အပိုင်း (၂) နှင့် (၃) တို့ အောင်မြင်စွာကျင်းပပြီးဆုံးသည်အထိပူးပေါင်းပါဝင်ကြရန် နိုင်ငံတော်ဝန်ကြီးချုပ်ဦးညိုစောတိုက်တွန်း
အစိုးရအဖွဲ့တာဝန်ရှိသူများအနေဖြင့် ပြည်သူလူထုလို လားတောင့်တလျက်ရှိသော လွတ်လပ်ပြီးတရားမျှတသည့် ပါတီစုံဒီမိုကရေစီအထွေထွေရွေးကောက်ပွဲ အပိုင်း (၂) နှင့် အပိုင်း (၃) တို့ အောင်မြင်စွာကျင်းပပြီးဆုံးသည်အထိ ကဏ္ဍအသီးသီးမှပူးပေါင်းပါဝင်ဆောင်ရွက်ရန် နိုင်ငံတော်ဝန်ကြီးချုပ်ဦးညိုစောက တိုက်တွန်းပြောကြားသည်။
နိုင်ငံတော်ဝန်ကြီးချုပ်ဦးညိုစောမှ ယနေ့ ဒီဇင်ဘာ ၃၁ ရက်မွန်းလွဲပိုင်းကကျင်းပသည့် ပြည်ထောင်စုအစိုးရ အဖွဲ့အစည်းအဝေး (၆/၂၀၂၅) တွင် အမှာစကားပြောကြားရာ၌ ထည့်သွင်းတိုက်တွန်းပြောကြားခဲ့ခြင်းဖြစ် သည်။
နိုင်ငံတော်အစိုးရအနေဖြင့် ၂၀၂၅ ခုနှစ်၊ ပါတီစုံဒီမိုကရေစီအထွေထွေ ရွေးကောက်ပွဲအပိုင်း(၁)အား ဒီဇင် ဘာ ၂၈ ရက်က မြို့နယ်(၁၀၂)မြို့နယ်၌အောင်မြင်စွာ ကျင်းပနိုင်ခဲ့ရာ နိုင်ငံတော်၏လုပ်ဆောင်ချက်များအ ပေါ်ပြည်သူလူထုမှ ပူးပေါင်းပါဝင်ဆောင်ရွက်ခဲ့ခြင်း ဖြစ်သည်ဟု ပြောသည်။
ထို့ပြင် နိုင်ငံရေးပါတီများ၊ သတင်းမီဒီယာများ၊ နိုင်ငံ တကာနှင့် ပြည်တွင်းအခြေစိုက် နိုင်ငံခြားသံရုံးများမှ ရွေးကောက်ပွဲစောင့်ကြည့်လေ့လာသူများမှလည်း သက်ဆိုင်ရာမဲရုံများသို့သွားရောက်၍ စောင့်ကြည့်လေ့ လာမှုများပြုလုပ်ခဲ့ကြပြီး လုပ်ငန်းစဉ်များအားလုံးတွင် ပြီးပြည့်စုံမှုရှိပြီး တာဝန်ခံမှုအပြည့်အဝဖြင့်အောင်မြင်အောင်လုပ်ဆောင်နိုင်ခဲ့ဟု မှတ်ချက်များပေးခဲ့ကြသည်ဟု ပြောသည်။
ထို့ကြောင့် ဆက်လက်ဆောင်ရွက်ရန်ရှိသည့် ရွေး ကောက်ပွဲအပိုင်း(၂)နှင့် အပိုင်း(၃)တို့ အောင်မြင်စွာ ကျင်းပပြီးဆုံးသည်အထိ အစိုးရအဖွဲ့မှတာဝန်ရှိသူများအနေဖြင့် ပူးပေါင်းပါဝင်၍ ကဏ္ဍအသီးသီးမှ ဆောင် ရွက်ကြရန် နိုင်ငံတော်ဝန်ကြီးချုပ်ဦးညိုစောက တိုက် တွန်းပြောကြားခဲ့သည်။