နိုင်ငံတော်အဆင့် ပထမအကြိမ်အဖြစ်အပူပိုင်းဒေသ(၁၃)ခရိုင်မှ မြို့နယ်(၂၉)မြို့နယ် တွင် ယနေ့ ဇူလိုင် ၁၁ ရက်နံနက်ပိုင်းက တစ်ပြိုင်တည်းပြုလုပ်သည့် ၂၀၂၅ ခုနှစ် မိုးရာသီသစ်ပင်စိုက်ပျိုးပွဲတွင် သစ်ပင်ပေါင်း(၃၄,၉၅ဝ)ပင်ကို စုပေါင်းစိုက်ပျိုးခဲ့ကြကြောင်း သိရသည်။
စုပေါင်းသစ်ပင်စိုက်ပျိုးပွဲကို စစ်ကိုင်းတိုင်း၊ မကွေးတိုင်းနှင့် မန္တလေးတိုင်းတို့၌ကျင်းပရာ နစက ဥက္ကဋ္ဌ ၊ နိုင်ငံတော်ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင်မှ မန္တလေးတိုင်း၊ မိတ္ထီလာခရိုင်၊ လိန်တောကြိုးပြင်ကာကွယ်တောတွင်ပါဝင် စိုက်ပျိုးပေးခဲ့သည်။
နစက ဥက္ကဋ္ဌမှ မိတ္ထီလာဒေသအပါအဝင် အညာဒေ သ(၁၃)ခရိုင်သည် နှစ်စဉ်နှစ်တိုင်းရာသီဥတုပူပြင်းသည့်ဒဏ်ကိုခံစားကြရကာ ၂၀၂၄ ခုနှစ်တွင် ပုဂံ၊ ချောက်၊ ရေနံချောင်း၊ မင်းဘူးဒေသများမှာ ကမ္ဘာတွင်အပူဆုံးဒေသများအဖြစ် မှတ်တမ်းဝင်ခဲ့သဖြင့် ရာသီဥတုပူပြင်းမှုကို တစ်ဖက်တစ်လမ်းမှလျှော့ချနိုင်ရန် သစ်ပင်စိုက်ပျိုးခြင်းအား နည်းလမ်းတစ်ခုအနေဖြင့်ဖြေရှင်းဆောင်ရွက်ခြင်းဖြစ်သည်ဟု ပြောကြားခဲ့သည်။
ယနေ့ ကျင်းပသည့် သစ်ပင်စိုက်ပျိုးပွဲတွင် နစက ဥက္ကဋ္ဌတက်ရောက်ခဲ့သည့် လိန်တောကြိုးပြင်ကာကွယ်တော၌ တမာ၊ စိန်ပန်း၊ ကုက္ကိုလ်၊ မယ်ဇယ်၊ ဒဟတ်၊ ယင်းမာစသည့် သစ်မျိုး(၆)မျိုး၏ ပျိုးပင်ပေါင်း(၃၂၀၀)ပင်ကို စုပေါင်းစိုက်ပျိုးခဲ့ကြကြောင်း သိရသည်။
ထို့ပြင် စစ်ကိုင်းပညာရေးတက္ကသိုလ်၌(၇၅၀)ပင်၊ မြင်းမူမြို့၊ အ.ထ.က(၂)၌(၆၀၀)ပင်၊ မုံရွာမြို့၌ (၁,၀၅၀)ပင်၊ ရွှေဘိုတက္ကသိုလ်၌(၃,၀၀၀)ပင်၊ ယင်းမာပင်မြို့နယ်၊ ကွန်ပျူတာတက္ကသိုလ်၌(၆၀၀)ပင်တို့ကို စုပေါင်းစိုက်ပျိုးခဲ့ကြကြောင်း သိရသည်။
