အိန္ဒိယက ဆည်ရေဖေ-ာက်လွှတ်၍ ရေကြီးနိုင်​ကြောင်း ပါကစ္စတန်ကို သတိပေး

မိုးသည်းထန်စွာရွာသွန်းမှုကြောင့် အိန္ဒိယသည် ၎င်းပိုင် ကက်ရှ်မီးယားဒေသရှိ အဓိကဆည်များ၏ ရေတံခါးအားလုံးကို သြဂုတ်လ ၂၇ ရက်‌နေ့တွင် ဖွင့်ချလိုက်ရသဖြင့် မြစ်အောက်ပိုင်းရှိ အိမ်နီးချင်းပါကစ္စတန်တွင် ရေကြီးနိုင်ခြေရှိကြောင်း သတိပေးခဲ့သည်ဟု အိန္ဒိယအစိုးရသတင်းရင်းမြစ်တစ်ခုက ပြောကြားခဲ့သည်။

အဆိုပါသတိပေးချက်ကို လက်ခံရရှိကြောင်း ပါကစ္စတန်က ပြောကြားခဲ့ပြီး အိန္ဒိယမှတဆင့် နိုင်ငံအတွင်းစီးဝင်သော မြစ်ကြောင်းသုံးခုတွင် ရေကြီးရေလျှံနိုင်ကြောင်း သတိပေးချက်ထုတ်ပြန်ခဲ့သည်။

မကြာသေးခင် ရက်သတ္တပတ်များအတွင်း ပြင်းထန်သော မုတ်သုံမိုးရွာသွန်းကာ ရေကြီးရေလျှံသောကြောင့် အိန္ဒိယနှင့် ပါကစ္စတန်တို့တွင် ပျ-က်စီးမှုများဖြစ်ခဲ့သည်။

ပါကစ္စတန်၏ ပန်ဂျပ်ပြည်နယ်သည် မိုးသည်းထန်စွာ ရွာသွန်းမှုနှင့် အိန္ဒိယဆည်များမှ ဖေ-ာက်ထုတ်လိုက်သော ရေများကြောင့် ရေလွှမ်းမိုးမှုအန္တရာယ်မှု နှစ်ဆရှိနေကြောင်း ပါကစ္စတန်တာဝန်ရှိသူများက ပြောကြားသည်။ ပန်ဂျပ်ပြည်နယ်သည် နိုင်ငံ၏ စားသောက်ကုန်သီးနှံ ကို အဓိကထုတ်လုပ်ရာနေရာဖြစ်ပြီး နိုင်ငံ့ လူဦးရေ သန်း ၂၄၀ ခန့်၏ ထက်ဝက်ခန့်နေထိုင်ရာဒေသလည်းဖြစ်သည်။

အိန္ဒိယသတင်းရင်းမြစ်တစ်ခု၏ အဆိုအရ ဆည်ရေ ကုဗစက္ကန့် ၂၀၀,၀၀၀ ကို ထုတ်လွှတ်ဖွယ်ရှိသည် ဟု ဆိုသည်။ တစ်ကုဗစက္ကန့် ဆိုသည်မှာသည် တစ်စက္ကန့်လျှင် ၂၈ ကုဗလီတာနှင့် ညီမျှသော ရေလွှတ်အားပမာဏဖြစ်သည်။ ဆည်ရေများကို တစ်ကြိမ်တည်းဖြင့် ဖေ-ာက်လွှတ်မည်လား၊ တစ်ဆင့်ချင်း ဖေ-ာက်လွှတ်မည်လားဆိုသည်ကိုမူ ရှင်းလင်းစွာမသိရပေ။

အိန္ဒိယသည် လာမည့်ရက်များအတွင်း ထိန်းချုပ်ထားသော ဆည်ရေပမာဏကို ထုတ်လွှတ်မည်ဖြစ်ကြောင်း ပါကစ္စတန် သဘာဝဘေးအန္တရာယ်ဆိုင်ရာ စီမံခန့်ခွဲမှုအရာရှိတစ်ဦးက သြဂုတ်လ ၂၆ ရက် နေ့တွင် သတိပေးခဲ့သည်။

နျူကလီးယားလက်နက်ပိုင် နှစ်နိုင်ငံသည် မေလအတွင်းက ပဋိပက္ခကြောင့် ဆယ်စုနှစ်များစွာအတွင်း အဆိုးဝါးဆုံး တို-က်ခို-က်မှုများပေါ်ပေါက်ခဲ့ပြီးနောက်ပိုင်း ဆက်ဆံရေးတင်းမာနေခဲ့ပြီး အိန္ဒိယပရောဂကြောင့်သာ ပါကစ္စတန်တွင် ရေလွှမ်းမိုးမှုမျိုးဖြစ်ခဲ့ပါက ဆက်ဆံရေးပျက်ယွင်းသွားနိုင်သည်။

Ref: သည်စထရိတ်တိုင်းမ်စ်