ဒီဇင်ဘာ ၂
ပြီးခဲ့သည့် သီတင်းပတ်က လူပေါင်း ၁၅၁ ဦးကို ေ-သဆုံးစေခဲ့သည့် တိုက်တန်းလျားတစ်ခု မီးလေ-ာင်ကျွမ်းမှုကို စုံစမ်းစစ်ဆေးရန် တရားသူကြီးတစ်ဦးကဦးဆောင်သည့် လွတ်လပ်သောကော်မတီတစ်ရပ်ကို ဖွဲ့စည်းလိုက်ကြောင်း ဟောင်ကောင်ခေါင်းဆောင်က အင်္ဂါနေ့က ကြေညာခဲ့သည်။
ဆယ်စုနှစ်များစွာအတွင်း မြို့တော်၏ အဆိုးရွားဆုံးမီးလေ-ာင်ကျွမ်းမှုဖြစ်ရခြင်းမှာ မီးဒ-ဏ်ခံနိုင်ရည်စံချိန်စံညွှန်းများနှင့် ကိုက်ညီမှုမရှိခြင်းအပြင် မီးလေ-ာင်လွယ်သောငြမ်းများကြောင့် လျင်မြန်စွာမီးကူးခဲ့ကြောင်း အာဏာပိုင်များက ပြောကြားခဲ့သည်။
“အဆောက်အအုံလုပ်ငန်းစနစ်ကို ပြုပြင်ပြောင်းလဲရန်နှင့် နောင်တွင် အလားတူအဖြစ်ဆိုးများ မဖြစ်ပွားစေရန် ကျယ်ကျယ်ပြန့်ပြန့်နှင့် နက်နက်ရှိုင်းရှိုင်းပြန်လည်သုံးသပ်ရန် လွတ်လပ်သောကော်မတီတစ်ရပ်ကို ကျွန်ုပ်ဖွဲ့စည်းသွားမည်” ဟု မြို့တော်၏ခေါင်းဆောင် ဂျွန်လီက အင်္ဂလိပ်ဘာသာဖြင့် သတင်းစာရှင်းလင်းပွဲတွင် ပြောကြားခဲ့သည်။
ဟောင်ကောင်တွင် ကိုလိုနီခေတ်ကတည်းက တရားသူကြီးများက ဦးဆောင်သည့် “စုံစမ်းရေးကော်မရှင်များ” ကို ဖွဲ့စည်းရန် တရားရေးစနစ်ရှိသည်။ လီကမူ အင်္ဂါနေ့တွင် “လွတ်လပ်သော ကော်မတီ” ဟူသော အသုံးအနှုန်းကို အသုံးပြုခဲ့သည်။
“တာဝန်ရှိသူများကို တာဝန်ယူနိုင်စေရန်အတွက် အလေးအနက်ထားဆောင်ရွက်သွားရမည်ဖြစ်သည်။ ချို့ယွင်းချက်များကို ကိုင်တွယ်ဖြေရှင်းသွားမည်ဖြစ်ပါသည်။ အားနည်းချက်များကို ဖြေရှင်းဆောင်ရွက်ပေးသွားမည်” ဟု ၎င်းက ဆိုသည်။ “ဒီလိုမျိုးတွေ ထပ်မဖြစ်အောင် အဆောက်အအုံ ပြုပြင်မွမ်းမံရေး စနစ်တစ်ခုလုံးကို ပြုပြင်ပြောင်းလဲသွားမယ်” ဟုလည်းသူက ပြောကြားခဲ့သည်။
ဟောင်ကောင်၏ အဂတိလိုက်စားမှု တို-က်ဖျ-က်ရေး စောင့်ကြည့်ရေးအဖွဲ့နှင့် ရဲတပ်ဖွဲ့တို့ ပူးပေါင်းစုံစမ်းစစ်ဆေးမှုများ လုပ်ဆောင်နေကာ စုစုပေါင်း လူ ၁၄ ဦးကို ဖမ်းဆီးခဲ့ပြီး ၎င်းတို့ထဲမှ ၁၃ ဦးသည် မီးလေ-ာင်မှုနှင့် ပတ်သက်၍ လူေ-သမှုဟု သံသယရှိကြောင်း သိရသည်။
ေ-သဆုံးသူများ၏ မိသားစုအချို့သည် တနင်္လာနေ့တွင် ဝမ်ဖုခ်တရားရုံးသို့ ပြန်လည်ရောက်ရှိလာပြီး ရိုးရာဈာပနအခမ်းအနားများ ဆက်လက်လုပ်ဆောင်ရန် မျှော်လင့်ထားသည်။
Ref: ဖရွန့်စ်ဗန့်ကတ်