မကွေးတိုင်း၊ မကွေး-ကံပြားသွားကားလမ်းဘေး၌ (၂,၇၀၀)ပင်၊ မကွေး-ရေနံချောင်းကားလမ်း၏ မိုင် တိုင်အမှတ် ၃၅၇/၅ ရှိ အထူးစိမ်းလန်းစိုပြည်ရေးဇုန်၌(၄,၀၀၀)ပင်၊ ဂွေးချို-ချောက်လမ်းဘေး၊ ဆင်ကကြိုးပြင်ကာကွယ်တော၌(၄,၀၀၀)ပင်၊ မကွေး-ကံပြားသွားကားလမ်း၏ မိုင်တိုင်အမှတ် ၃၆/၅ ၌ (၆၀၀)ပင်၊ ဆတ်သွား-ဆင်ပေါင်ဝဲခရိုင်ချင်းဆက်လမ်းဘေး၌(၆၀၀)ပင်၊ လေးပင်အိုင်မကြိုးပြင်ကာကွယ်တောအတွင်း(၁,၀၅၀)ပင်တို့ကို စုပေါင်းစိုက် ပျိုးခဲ့ကြကြောင်း သိရသည်။
ထို့ပြင် မကွေးတိုင်းရှိ ကျောင်းတော်ရာကျေးရွာပိုင်မြေနေရာ၌(၃၀၀)ပင်၊ အ.ထ.က(ခွဲ)(မင်းလွင်)၌ (၃၀၀)ပင်၊ တည်ဘိုကန်ကြိုးပြင်ကာကွယ်တော၌ (၃၀၀)ပင်၊ အ.ထ.က(၂)(ပခုက္ကူ)၌(၆၀၀)ပင်၊ ရွှေဟင်္သာဘုရားသွားလမ်းဘေး၌(၃၀၀)ပင်၊ သရက်-မင်းလှသွားကားလမ်း၏ မိုင်တိုင်အမှတ် ၄၄/၃ ၌ (၆၀၀)ပင်၊ ဘွက်ကြီးရေပေါ်ကြိုးဝိုင်း၏ အကွက်အမှတ်(၆၁)၌(၉၀၀)ပင်၊ အောင်လံ-တောင်တွင်းကြီးသွားကားလမ်း၏ မိုင်တိုင်အမှတ် ၂၅၅/၂ ရှိ တောပုန်းကြိုးပြင်ကာကွယ်တော၌(၆၀၀)ပင်၊ ပုသိမ်-မုံရွာသွားကားလမ်း၏ မိုင်တိုင်အမှတ် ၁၅၁/၂ နှင့် ၁၅၁/၃ ကြား စီကျေးရွာ၌(၆၀၀)ပင်တို့ကိုလည်းစုပေါင်းစိုက်ပျိုးခဲ့ကြကြောင်း သိရသည်။
ထို့အတူ မန္တလေးတိုင်းရှိ အစိုးရနည်းပညာအထက် တန်းကျောင်း၌(၁,၂၀၀)ပင်၊ နည်းပညာ၊ သက်မွေးပညာနှင့် လေ့ကျင့်ရေးဆရာအတတ်သင်ကောလိပ် (ဘယ်လင်း)၌(၆၀၀)ပင်၊ အ.ထ.က(၃)(မြင်းခြံ)၌ (၆၀၀)ပင်၊ ညောင်ဦးမြို့နယ်၌(၃,၀၀၀)ပင်၊ ကျောက်ပန်းတောင်း-ညောင်ဦးသွားကားလမ်း၏ မိုင်တိုင်အမှတ် ၄/၀ ၌(၆၀၀)ပင်၊ မိတ္ထီလာ-တောင်ကြီးသွားကားလမ်း၏ မိုင်တိုင်အမှတ် ၁၈/၀ ၌ (၆၀၀)ပင်၊ ရန်ကုန်-မန္တလေးသွားကားလမ်းဟောင်း၏ မိုင်တိုင်အမှတ် ၃၁၄/၀ အနီး၌(၁,၂၀၀) ပင်၊ မိုင်တိုင်အမှတ် ၂၈၀/၀ အနီး၌(၅၀၀)ပင်တို့ကိုလည်းစုပေါင်းစိုက်ပျိုးခဲ့ကြကြောင်း သိရသည်။