အခြေခံပညာကျောင်းများအားလုံး ဇွန်လ ၂ ရက်တွင် ပြန်လည်ဖွင့်လှစ်ရန် လျာထား
တစ်နိုင်ငံလုံးရှိ အခြေခံပညာကျောင်းများအားလုံး၏ ကျောင်းအပ်လက်ခံမှုအား ၂၀၂၂မေလ ၂၅ ရက်တွင် စတင်မည်ဟုသိရသည်။
မေလ၂၅ရက်မှ မေလ၃၁ ရက်အထိ ကျောင်းအပ်လက်ခံမည်ဖြစ်ပြီး ဇွန်လ ၂ ရက်တွင် ကျောင်းများ ပြန်လည်ဖွင့်လှစ်ပေးနိုင်ရန် လျာထား ကြောင်းဗိုလ်ချုပ်ဇော်မင်းထွန်းကပြောသည်။
တက္ကသိုလ်ကောလိပ်များကို ၂၀၂၂ ခုနှစ်၊ မေလ ၁၂ ရက်တွင် ဖွင့်လှစ်သွားမည်ဖြစ်ကြောင်း၊လည်း၄င်းကပြောသည်။
“ ဒီမိုကရေစီစနစ်ကို အပြည့်အဝ အကောင်အထည်ဖော်နိုင်ရန်နှင့် ခံစားနိုင်ရန် ပြည်သူလူထု၏ ပညာရည်မြင့်မားရန် လိုအပ်ကြောင်း”ပါ ဗိုလ်ချုပ်ဇော်မင်းထွန်းကဆက်လက်ပြောဆိုသည်။
ပြီးခဲ့သည့်၂၀၂၁ခုနှစ်က နိုင်ငံတစ်ဝန်းလုံးရှိ စာသင်ကျောင်းများ စတင်ဖွင့်လှစ်မှုကို ၂၀၂၁ ခုနှစ်၊ ဇွန် ၁ ရက်က ဆောင်ရွက်ခဲ့ရာတွင် အခြေခံပညာအထက်တန်းအဆင့် ကျောင်းပေါင်း ၆,၁၇၈ ကျောင်းရှိသည့်အနက် ၅,၂၀၉ ကျောင်း၊ အလယ်တန်းအဆင့် ကျောင်း ပေါင်း ၁၂,၇၈၆ ကျောင်း၊ မူလတန်းအဆင့်ကျောင်းပေါင်း ၂၁,၂၄၇ ကျောင်း၊ စုစုပေါင်း အခြေခံပညာ အဆင့်ကျောင်းပေါင်း ၄၇,၇၆၀ ကျောင်းအနက် ၃၉,၂၄၂ ကျောင်း ဖွင့်လှစ်နိုင်ခဲ့ကာ ကျောင်း တက်ရောက်မှုအနေဖြင့် (၄၂ သိန်းကျော်) တက်ရောက်ခဲ့သည်ဟုဗိုလ်ချုပ်ဇော်မင်းထွန်းကပြောသည်။
“၈၁ ရာခိုင်နှုန်းကျော် ကျောင်းတက်ရောက်ခဲ့ကြောင်း၊ နိုင်ငံတော်အစိုးရအနေဖြင့် အခြေခံပညာအဆင့် အတန်းတင် စာမေးပွဲများကို မတ်လနောက်ဆုံးအပတ်နှင့် ဧပြီလပထမအပတ်တို့တွင် ယခင် လျာထားသည့်အတိုင်း စစ်ဆေးမေးမြန်းမှုများ ဆောင်ရွက်နိုင်ခဲ့ပြီး ဖြစ်ကြောင်း”ဗိုလ်ချုပ်ဇော်မင်းထွန်းကပြောသည်။
ကျောင်းတက်ရောက်သည့် အတိုင်း ရာခိုင်နှုန်းပြည့် တက္ကသိုလ်ဝင်စာမေးပွဲကို တိုင်းဒေသကြီး/ ပြည်နယ်အလိုက် စာရင်းပေးသွင်းသူများအနက် (၉၀ ဒသမ ၁၈)ရာခိုင်နှုန်း ဝင်ရောက်ဖြေဆို ခဲ့ကြောင်းပါ ထည့်သွင်းပြောဆိုခဲ့သည်။
