ရန်ကုန်-မန္တလေးအမြန်လမ်းမကြီးပေါ်တွင် ယနေ့ မတ် ၂၈ ရက်နံနက် ၆ နာရီခန့်က ကားလေးတစ်စီးတိမ်းမှောက်ဖြစ်ပွားခဲ့ကြောင်း မီးသတ်တပ်ဖွဲ့နှင့် M-Rescue Magway မြေပြင်လူမှုကူညီရေးအသင်းတို့ထံမှ သိရသည်။
ရန်ကုန်-မန္တလေးအမြန်လမ်းမကြီးအတိုင်းမောင်းနှင်လာသည့် ကားလေးတစ်စီးသည် ပန်းတင်အမြန်လမ်းမီးသတ်စခန်းအပိုင် မိုင်တိုင်အမှတ် ၂၁၈/၄ အရောက်တိမ်းမှောက်သွားခဲ့သဖြင့် သက်ဆိုင်ရာ အမြန်လမ်းမီးသတ်စခန်းမှတပ်ဖွဲ့ဝင်များနှင့် M-Rescue Magway မြေပြင်လူမှုကူညီရေးအသင်းတို့မှ ကူညီကယ်ဆယ်မှုများပြုလုပ်ခဲ့ကြကြောင်း သိရသည်။
” ကားမှောက်နေတဲ့အတွက် ကူညီတာတွေလုပ်ပေးခဲ့ပါတယ်။ ေ-သဆုံးတဲ့သူတွေရှိပါတယ်။ အမျိုးသမီး (၁) ယောက်ကတော့ ဒ-ဏ်ရာတွေရထားတာကြောင့် ဆေးရုံကိုပို့နေတုန်း ဆေးရုံရောက်ခါနီးမှာေ-သဆုံးသွားတာပါ” ဟု M-Rescue Magway မြေပြင်လူမှုကူညီရေးအသင်း၏ တာဝန်ရှိသူတစ်ဦးက ပြောသည်။
ဖြစ်စဥ်ကြောင့် ဘုန်းကြီး (၁) ပါး၊ အမျိုးသား (ကလေး ၂) ဦးတို့သည် ထိခိုက်ဒ-ဏ်ရာများရရှိ၍ အခင်းဖြစ်နေ ရာ၌ေ-သဆုံးသွားခဲ့ကာ အမျိုးသား (၁) ဦးနှင့် အမျိုးသမီး(၁) ဦး တို့တွင်လည်း ထိခိုက်ဒ-ဏ်ရာများ (စိုးရိမ်ရ) ရရှိခဲ့သဖြင့် လူမှုကူညီရေးအသင်းဝင်များက နေပြည်တော်ကုတင် (၁၀၀၀) ဆေးရုံပို့ဆောင်ပေးစဥ် အမျိုးသမီး (၁) ဦးထပ်မံေ-သဆုံးခဲ့ခြင်းဖြစ်ကြောင်း သိရသည်။
Photo- M Rescue