ဥရောပသမဂ္ဂ (EU) နှင့် အခြားနိုင်ငံပေါင်း ၆၀ ကျော်အပေါ် ၁၅ ရာခိုင်နှုန်းမှ ၄၁ ရာခိုင်နှုန်းအထိ အခွန်တိုးမြှင့်ကောက်ခံရန် အမှုဆောင်အမိန့်ကိုသမ္မတ ဒေါ်နယ်ထရမ့် လက်မှတ်ရေးထိုးလိုက်ပြီ ဖြစ်သည်။
အဆိုပါ စာရွက်စာတမ်းကို အိမ်ဖြူတော်က ထုတ်ပြန်ခဲ့သည်။ အခွန်တိုးမြှင့်ကောက်ခံမှုသည် သြဂုတ်လ ၇ ရက်နေ့တွင် စတင်အကျိုးသက်ရောက်မည် ဖြစ်သည်။
အမြင့်ဆုံးအခွန်နှုန်းထားများမှာ ၃၅ ရာခိုင်နှုန်း (အီရတ်၊ ဆားဘီးယား)၊ ၃၉ ရာခိုင်နှုန်း (ဆွစ်ဇာလန်)၊ ၄၀ ရာခိုင်နှုန်း (လာအို၊ မြန်မာ) နှင့် ၄၁ ရာခိုင်နှုန်း (ဆီးရီးယား) တို့ဖြစ်ဖွယ်ရှိသည်ဟု မျှော်လင့်ရသည်။
ယင်းနိုင်ငံများအပြင် အမေရိကန်က ၁၀ ရာခိုင်နှုန်း အခွန်တိုးမြှင့်ကောက်ခံမည့် ဖော့ကလန်ကျွန်းစုများနှင့် ၂၀ ရာခိုင်နှုန်းကောက်ခံမည့် ထိုင်ဝမ်တို့လည်း ပါဝင်သည်။
အမိန့်အရ အဆိုပါစာရင်းတွင် မပါဝင်သော နိုင်ငံများမှ ကုန်ပစ္စည်းများကို “၁၀ ရာခိုင်နှုန်း တန်ဖိုးအလိုက် အပိုဆောင်း အခွန်စည်းကြပ်မှု” လုပ်ဆောင်မည်ဖြစ်သည်။
ထရမ့်သည် ကနေဒါနိုင်ငံမှ အမေရိကန်သို့ ဖန်တန်နေးလ် (fentanyl) မူးယစ်ဆေးဝါးမှောင်ခိုကူးမှုကို တားဆီးရန် လုံလောက်သော အစီအမံများ မလုပ်ဆောင်နိုင်သည့်အတွက် ကနေဒါအပေါ် အခွန်နှုန်းထားကို ၂၅ ရာခိုင်နှုန်းမှ ၃၅ ရာခိုင်နှုန်းအထိ တိုးမြှင့်သည့် သီးခြားအမှုဆောင်အမိန့်ကိုလည်း သီးခြားလက်မှတ်ရေးထိုးခဲ့သည်။