၂၀၂၄-၂၀၂၅ မြန်မာနေရှင်နယ်လိဂ်အုပ်စုပထမအဆင့်တွင် ရပ်တည်နေသည့် ရှမ်းယူနိုက်တက်၏ နောက်ဆုံးပွဲစဉ် ယှဉ်ပြိုင်ကစားမှု၌ မြဝတီအသင်းကို (၅)ဂိုးပြတ်ဖြင့် အနိုင်ရလဒ်ထွက်ပေါ် ခဲ့သည်။
ယနေ့ ဇန်နဝါရီ (၂၆) ရက် ညနေ(၄)နာရီအချိန်၌ ရန်ကုန်မြို့၊ သုဝဏ္ဏအားကစားကွင်းအတွင်း ရှမ်းယူနိုက်တက်အသင်းနှင့် မြဝတီအသင်းတို့ ယှဉ်ပြိုင်ကစားခဲ့ရာ မြဝတီအသင်းက ပွဲချိန်(၃၅)မိနစ်တွင်ဦး ဆောင်ဂိုး (၁)ဂိုးသွင်းယူနိုင်ခဲ့သည်။
ထို့နောက် ရှမ်းယူနိုက်တက်အသင်းက ပွဲချိန်(၄၅)မိနစ်တွင် (၁)ဂိုး၊ ပွဲချိန်(၆၃) မိနစ်တွင်(၁)ဂိုး၊ ပွဲချိန်(၆၇)မိနစ်တွင် (၁)ဂိုး၊ ပွဲချိန်(၇၅)မိနစ်တွင်(၁)ဂိုးနှင့် ပွဲချိန် မိနစ်(၉၀)တွင်(၁)ဂိုးဖြင့် ချေပဂိုးများ ပြန်လည် သွင်းယူခဲ့ကြသည်။
လာမည့် ဖေဖော်ဝါရီ ဒုတိယအပတ်အတွင်း ပြီးဆုံးတော့မည်ဖြစ်သည့် Myanmar National League 2024-25 ပြိုင်ပွဲကို ပြီးခဲ့သည့်နှစ် ဇူလိုင် (၆)ရက်နေ့မှစတင်ခဲ့ကာ ဘောလုံးကလပ်အသင်း (၁၂)သင်းပါဝင်ကစားနေကြခြင်းလည်းဖြစ်သည်။
ရှမ်းယူနိုက်တက်အသင်းမှာ အုပ်စုတွင်း ရမှတ်(၄၆)မှတ်ဖြင့် အဆင့်(၁)နေရာ၌ ရပ်တည်နေသည့်အသင်းဖြစ်ပြီး၊ Asean Club Championship Shopee Cup 2024 – 25 ပြိုင်ပွဲတွင်လည်း နိုင်ငံကိုယ်စားပြု ဝင်ရောက်ယှဉ်ပြိုင်နေရသည့် အသင်းတစ်သင်းဖြစ်သည်။
ယခုနှစ် ကျင်းပနေသည့် မြန်မာနေရှင်နယ်လိဂ်ပြိုင်ပွဲသည် (၁၅)ကြိမ်မြောက် ရှိပြီဖြစ်ကာ ၂၀၂၄ ဇူလိုင်လ (၆) ရက်မှ ၂၀၂၅ ဖေဖော်ဝါရီလ (၁၆) ရက်ထိ (၈) လကြာ ကျင်းပပြုလုပ်သွားမည်ဖြစ်သည်။