သူ့၏ ပြည်ဝင်ခွင့်ဗီဇာကို ရုပ်သိမ်းခဲ့သည့် အမေရိကန်အစိုးရ၏ ဆုံးဖြတ်ချက်ကို ကိုလံဘီယာသမ္မတ ဂူစတာဗို ပက်ထရိုက ပယ်ချခဲ့ပြီး အစ္စရေး၏ ဂါဇာစစ်ပွဲကို မိမိကဝေဖန်ခဲ့မှုအတွက် ဝါရှင်တန်က နိုင်ငံတကာဥပဒေကို ချိုးဖေ-ာက်လိုက်ခြင်းဖြစ်ကြောင်း စွပ်စွဲခဲ့သည်။
“အမေရိကန်ပြည်ထောင်စုကို သွားဖို့ ဗီဇာမရှိတော့ပါဘူး။ ငါ ဂရုမစိုက်ပါဘူး။ ဗီဇာမလိုပါဘူး၊ ဘာလို့လည်းဆိုတော့ ငါက ကိုလံဘီယာနိုင်ငံသားတစ်ဦးသာမက ဥရောပသားတစ်ဦးလည်ဖြစ်တယ်။ ကမ္ဘာမှာ လွတ်လပ်တဲ့ လူတစ်ယောက်လို့ ငါ့ကိုယ်ငါ တကယ်ပဲ ယူဆတယ်” ဟု ပက်ထရိုက စနေနေ့တွင် ဆိုရှယ်မီဒီယာပေါ်၌ ပြောကြားခဲ့သည်။
“လူမျိုးတုံး သ-တ်ဖြတ်မှုကို ရှုတ်ချလို့ ဗီဇာရုပ်သိမ်းလိုက်တာက အမေရိကဟာ နိုင်ငံတကာဥပဒေကို မလေးစား တော့ဘူးဆိုတာကို ပြလိုက်တာပဲ” ဟုလည်း ၎င်းက X ပေါ်တင်ခဲ့သော ပို့စ်တွင် ဆက်လက် ပြောကြားခဲ့သည်။
ဂါဇာတွင် အစ္စရေး၏ လုပ်ရပ်များသည် လူမျိုးတုံးသ-တ်ဖြတ်မှုကို ကျူးလွန်ရာ ရောက်သည်ဟု ကုလသမဂ္ဂစုံစမ်းစစ်ဆေးမှုတစ်ရပ်က ပြောကြားခဲ့သော်လည်း အစ္စရေးက ယင်းကို အကြိမ်ကြိမ်ပယ်ချခဲ့ပြီး မိမိကိုယ်ကိုယ်မိမိကာကွယ်ရန်လုပ်ဆောင်နေခြင်းဖြစ်ကြောင်း ပြောကြားခဲ့သည်။
ပက်ထရိုသည် ကြာသပတေးနေ့က ကုလသမဂ္ဂအထွေထွေညီလာခံကာလအတွင်း ယူအင်န်ရုံးချုပ်အပြင်ဘက်ရှိ ပါလက်စတိုင်းကိုထောက်ခံ ဆန္ဒပြသူများကို မိန့်ခွန်းပြောကြားခဲ့ရာ၌ ပါလက်စတိုင်းလွတ်မြောက်ရေးကို ဦးစားပေးရန် ကမ္ဘာလုံးဆိုင်ရာလက်နက်ကိုင်တပ်ကို တောင်းဆိုခဲ့ပြီး အမေရိကန်စစ်သားများအနေဖြင့် လူတွေကို ေ-သနတ်နှင့် မချိန်ရွယ်ရန်၊ ထရမ့်ပ်၏ အမိန့်ကို မနာခံရန်နှင့် လူသားဆန်သောအမိန့်များကိုသာနာခံရန် တို-က်တွန်းသွားခဲ့သည်။
ပက်ထရို၏ မဆင်မခြင်နှင့် သွေးထိုးလှုံ့ဆော်သောလုပ်ရပ်များကြောင့် ၎င်း၏ ဗီဇာကို ရုပ်သိမ်းလိုက်ကြောင်း အမေရိကန်နိုင်ငံခြားရေးဌာနက X ပေါ် ပို့စ်တင်၍ ပြောကြားခဲ့သည်။
Ref: သည်ဂါးဒီးယန်း