စီမံကိန်းသည် ဒေသ၏လူမှုအကျိုးစီးပွားကို များစွာအထောက်ကူပြုနိုင်၍ စနစ်တကျဆက်လက်အကောင် အထည်ဖော်ရန်မှာကြား
စစ်ကိုင်းတိုင်း၊ နာဂကိုယ်ပိုင်အုပ်ချုပ်ခွင့်ရဒေသ၊ လဟယ်မြို့တွင်ဖော်ဆောင်လျက်ရှိသည့် ဟွေထိုက်ရေ အားလျှပ်စစ်စီမံကိန်းအကောင်အထည်ဖော်နေမှုကို နိုင် ငံတော်ယာယီသမ္မတ၊ နိုင်ငံတော်လုံခြုံရေးနှင့် အေး ချမ်းသာယာရေးကော်မရှင်ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်မှ ယနေ့ ဖေဖော်ဝါရီ ၁၆ ရက်ကကြည့်ရှု စစ်ဆေးခဲ့သည်။
ထိုသို့ ကြည့်ရှုစစ်ဆေးပြီးနောက် နိုင်ငံတော် ယာယီသမ္မတမှ ယခုစီမံကိန်းမှတစ်ဆင့် ဒေသ၏လူမှုအကျိုး စီးပွားကိုများစွာအထောက်ကူပြုနိုင်သဖြင့် စီမံကိန်းအား စနစ်တကျဆက်လက်အကောင်အထည်ဖော်ဆောင်ရွက်ရန်မှာကြားသည်။
ထို့ပြင် မိုးရာသီမရောက်ရှိခင် လိုအပ်သည့်တည် ဆောက်ရေးလုပ်ငန်းများဆောင်ရွက်ရန်၊ လျှပ်စစ်ဓာတ်အားလိုင်းများသွယ်တန်းခြင်းကို ကြိုတင်စီမံဆောင် ရွက်ရန်၊ ဓာတ်အားဖြန့်ခွဲမည့်အစီအမံများအားကြို တင်ရေးဆွဲရန်၊ ရာသီဥတုဆိုးရွားသည့်နေရာဖြစ်၍ အ ခြေခံ Foundation များအား မိုးရာသီမတိုင်မီပြီးစီးအောင်ဆောင်ရွက်ရန်တို့ကိုလည်း မှာကြားခဲ့သည်။
ထို့နောက် နိုင်ငံတော်ယာယီသမ္မတမှ ဟွေထိုက်ရေအားလျှပ်စစ်ဓာတ်အားပေးစက်ရုံပုံစံငယ်နှင့် ဓာတ်အားပေးစက်ရုံတည်ဆောက်နေမှုတို့ကို ကြည့်ရှုစစ်ဆေးခဲ့သည်။
အဆိုပါ ဟွေထိုက်ရေအားလျှပ်စစ်စီမံကိန်းအား စစ် ကိုင်းတိုင်း၊ နာဂကိုယ်ပိုင်အုပ်ချုပ်ခွင့်ရဒေသ၊ လဟယ်မြို့နယ်ရှိ ဟွေထိုက်ချောင်းပေါ်တွင် ၂၀၂၃ ခုနှစ်မှစ တင်၍တည်ဆောက်နေခြင်းဖြစ်ပြီး (၄)မဂ္ဂါဝပ်တပ်ဆင်စက်အင်အားရှိ လျှပ်စစ်ဓာတ်အားပေးစက်ရုံတည် ဆောက်ကာ နှစ်စဉ်လျှပ်စစ်ဓာတ်အား (၂၀ ဒသမ ၃၈၁)ကီလိုဝပ်နာရီသန်းထုတ်လုပ်နိုင်မည်ဖြစ်ပြီး စီမံ ကိန်းပြီးပါက လဟယ်မြို့နှင့် အနီးဝန်းကျင်ကျေးရွာ (၁၂)ရွာ၊ အိမ်ထောင်စု(၁,၇၁၈)စုကို လျှပ်စစ်ဓာတ်အားထုတ်လုပ်ဖြန့်ဖြူးပေးနိုင်မည်ဖြစ်သည်။