အကျင့်ပျက်ခြစားသူ မည်သူ့ကိုမျှ အလွတ်မပေးပါ–ဖာဒီနန်မားကို့စ်

ရေလွှမ်းမိုးမှု ထိန်းချုပ်ရေးစီမံကိန်းများတွင် ပြည်သူ့ဘဏ္ဍာငွေကို အလွဲသုံးစားမှုနှင့် ပတ်သက်သော အစိုးရ၏ စုံစမ်းစစ်ဆေးမှုများတွင် ၎င်း၏ ဆွေမျိုးသားချင်းများနှင့် မဟာမိတ်များအပါအဝင် မည်သူတစ်ဦးတစ်ယောက်ကိုမျှ အလွတ်ပေးမည်မဟုတ်ကြောင်း ဖိလစ်ပိုင်သမ္မတ ဖာဒီနန်မားကို့စ် ဂျူနီယာက ပြောကြားလိုက်ပြီး အကျင့်ပျ-က်ခြစားမှုများအပေါ် ဆန့်ကျင်ဆန္ဒပြမှုများကို ထောက်ခံကြောင်းပြောကြားခဲ့သည်။

“ဟုတ်တယ်။ သူတို့ အရမ်းဒေါသထွက်ကြတယ်။ သူတို့ တကယ်ကိုစိတ်ဆိုးကြတယ်။ ငါလည်း စိတ်ဆိုးတယ်။ ဖြစ်နေတာတွေက နည်းလမ်းမမှန်‌တော့ ငါတို့အားလုံး ဒေါသထွက်သင့်တာပဲလေ” ဟု တနင်္လာနေ့က ရုပ်သံသတင်းစာရှင်းလင်းပွဲတွင် မားကို့စ်က ပြောကြားခဲ့သည်။ “ငါသာ သမ္မတမဟုတ်ဘူးဆိုရင် သူတို့နဲ့ အတူလမ်းပေါ်ထွက်ဖြစ်နိုင်တယ်” ဟုလည်း ၎င်းက ဆိုခဲ့သည်။

ရေလွှမ်းမိုးမှု လျော့ပါးရေးဆိုင်ရာ စီမံကိန်းများအပေါ် လွှတ်တော်၏ စုံစမ်းစစ်ဆေးမှုတွင် အကျင့်ပျက်ခြစားမှုများ အကြီးအကျယ်ရှိခဲ့သည်ကို ဖော်ထုတ်တွေ့ရှိခဲ့ပြီး စံမမီသော သို့မဟုတ် မြေပြင်တွင်အမှန်တကယ်မရှိသော စီမံကိန်းများစွာကို တွေ့ရှိခဲ့သည်။

သို့သော် ဆန္ဒပြမှုများသည် ငြိမ်းချမ်းစွာဆန္ဒပြရမည်ဖြစ်ပြီး ဆန္ဒပြမှုများသည် အကြမ်းဖက်လာပါက တရားဥပဒေစိုးမိုးရေးအာဏာပိုင်များ၏ အရေးယူခြင်းကိုခံရမည်ဖြစ်ကြောင်း သမ္မတက သတိပေးခဲ့သည်။ ဆန္ဒပြမှုများသည် ဒေသတွင်း၌ ပေါ်ပေါက်နေသော အဖြစ်အပျ-က်များနှင့်ဆင်တူသည့် ဆန္ဒပြပွဲများအခြေအနေသို့ ရောက်သွားနိုင်သည်ဟူသော စိုးရိမ်ပူပန်မှုများကိုမူ ၎င်းက ပယ်ချသွားခဲ့သည်။

နီပေါနှင့် အင်ဒိုနီးရှားနိုင်ငံတို့တွင် အကျင့်ပျက်ခြစားမှုအပေါ် လူထုမကျေနပ်ဖြစ်မှုနှင့် ဒေါသထွက်ရမှုကြောင့် အ‌ေ-သအပျေ-ာက်များသည့် ဆန္ဒပြပွဲများဖြစ်ပေါ်စေခဲ့သည်။ နီပေါနိုင်ငံတွင် ပြီးခဲ့သည့် သီတင်းပတ်၌ နိုင်ငံ၏ ဝါရင့်ခေါင်းဆောင်များ ပြုတ်ကျသွားခဲ့ပြီးနောက် ယာယီဝန်ကြီးချုပ်ကို ခန့်အပ်ထားရသည်။ အင်ဒိုနီးရှားတွင်လည်း နှစ်များစွာအတွင်း အဆိုးဝါးဆုံးဆန္ဒပြမှုများကို ဖြစ်စေခဲ့သည့် စီးပွားရေးဆိုင်ရာ မကျေနပ်မှုများကိုဖြေရှင်းရန် အစီအမံများကို ဆောင်ရွက်နေရသည်။

အစိုးရ၏ ရေကြီးမှုလျော့ပါးသက်သာစေရေး စီမံကိန်းရန်ပုံငွေများမှ ပြီးခဲ့သည့် ဆယ်စုနှစ်အတွင်း ခိုးယူခံရမှုပမာဏကို စုံစမ်းစစ်ဆေးရန်အတွက် လွတ်လပ်သောကော်မရှင်တစ်ရပ်ကို မားကို့စ်က ဖွဲ့စည်းပေးခဲ့သည်။ အပြစ်ရှိကြောင်းတွေ့ရှိသူများကို တရားစွဲထောင်ချသွားမည်ဖြစ်ကြောင်းနှင့် အမှားပြုလုပ်ထားသော ကန်ထရိုက်များအနေဖြင့် စာချုပ်ပါ အာမခံသတ်မှတ်ကာလများအတိုင်း စီမံကိန်းများကို အပြီးသတ်ပေးရမည်ဖြစ်ကြောင်း ၎င်းက ပြောကြားခဲ့သည်။

Ref: ဘလွန်းဘာ့ဂ်