လာမည့် နိုဝင်ဘာလအတွင်း ကျင်းပပြုလုပ်မည့် အာရှအမျိုးသမီးချန်ပီယံလိဂ် အုပ်စုအဆင့်ပွဲစဥ်အတွက် ISPE အ မျိုးသမီးအသင်းအနေဖြင့် လက်ရွေးစင်ကစားသမား(၉)ဦးကို ကာလတိုအငှားစာချုပ်ဖြင့် ခေါ်ယူထားပြီဖြစ်ကြောင်း အသင်းနှင့် နီးစပ်သည့် သတင်းရင်းမြစ်များထံက သိရသည်။
အဆိုပါ ပြိုင်ပွဲတွင် ISPE အသင်းသည်အုပ်စု (C)၌ တောင်ကိုရီးယားကလပ် Suwon FC ၊ ဂျပန်ကလပ် Tokyo Verdy Beleza FC၊ မြောက်ကိုရီးယားကလပ် Naegohyang FC တို့နှင့် တစ်အုပ်စုတည်း ကျရောက်နေသည်။
ISPE အမျိုးသမီးအသင်းပါဝင်သည့် အုပ်စု(C) ပွဲစဥ်များကို နိုဝင်ဘာ (၉)ရက်မှ (၁၅)ရက်အထိ ရန်ကုန်မြို့ သုဝဏ္ဏကွင်းအတွင်း လက်ခံကျင်းပသွားမည်ဖြစ်သည်။
ပြိုင်ပွဲတွင် အုပ်စုတခုစီမှ အုပ်စုပထမနှင့် ဒုတိယရရှိသည့်အသင်း(၆)သင်း၊ အကောင်းဆုံးအုပ်စုတတိယရရှိသည့် အသင်း (၂) သင်း၊ စုစုပေါင်း(၈)သင်း ကွာတားဖိုင်နယ်အဆင့်ကို တက်ရောက်သွားမည်ဖြစ်သည်။
လက်ရှိတွင် ISPE အမျိုးသမီးအသင်းအနေဖြင့် လေ့ကျင့်ပြင်ဆင်မှုများ စတင်ပြုလုပ်နေပြီဖြစ်သည်။