အသင်းပေါင်း (၁၂)သင်း ဝင်ရောက်ယှဉ်ပြိုင်နေသည့် FIFA -MFF U15 Boys League 2024-2025 Week-1 ပွဲစဉ်များ ပြီးဆုံးခဲ့ပြီဖြစ်ရာ အသင်းအလိုက် အဆင့်ရပ်တည်မှုစာရင်းကို မြန်မာနိုင်ငံဘောလုံးအဖွဲ့ချုပ်က ထုတ်ပြန်ထားသည်။
အသင်းအလိုက် ရပ်တည်မှုအရ Royal Yangon FC က အဆင့်(၁)၊ Golden Light United FC က အဆင့်(၂)၊ Burmese Youth FC က အဆင့်(၃)၊ Shwe Phi Thar FC က အ ဆင့်(၄)၊ Mar Rein FCက အဆင့်(၅)ဖြင့် အသီးသီး ရပ်တည်နေကြသည်။
ထို့အတူ Yangon Focus FC၊ Southern Yangon Star FC၊ Artharwady FC၊ Mingalardon City FC၊ Yangon Taung zalatt FC၊ Mya Thida FC၊ The Honour FC တို့မှာ အဆင့်(၆)မှ (၁၂)အထိ အစဉ်လိုက် အသီးသီး ရပ်တည်နေကြကြောင်း သိရသည်။
အဆိုပါ အသက် (၁၅) နှစ်အောက် လူငယ်ဘောလုံးလိဂ်ပြိုင်ပွဲကို ၂၀၂၄ ခုနှစ် ဒီဇင်ဘာ (၂၈)ရက်စတင် ယှဉ်ပြိုင်ခဲ့ကြခြင်းဖြစ်ကာ လက်ရှိတွင် Week-1 ပွဲစဉ်များ ပြီးဆုံးခဲ့ပြီဖြစ်ပြီး Week -2 ပွဲစဉ်ကျင်းပမည့် ရက်ကို အဖွဲ့ချုပ်က အသိပေးထုတ်ပြန်ထားခြင်းမရှိသေးပေ။
မြန်မာနိုင်ငံ ဘောလုံးအဖွဲ့ချုပ်အနေဖြင့် လူငယ်မျိုးဆက်သစ်များ ဘောလုံးလှုပ်ရှားမှုများတွင် ပါဝင်လာရေး၊ ပြည်တွင်း လူငယ်ပြိုင်ပွဲများ စဉ်ဆက်မပြတ် ကျင်းပနိုင်ရေး၊ မျိုးဆက်သစ် လူငယ်ကစားသမားများ ပေါ်ထွက်လာရေး၊ FIFA, AFC, AFF လူငယ်ပြိုင်ပွဲများတွင် မြန်မာ့လက်ရွေးစင် လူငယ်အသင်းများ အောင်မြင်မှု ရရှိရေးအတွက် ရည်ရွယ်၍ ဖီဖာလမ်းညွှန်ချက်များနှင့်အညီ နှစ်စဉ် ကျင်းပပေးလျက်ရှိကြောင်း အဖွဲ့ချုပ်က အသိပေးထုတ်ပြန်ထားသည်။