်းမြစ် ဖြစ်နေသည်ဟု ရခိုင့်ဦးဆောင်ပါတီ၏ ထုတ်ပြန်ချက်တွင် ဖော်ပြသည်။
လက်ရှိ ကြုံတွေ့နေရသည့် နိုင်ငံရေးအကြပ်အတည်းသည် ၂၀၀၈ ဖွဲ့စည်းပုံအခြေခံဥပဒေ ကို အခြေ တည်၍ ဖြစ်ပေါ်လာခြင်း ဖြစ်သည့်အတွက် ငြိမ်းချမ်းပြီးသာယာဝပြောသော မြန်မာနိုင်ငံအသစ် တည်ဆောက်ရန် ဖွဲ့စည်းပုံအခြေခံ ဥပဒေအသစ်တရပ်ကို အခြေပြု တည် ဆောက်ရမည်ဟုလည်း ဆိုသည်။
ထို့အပြင် ဖွဲ့စည်းပုံအခြေခံ ဥပဒေသစ်ရေးဆွဲနေသည့် ကာလအတွင်း နိုင်ငံတော်ကို အုပ်ချုပ်ရန် ကြားဖြတ်အ စိုးရတစ်ရပ် လိုအပ်မည်ဖြစ်ပြီး အဆိုပါ ကြားဖြတ်အစိုး ရသည်လည်း တရားဝင်မှုရှိစွာဖြင့် လုံလောက်သည့်အ တိုင်းအတာ တစ်ခုအထိ နိုင်ငံ့အာဏာကို ထိန်းချုပ်နိုင်သည့် အခွင့်အာဏာရှိရန် လိုအပ်ကြောင်းလည်း အဆိုပါ ထုတ်ပြန်ချက်တွင်ဖော်ပြထားသည်။
ယနေ့ တွေ့ဆုံပွဲသို့ တက်ရောက်ခဲ့သည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ဥက္ကဋ္ဌ ဦးသန်းဌေးကလည်း ဖွဲ့စည်းပုံအခြေခံ ဥပဒေသစ် ရေးဆွဲရေး ကိစ္စများနှင့် ပတ်သက်၍ အာဆီယံ အထူးကိုယ်စားလှယ်အား တင်ပြဆွေးနွေးခဲ့ကြောင်း သိရသည်။
ယနေ့ပြုလုပ်သည့် အာဆီယံအထူး ကိုယ်စားလှယ်နှင့် တွေဆုံပွဲသို့ ကြံ့ခိုင်ရေးပါတီ၊ ပအိုးဝ်အမျိုးသားအဖွဲ့ချုပ်၊ ဇိုမီးဒီမိုကရေစီအဖွဲ့ချုပ်၊ မွန်ညီညွတ်ရေးပါတီ၊ တအာင်း(ပလောင်) အ မျိုးသားပါတီ၊ ရခိုင့်ဦးဆောင်ပါတီနှင့် ရခိုင်အမျိုး သားပါတီတို့မှ ထိပ်ပိုင်း ခေါင်းဆောင်များ တက်ရောက်ခဲ့ကြကြောင်း သိရသည်။
