အီရန်ကို အစ္စရေးက စစ်ရေးတို-က်ခို-က်လိုက်မှုနှင့် ပတ်သက်၍ ဆွေးနွေးရန်အတွက် အမေရိကန်သမ္မတ ဒေါ်နယ်ထရမ့်ပ်က သောကြာနေ့ ဒေသစံတော်ချိန် နံနက် ၁၁ နာရီတွင် နိုင်ငံတော်လုံခြုံရေးကောင်စီ အစည်းအဝေးကို ကျင်းပပြုလုပ်သွားမည်ဖြစ်ကြောင်း အိမ်ဖြူတော်က ပြောကြားခဲ့သည်။
တစ်ချိန်တည်းမှာပင် အစ္စရေးက အီရန်နျူကလီးယားနယ်မြေများကို ဗုံးကြဲတို-က်ခို-က်ခဲ့မှုတွင် ၎င်းတို့ ပါဝင်ပတ်သက်ခြင်းမရှိကြောင်း အမေရိက,က ပြောကြားခဲ့သည်။ ယင်းတို-က်ခို-က်မှုက ဒေသတွင်း ပဋိပက္ခကို ပိုမိုနက်ရှိုင်းသွားစေရန် တွန်းပို့နိုင်သည့် အန္တရာယ်ရှိနေသည်။
အစ္စရေးသည် တို-က်ခို-က်မှုကို တစ်ဖက်သတ်ဆောင်ရွက်ခဲ့ခြင်းသာဖြစ်ကြောင်းနှင့် အီရန်အနေဖြင့် အမေရိကကို လက်တုန့်ပြန်ခြင်းမျိုးမလုပ်ရန် သတိပေးကြောင်း တို-က်ခို-က်မှုစတင်ခဲ့ပြီးနောက် မကြာခင်ပင် အမေရိကန်နိုင်ငံခြားရေးဝန်ကြီး မာကိုရူဘီယိုက ပြောကြားခဲ့သည်။
“အီရန်ကို တို-က်ခို-က်မှုမှာ ကျွန်တော်တို့ ပါဝင်ပတ်သက်ခြင်း မရှိပါဘူး။ ဒေသတွင်းက အမေရိကန်တပ်တွေကို ကာကွယ်သွားဖို့က ကျွန်တော်တို့ရဲ့ ထိပ်တန်းဦးစားပေးဖြစ်ပါတယ်” ဟု ရူဘီယိုက ပြောခဲ့ပြီး “အီရန်အနေနဲ့ အမေရိကန်အကျိုးစီးပွားတွေကိုဖြစ်စေ အမှုထမ်းတွေကိုဖြစ်စေ ပစ်မှတ်ထားတာမျိုး မလုပ်ဖို့ ရှင်းလင်းစွာ အသိပေးပါတယ်” ဟု ၎င်းကပြောကြားခဲ့သည်။
အမေရိကသည် အစ္စရေး၏ စစ်ဆင်ရေးနှင့် ရှောင်ဖယ်၍နေသည်မှာ အများအသိပင်ဖြစ်သော်ငြားလည်း အီရန်နိုင်ငံပိုင်ရုပ်သံက ချက်ချင်းပင် ဝါရှင်တန်ကို အပြစ်ဆိုခဲ့ကာ ကလေးများေ-သဆုံးခဲ့သည် တို-က်ခို-က်မှုတွင် ကြံရာပါဖြစ်သည်ဟု စွပ်စွဲခဲ့သည်။
Operation Rising Lion ဟု အမည်ပေးထားသော အစ္စရေး၏ တို-က်ခို-က်မှုသည် အီရန်၏ နျူကလီးယားပရိုဂရမ်နှင့် အခြားစစ်ဖက်နယ်မြေများကို ပစ်မှတ်ထားခဲ့သည်ဟု အစ္စရေးကာကွယ်ရေးတပ်ဖွဲ့က သတင်းထုတ်ပြန်ပြောကြားခဲ့သည်။
Ref: တိုင်မ်းဆော့ဖ်အစ္စရေး၊ ဘီဘီစီ