အိန္ဒိယနိုင်ငံ ဟိုက်ဒရာဘတ်မြို့တွင် တနင်္ဂနွေနေ့က အဆောက်အအုံတစ်လုံး ဝါယာရှော့ဖြစ်ကာ မီးလောင်သဖြင့် လူ ၁၇ ဦးထက်မနည်း ေ-သဆုံးခဲ့သည်ဟု တာဝန်ရှိသူများက ပြောကြားခဲ့သည်။
ဒေသစံတော်ချိန် နံနက် ၆ နာရီတွင် မီးလောင်မှုဖြစ်စဉ်ကို ဖုန်းဆက်အကြောင်းကြားချက်ရခဲ့သည်ဟု ဟိုက်ဒရာဘတ်မြို့တည်ရှိရာ တောင်ပိုင်း Telangana ပြည်နယ် မီးဘေးအန္တရာယ် အရေးပေါ်တုန့်ပြန်ရေးနှင့် အရပ်ဖက်ကာကွယ်ရေးဌာနကသတင်း ထုတ်ပြန်ခဲ့သည်။
“မီးက မြေညီထပ်မှာလောင်ပြီးတော့ အပေါ်ထပ်တွေကို ကူးသွားခဲ့တယ်၊ မီးငြိမ်းသတ်တာနဲ့ ရှာဖွေကယ်ဆယ်ရေးလုပ်ငန်းတွေကို တပြိုင်နက် လုပ်နေပါတယ်”ဟု သတင်းတွင် ရေးသားဖေါ်ပြထားသည်။ ဖြစ်စဉ်အတွင်း အသက် ငါးနှစ်အောက် ကလေးခြောက်ဦးအပါအဝင် ေ-သဆုံးခဲ့သူ ၁၇ ဦး၏ အမည်စာရင်းကိုလည်း သတင်းထုတ်ပြန်ချက်တွင် ဖော်ပြထားသည်။
ပဏာမ စုံစမ်းစစ်ဆေးချက်အရ ဝါယာရှော့ဖြစ်မှုကြောင့် မီးလောင်ခြင်းဖြစ်နိုင်သည်ဟု အခင်းဖြစ်နေရာသို့ သွားရောက်ခဲ့သည့် အိန္ဒိယ သတ္ထု့တွင်းဝန်ကြီး ဂျီ ကီရှန် ရက်ဒီက ဒေသတွင်း မီဒီယာများကို ပြောဆိုခဲ့သည်။
မီးလောင်မှုတွင် အသက်ဆုံးရှုံးခဲ့ရမှုများအတွက် အလွန်ဝမ်နည်းကြေကွဲရကြောင်း အိန္ဒိယဝန်ကြီးချုပ် နာရင်ဒြာမိုဒီက ပြောကြားခဲ့ပြီး ေ-သဆုံးခဲ့ရသူများ၏ ဆွေမျိုးသားချင်းများထံ နစ်နာကြေး ရူပီး ၂ သိန်း(အမေရိကန်ဒေါ်လာ ၂,၃၀၀) စီ ပေးအပ်သွားမည်ဟု ကြေညာခဲ့သည်။