အိန္ဒိယဘဏ္ဍာရေးဝန်ကြီး နယ်မာလား ဆစ်ထာရာမန် သည် ယခုနှစ်အတွင်း အိန္ဒိယ မီးရထား လပ်ငန်း အတွက် ငွေလုံးငွေရင်း အသုံးစရိတ် စုစုပေါင်း ဒေါ်လာ ၂၉ ဘီလျံ သုံးစွဲသွားမည်ဖြစ်ကြောင်း ဖေဖော်ဝါရီလ ၁ ရက် ဗုဒ္ဓဟူးနေ့၌ ဘတ်ဂျက်မိန့်ခွန်း ပြောကြားစဉ် ကြေညာခဲ့သည်။
အဆိုပါ ငွေပမာဏသည် ၂၀၁၃-၂၀၁၄ ဘဏ္ဍာနှစ်တွင် ထုတ်ပေးခဲ့သည့် ငွေလုံးငွေရင်း စရိတ်ထက် ကိုးဆ ပိုများသည်ဟုလည်း ဆစ်ထာရာမန်က ပြောခဲ့သည်။
ထိုရန်ပုံငွေများကို ရထားနှင့် မီရထားသံလမ်းသစ်များ တည်ဆောက်ခြင်း၊ ဘူတာ ရုံများ တိုးချဲ့တည်ဆောက်ခြင်းနှင့် အခြေခံအဆောက်အဦများကို ကမ္ဘာ့အဆင့်မီအောင် မြှင့်တင်ခြင်း စသည်တို့တွင် အသုံးပြုသွားမည် ဖြစ်သည်။
ဆစ်ထာရာမန်သည် ကျည်ဆန်ရထားနှင့် ပတ်သက်၍ မည်သည့်အရာမျှ ထုတ်ဖော် ပြောကြားခဲ့ခြင်းမရှိသော်လည်း ကျွမ်းကျင်သူများက ရရှိလာသောငွေများကို ကျည်ဆန်ရထားများအတွက် တဖြည်းဖြည်း အသုံးပြုလာမည်ဟု ညွှန်ပြထားသည်။
အပြည်ပြည်ဆိုင်ရာ ငွေကြေးရန်ပုံငွေအဖွဲ့ (IMF)၏ ဆန်းစစ်ချက်အရ အိန္ဒိယသည် ၂၀၂၃ ခုနှစ်တွင် ၆ ဒသမ ၁ ရာခိုင်နှုန်း ကြီးထွားလာမှုဖြင့် ကမ္ဘာ့ ကြီးထွားနှုန်း အမြန်ဆုံး စီးပွားရေးနိုင်ငံအဖြစ် ရပ်တည်လျက်ရှိကြောင်း သိရသည်။
Source: WION