ကုန်အမှတ်တံဆိပ်မူပိုင်ခွင့်ဥပဒေ ပုဒ်မ (၈) ပုဒ်မခွဲ (ည) အရ ပြည်ထောင်စုအစိုးရအဖွဲ့၏ သဘောတူညီချက်ဖြင့် ကုန်အမှတ်တံဆိပ်မူပိုင်ခွင့်ဥပဒေနှင့်အညီ အမှတ်တံဆိပ်မှတ်ပုံတင် လျှောက်ထားခြင်းနှင့် စပ်လျဉ်း၍ ဝန်ဆောင်မှုအမျိုးအစားအလိုက် ပေးသွင်းရမည့်အခကြေးငွေများအား ဧပြီလ ၁ ရက် ရက်စွဲဖြင့် ထုတ်ပြန်ထားသည်။
အမှတ်တံဆိပ်မှတ်ပုံတင်လျှောက်ထားမှုအားလက်ခံစစ်ဆေးခြင်း(TM-1) ၁၅၀၀၀၀ ကျပ်၊
သတ်မှတ်ထားသည့်စည်းမျဉ်းများ ပျက်ကွက်ခဲ့မှုကြောင့် အမှတ်တံဆိပ်မှတ်ပုံတင် ပြန်လည်လျှောက်ထားခြင်းခွင့်ပြုရန် တောင်းဆိုမှုအားလက်ခံစစ်ဆေးခြင်း(TM-3) ၁၀၀၀၀၀ ကျပ်၊
အမှတ်တံဆိပ်မှတ်ပုံတင်လျှောက်ထားချက်တွင် စာအရေးအသားအမှားနှင့် အခြားမှားယွင်းမှုများကို ပြင်ဆင်ပေးရန်တောင်းဆိုမှုအား စိစစ်ပြင်ဆင်ခြင်း(TM-4) ၅၀၀၀၀ ကျပ်၊
အမှတ်တံဆိပ်မှတ်ပုံတင်လျှောက်ထားချက်ပါ ကုန်ပစ္စည်း (သို့မဟုတ်) ဝန်ဆောင်မှုအမျိုးအစားစာရင်းကို ကန့်သတ်ပေးရန်တောင်းဆိုမှုအား စိစစ်ကန့်သတ်ခြင်း(TM-6) ၅၀၀၀၀ ကျပ်၊
အမှတ်တံဆိပ်မှတ်ပုံတင်လျှောက် ထားခြင်းကို ခွဲခြားပေးရန်တောင်းဆိုမှုအား စိစစ်ခွဲခြားပေးခြင်း (TM-7) ၁၀၀၀၀၀ ကျပ်၊
အမှတ်တံဆိပ်မှတ်ပုံတင်ခြင်းကို ကန့်ကွက်လွှာလျှောက်ထားမှုအား စစ်ဆေးခြင်း(TM-8)၊
အမှတ်တံဆိပ်မှတ်ပုံတင်ခြင်းအား မှတ်တမ်းတင်ခြင်း ၁၅၀၀၀၀ ၊
အမှတ်တံဆိပ်မှတ်ပုံတင်လက်မှတ် မိတ္တူမှန်ထုတ်ပေးရန် တောင်းဆိုမှုအားစိစစ်ခွင့်ပြုခြင်း(TM-9) ၅၀၀၀၀ ကျပ်၊
အမှတ်တံဆိပ်မှတ်ပုံတင်စာရင်းတွင် မှတ်တမ်းတင်ထားသည့် ပြင်ဆင်ခွင့်ပြုနိုင်သည့် အချက်အလက်များကို ပြင်ဆင်ပေးရန်တောင်းဆိုမှုအား စိစစ်ပြင်ဆင်ခြင်း(TM-10) ၅၀၀၀၀ ကျပ်၊
အမှတ်တံဆိပ်မှတ်ပုံတင်သက်တမ်းတိုးမြှင့်ပေးရန် လျှောက်ထားမှုအား စိစစ်မှတ်တမ်းတင်ခြင်း(TM-11) ၃၀၀၀၀၀ ကျပ်၊
အမှတ်တံဆိပ်အခွင့်အရေးများ လွှဲပြောင်းခြင်းကို မှတ်တမ်းတင်ပေးရန်လျှောက်ထားမှုအား စိစစ်မှတ်တမ်းတင်ခြင်း (TM-12) ၁၀၀၀၀၀ ကျပ်၊
မှတ်ပုံတင်ထားသောအမှတ်တံဆိပ်ကို ခွင့်ပြုချက်ဖြင့်လုပ်ကိုင်ခွင့်ပေးခြင်းကို မှတ်တမ်းတင်ပေးရန် လျှောက်ထားမှုအား စိစစ်မှတ်တမ်းတင်ခြင်း (TM-13 ) ၁၀၀၀၀၀ ကျပ်၊
မှတ်ပုံတင်အမှတ်တံဆိပ်ကို တရားမဝင်ကြောင်းကြေညာပေးရန် တောင်းဆိုမှုအားစစ်ဆေးခြင်း(TM-15) ၁၅၀၀၀၀ ကျပ်၊
မှတ်ပုံတင်အမှတ်တံဆိပ်ကို ပယ်ဖျက်ပေးရန်တောင်းဆိုမှုအား စစ်ဆေးခြင်း(TM-16) ၁၀၀၀၀၀ ကျပ်၊
ကိုယ်စားလှယ်အမည် ပြောင်းလဲပြင်ဆင်ပေးရန် တောင်းဆိုမှုအားစိစစ်ပြင်ဆင်ခြင်း (TM-17) ၂၀၀၀၀ ကျပ်၊
သတ်မှတ်ထားသည့်အချိန်ကာလကို တိုးမြှင့်ပေးရန် တောင်းဆိုမှုအားစိစစ်ခွင့်ပြုခြင်း(TM-18) ၅၀၀၀၀ ကျပ်၊
အယူခံလျှောက်ထားမှုအားစစ်ဆေးခြင်း(TM-19) ၅၀၀၀၀၀ ကျပ်ဖြစ်ကြောင်းသိရသည်။
အမှတ်တံဆိပ် မှတ်ပုံတင်လျှောက်ထားခြင်းဆိုင်ရာ ဝန်ဆောင်မှုအမျိုးအစားများအတွက် အခကြေးငွေများကို အခါအားလျော်စွာ စိစစ်၍ ပြင်ဆင်သတ်မှတ်ထုတ်ပြန်သွားမည်ဖြစ်သည်။