MFF U-15 YOUTH LEAGUE 2024-2025 Week-3 မှာ ယမန်နေ့ ဇန်နဝါရီ (၂၇) ရက်တွင် ပြီးစီးခဲ့ပြီဖြစ်ကာ ယင်း ပွဲစဉ်အပြီး အမှတ်ပေးဇယား အဆင့်ရပ်တည်မှုကို မြန်မာနိုင်ငံဘောလုံးအဖွဲ့ ထုတ်ပြန်ထားသည်။
အမှတ်ပေးဇယား ရပ်တည်မှုအရ Royal Yangon FC က ရမှတ်(၉)မှတ်ဖြင့် အဆင့် ရပ်တည်မှု(၁)၊ Southern Yangon FC ရမှတ်(၆)မှတ်ဖြင့် အဆင့် (၂)၊ Mar Rein FC ရမှတ် (၆) မှတ်ဖြင့် အဆင့်(၃)၊ Shwe Phi Thar FC ရမှတ် (၆)မှတ်ဖြင့် အဆင့်(၄)၊ Artharwady FC ရှတ်(၆)မှတ်ဖြင့် အဆင့်(၅) တွင်အသီးသီးရပ်တည်နေကြခြင်း ဖြစ်သည်။
အလားတူ Mingalardon City FC၊ Burmese Youth FC၊ Golden Light United FC၊ Yangon Focus FC၊ The Ho nour FC၊ Mya Thida FC၊ Yangon Taungzalatt FC တို့မှာလည်း ရမှတ်အလိုက် အဆင့်(၆)မှ အဆင့်(၁၂)အထိ အသီးသီး ရပ်တည်နေကြခြင်းဖြစ်သည်။
အဆိုပါ အသက် (၁၅) နှစ်အောက် လူငယ်ဘောလုံးလိဂ်ပြိုင်ပွဲကို ၂၀၂၄ ခုနှစ် ဒီဇင်ဘာ (၂၈)ရက်စတင် ၍ အသင်း (၁၂)သင်း ပါဝင်ယှဉ်ပြိုင်နေခြင်းဖြစ်သည်။
မြန်မာနိုင်ငံ ဘောလုံးအဖွဲ့ချုပ်အနေဖြင့် လူငယ်မျိုးဆက်သစ်များ ဘောလုံးလှုပ်ရှားမှုများတွင် ပါဝင်လာရေး၊ ပြည်တွင်း လူငယ်ပြိုင်ပွဲများ စဉ်ဆက်မပြတ် ကျင်းပနိုင်ရေး၊ မျိုးဆက်သစ် လူငယ်ကစားသမားများ ပေါ်ထွက်လာရေး၊ FIFA, AFC, AFF လူငယ်ပြိုင်ပွဲများတွင် မြန်မာ့လက်ရွေးစင် လူငယ်အသင်းများ အောင်မြင်မှု ရရှိရေးအတွက် ရည်ရွယ်၍ ဖီဖာလမ်း ညွှန်ချက်များနှင့်အညီ နှစ်စဉ် ကျင်းပပေးလျက်ရှိကြောင်း အဖွဲ့ချုပ်က အသိပေးထုတ်ပြန်ထားသည်။