အမေရိကနှင့် ကုန်သွယ်ရေး ဆွေးနွေးပွဲ ရွှေ့ဆိုင်း–ပေတုံတန်

ဧပြီလ ၂၃ ရက်‌နေ့တွင် ပြုလုပ်မည့် ထိုင်း-အမေရိက ကုန်သွယ်ရေးဆိုင်ရာ စေ့စပ်ညှိနှိုင်းမှုများကို ရွှေ့ဆိုင်းလိုက်သည်ဟု ထိုင်းဝန်ကြီးချုပ် ပေတုံတန် ရှင်နာဝပ်ထရာက အင်္ဂါနေ့တွင် ပြောကြားလိုက်သည်။

အစီအစဉ် ရွှေ့ဆိုင်းရသည့် အကြောင်းရင်းကိုမူ ပေတုံတန်က ပြောဆိုခဲ့ခြင်း မရှိပေ။

ထိုင်းမှပို့ကုန်ပစ္စည်းများအပေါ် အခွန် ၃၆ ရာခိုင်နှုန်း စည်းကြပ်မည့် ထရမ့်ပ်အစိုးရ၏ အစီအစဉ်ကို ရုပ်သိမ်းပေးရန် ထိုင်းနိုင်ငံက ကြိုးပမ်းနေပြီး ယခုသီတင်းပတ်တွင် ပြုလုပ်ရန် စီစဉ်ထားသည့် နှစ်နိုင်ငံ ဝန်ကြီးအဆင့် ဆွေးနွေးပွဲကို ရွှေ့ဆိုင်းလိုက်သည်ဟု ဘန်ကောက်ပို့စ်သတင်းတွင် ဖော်ပြထားသည်။

ဆွေးနွေးပွဲနှင့်ပတ်သက်၍ ထိုင်းနိုင်ငံဘက်မှ ဦးဆောင်ညှိနှိုင်းသူဒုတိယဝန်ကြီးချုပ်၊ ဘဏ္ဍာရေးဝန်ကြီး Pichai Chunhavajira သည် အင်္ဂါနေ့တွင် အသေးစိတ်အချက်အချက်များကို ပြောကြားမည်ဖြစ်သည်ဟု အစိုးရ ပြောရေးဆိုခွင့်ရှိသူ Jirayu Houngsub က ပြောကြားခဲ့သည်။ မူလစီစဉ်ထားသည့် ဗုဒ္ဓဟူးနေ့မှ ရက်ပြောင်းရွှေ့လိုက်ရသည့် အကြောင်းရင်းကို မူ၎င်းကလည်း ပြောဆိုခဲ့ခြင်း မရှိပေ။

မစ္စတာ Pichai သည် ယခင် ကြေညာထားခဲ့သကဲ့သို့ အမေရိကန်စီးပွားရေးသမားများနှင့် တွေ့ဆုံရန် ပြီးခဲ့သည့် သီတင်းပတ်တွင် ဆီယက်တဲလ်သို့ သွားရောက်မည်ဆိုသည်ကို သွားရောက်ခဲ့ခြင်း မရှိပေ။ ကောင်းမွန်ပြီး ရှည်ကြာသော နှစ်နိုင်ငံဆက်ဆံရေး ရှိထားသောကြောင့် စေ့စပ်ညှိနှိုင်းမှုများလုပ်သည့်အခါတိုင်းတွင် ရလဒ်ကောင်းများရရှိရန် အစိုးရက မျှော်လင့်ထားသည်ဟု စေ့စပ်ညှိနှိုင်းရေး အဖွဲ့ဝင်တစ်ဦးဖြစ်သည့် ကူးသန်းရောင်းဝယ်ရေးဝန်ကြီး Pichai Naripthaphan က ပြောကြားခဲ့သည်။

Ref: ယဟျူးနူးစ်၊ ဘန်ကောက်ပို့စ်