ရန်ကုန်တိုင်း၊ အင်းစိန်မြို့နယ်တွင် ငွေကျပ်(၄၈ ဒ သမ ၄)ဘီလီယံကျော်တန်ဖိုးရှိ မူးယစ်ဆေးဝါးများကိုဖမ်းမိရာမှ ပင်လယ်ရေကြောင်းအသုံးပြုကာ မူး ယစ်ဆေးဝါးများကိုသယ်ဆောင်ရောင်းဝယ်နေသော မူးယစ်မှောင်ခိုဂိုဏ်းအဖွဲ့ကိုပါဖမ်းမိခဲ့ကြောင်း ရဲတပ်ဖွဲ့ထံမှ သိရသည်။
မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့ဝင်များပါဝင်သောပူးပေါင်းအဖွဲ့သည် ဇူလိုင် ၁၂ ရက်ည ၆ နာရီခွဲက အင်းစိန်မြို့နယ်၊ ကြို့ကုန်းအရှေ့ရပ်ကွက်ရှိ သိန်းဝင်းထွန်းနှင့် ထွန်းထွန်းလင်း(ခ)ကိုထွန်းတို့ ငှားရမ်းထားသည့်နေအိမ်အား ဝင်ရောက်ရှာဖွေစစ်ဆေးခဲ့ကြသည်။
ထိုသို့ စစ်ဆေးရာ ဇော်ဇော်လွင်အား ငွေကျပ်(၄၆ ဒသမ ၈၇၅)ဘီလီယံတန်ဖိုးရှိ အိုက်စ်(မက်သ်အ ဖက်တမင်း) (၁ ဒသမ ၈၇၅ ကီလို)၊ ငွေကျပ်(၁ ဒသမ ၆)ဘီလီယံတန်ဖိုးရှိ စိတ်ကြွဆေးပြား(၁၆) သိန်းတို့နှင့်အတူ ဖမ်းဆီးရမိခဲ့ကြောင်း သိရသည်။
စစ်ဆေးချက်များအရ စိတ်ပြောင်းဆေးဝါးများအား လွှဲပြောင်းပေးခဲ့သူ နေမျိုးကျော်အား ဇူလိုင် ၁၂ ရက်ည ၇ နာရီ၊ ဇူလိုင် ၁၅ ရက်တွင် စိတ်ပြောင်းဆေးဝါးများတာဝန်ခံသယ်ဆောင်သူ မူးယစ်တရားခံပြေး ကြည်ဖြူ(ခ)ကျော်ဝင်းဌေးနှင့် ဇော်မင်းနိုင်၊ စိတ်ပြောင်းဆေးဝါးများအား ပင်လယ်ရေ ကြောင်းဖြင့် မလေးရှားရေပိုင်နက်သို့ပို့ဆောင်သူ စိုးလင်းပိုင်(ခ)လင်းလင်း၊ ဇူလိုင် ၁၆ ရက်နံနက် ၁၀ နာရီခွဲတွင် ရန်ကုန်မြစ်ဝမှ မလေးရှားရေပိုင်နက်သို့ ပို့ဆောင်သူ စက်လှေပိုင်ရှင် မူးယစ်တရားခံပြေး ရဲထွန်း(ခ)ပဲ့နင်း(ခ)ဖိုးသာဂိတို့အား ထပ်မံဖမ်းဆီးရမိခဲ့ကြောင်း သိရသည်။
ထို့ပြင် ဇူလိုင် ၁၇ ရက်ညနေ ၄ နာရီခွဲတွင် စိတ်ပြောင်းဆေးဝါးများအား ရန်ကုန်မြစ်ဝသို့တာဝန်ခံ သယ်ဆောင်ပေးသူ အောင်ရတနာစက်လှေပိုင်ရှင် သိန်းသန်းဌေး(ခ)ဇော်ဇော်အောင်(ခ)ငဌေး၊ ကျော်စွာမင်း(ခ)မင်းမင်း၊ မျိုးထွန်း(ခ)ကိုထွန်းတို့ကိုလည်း ထပ်မံဖမ်းဆီးရမိခဲ့ကြောင်း သိရသည်။
ဖမ်းဆီးရမိသူများအား စစ်ဆေးချက်များအရ ၎င်းတို့သည် ပြည်ပသို့ ပင်လယ်ရေကြောင်းအသုံးပြု၍ မူးယစ်ဆေးဝါးနှင့် စိတ်ပြောင်းဆေးဝါးများကို သယ်ဆောင်ရောင်းဝယ်မှု အကြိမ်ကြိမ်ကျူးလွန်ခဲ့ကြသည်ကိုလည်း ဖော်ထုတ်ရရှိသိရှိခဲ့ရကြောင်း သိရသည်။
ထို့ကြောင့် ၎င်းတို့အား မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အရေးယူထားပြီး ကွင်းဆက်ပြစ်မှုကျူးလွန်သူများအားဆက်လက်ဖော်ထုတ်လျက်ရှိကာ မူးယစ်ဆေး ဝါးသယ်ဆောင်ရောင်းဝယ်ရာမှရရှိသည့် ငွေကြေးအကျိုးအမြတ်များ၊ ပိုင်ဆိုင်မှုများကို ပြည်သူ့ဘ ဏ္ဍာအဖြစ် သိမ်းဆည်းနိုင်ရေးအတွက် ငွေကြေးခဝါချမှုတိုက်ဖျက်ရေးဥပဒေဖြင့် ထပ်မံအရေးယူနိုင်ရန်လည်းဆောင်ရွက်လျက်ရှိကြောင်း သိရသည်။