အကျိုးရလဒ်များစွာကိုဆွေးနွေးနိုင်ခဲ့သည့် နိုင်ငံခြားရေးဝန်ကြီး၏ ဘရူနိုင်းခရီးစဥ်

နစက ဒု-ဝန်ကြီးချုပ်၊ နိုင်ငံခြားရေးဝန်ကြီးဌာန ပြည်ထောင်စုဝန်ကြီးဦးသန်းဆွေသည် ဘရူနိုင်းနိုင်ငံ၊ နိုင်ငံခြားရေးဝန်ကြီး(၂)ဖြစ်သူ ဒါတို ဆရီ ဆတီယာ ဟာဂျီ အယ်ရီဝမ် ဘင် ပီဟင် ယူဆွတ် ၏ဖိတ်ကြားချက်အရ ဘရူနိုင်းနိုင်ငံသို့ တရားဝင်ခရီးစဥ်အဖြစ် ဇန်နဝါရီ ၂၂ ရက်နှင့် ၂၃ ရက်တို့က သွားရောက်ခဲ့သည်။

ဝန်ကြီးဦးသန်းဆွေသည် ဇန်နဝါရီ ၂၃ ရက်မွန်း လွဲပိုင်းတွင် ဘရူနိုင်းဘုရင်မင်းမြတ် ဆူလ်တန် ဟာဂျီ ဟာဆာနယ်လ် ဘိုလ်ကီးယား မူအစ်ဇာဒင် ဝါဒူလာ အား Istana Nurul Iman နန်းတော်၌ တွေ့ဆုံခဲ့ပြီး နှစ်နိုင်ငံကြား ကဏ္ဍစုံပူးပေါင်းဆောင်ရွက်မှုမြှင့်တင်ရေး၊ အထူးသဖြင့် ကုန်သွယ်ရေး၊ ကာကွယ်ရေး၊ ကျန်းမာရေး၊ ပညာရေးနှင့် ပြည်သူအချင်းချင်းဆက်ဆံရေးဆိုင်ရာကဏ္ဍများတွင် အပြန်အလှန်ပူးပေါင်းဆောင်ရွက်မှုများတိုးမြှင့်ဆောင်ရွက်‌ရေးတို့ကို ဆွေးနွေးခဲ့ကြသည်။

ထို့ပြင် အာဆီယံအပါအဝင် ဒေသတွင်းနှင့် နိုင်ငံတကာမျက်နှာစာများတွင် ပိုမိုနီးကပ်စွာပူး ပေါင်းဆောင်ရွက်ရေးကိုလည်းဆွေးနွေးခဲ့ကြပြီး ဝန်ကြီးဦးသန်းဆွေမှ မြန်မာနိုင်ငံအစိုးရ၏ ငြိမ်းချမ်းရေး၊ ဖွံ့ဖြိုးတိုးတက်ရေးနှင့် ဒီမိုကရေစီ ဖော်ဆောင်ရေးတို့အတွက် ကြိုးပမ်းဆောင်ရွက်နေမှုများနှင့် မြန်မာနိုင်ငံ၏လက်ရှိဖြစ်ပေါ်နေမှုများကို ရှင်းလင်းပြောကြားခဲ့သည်။

ထို့အတူ ဝန်ကြီးဦးသန်းဆွေသည် ဘရူနိုင်းနိုင်ငံ၊ နိုင်ငံခြားရေးဝန်ကြီး(၂)နှင့်တွေ့ဆုံ၍ ဆွေးနွေးမှုများပြုလုပ်ခဲ့ပြီး ဇန်နဝါရီ ၂၂ ရက်နံနက်ပိုင်းတွင် ဘန်ဒါဆရီဘီဂါဝန်မြို့၊ သံတမန်ရပ်ကွက်၌ မြန် မာသံရုံးအသစ်ဆောက်လုပ်နေမှုကိုကြည့်ရှုစစ်ဆေးပြီး အဆောက်အဦဆောက်လုပ်မှုကို အုတ် မြစ်သွန်းလောင်းပေးခဲ့သည်။

ထို့ပြင် မြန်မာနိုင်ငံနှင့် ဘရူနိုင်းနိုင်ငံကြား သံတ မန်မြေအပြန်အလှန်လဲလှယ်ရေးသဘောတူစာ ချုပ်အရရရှိထားသည့် မြေကွက်(၃)ကွက် အ နက် ကျန်ရှိသော သံတမန်လူနေရပ်ကွက်ရှိ သံရုံးပိုင်မြေကွက်(၂)ကွက်သို့သွားရောက်၍ မြန်မာသံ ရုံးဝန်ထမ်းများအတွက် နေအိမ်ဆောက်လုပ်နိုင်မှုကိုလေ့လာကြည့်ရှုစစ်ဆေးပြီး ဘရူနိုင်းနိုင်ငံဆိုင်ရာ မြန်မာသံရုံး၊ ဘန်ဒါဆရီဘီဂါဝန်မြို့၏ ရုံးလုပ်ငန်းဆောင်ရွက်မှုများကိုကြည့်ရှုစစ်ဆေးကာ သံရုံးဝန်ထမ်းများအားတွေ့ဆုံမှာကြားမှုများပြုလုပ်ခဲ့သည်။