အီရန်နိုင်ငံအပေါ် အစ္စရေး၏နောက်ဆုံးတိုက်ခိုက်မှုအတွင်း အီရန်နိုင်ငံ၏ နျူကလီးယားအစီအစဉ်ဆိုင်ရာ အစိတ်အပိုင်းအချို့ကိုသာ အစ္စရေးက တိုက်ခိုက်ခဲ့ကြောင်း အစ္စရေးဝန်ကြီးချုပ် ဘင်ဂျမင်နေတန်ယာဟုက လွှတ်တော်အစည်းအဝေးတစ်ခုအတွင်း ပြောကြားခဲ့သည်။
“ဒါဟာ လျှို့ဝှက်ချက်မဟုတ်ပါဘူး။ တိုက်ခိုက်မှုဟာ သူတို့ရဲ့ နျူကလီးယား အစီအစဉ်ရဲ့ အစိတ်အပိုင်းအချို့ကို ထိမှန်ခဲ့ပါတယ်” ဟု လွှတ်တော်ရုပ်မြင်သံကြားလိုင်းမှ ဝန်ကြီးချုပ်၏ ပြောကြားချက်ကို ဖော်ပြခဲ့သည်။ မည်သည့်အရာမျိုးကို ပစ်မှတ်ထားသည်ဆိုခြင်းကိုမူ နေတန်ယာဟုက မပြောကြားခဲ့ချေ။
သို့သော်လည်း အဆိုပါ တိုက်ခိုက်မှုသည် အီရန်၏ နျူကလီးယား အစီအစဉ်ကို လုံးလုံးလျားလျား ရပ်တန့်သွားစေခြင်း မရှိကြောင်းကိုမူ သူကဝန်ခံခဲ့သည်။ “အီရန် နျူကလီးယား အစီအစဉ် အသက်ဝင်လည်ပတ်နေမှုကို ရပ်တန့်နိုင်ခြင်း မရှိသေးပါ။ ကျွန်ုပ်တို့သည် အီရန်၏ နျူကလီးယား အစီအစဉ် အကောင်အထည်ဖော်မှုကို ၁၀နှစ်တိုင် နှောင့်နှေးစေရန်ပြုလုပ်နိုင်ခဲ့သော်လည်း အီရန်သည် ယူရေနီယံ သန့်စင်ရေးတွင် သိသာထင်ရှားသော တိုးတက်မှုများ ရရှိသွားခဲ့သည်”ဟု ဝန်ကြီးချုပ်က ပြောကြားခဲ့သည်။
ပါလက်စတိုင်းလှုပ်ရှားမှုအဖွဲ့ ဟားမတ်စ်၊ ဟစ်ဇ်ဘိုလာနှင့် အီရန်အစောင့်တပ်ဖွဲ့တို့မှ အကြီးတန်းအရာရှိများ သတ်ဖြတ်ခံရမှုကို လက်တုံ့ပြန်သည့်အနေဖြင့် အီရန်နိုင်ငံသည် အစ္စရေးနိုင်ငံကို ဒုံးကျည်ဖြင့် ပစ်ခတ်တိုက်ခိုက်ခဲ့သည်။ အစ္စရေးဘက်မှ အဆိုအရ ဒုံးကျည် ၁၈၀ ခန့် ပစ်ခတ်ခဲ့ပြီး အများစုမှာ ကြားဖြတ်ဟန့်တားခြင်း ခံခဲ့ရကြောင်း သိရသည်။