ဟင်္သာတမြို့ရှိ ရွာကျောင်းများနှင့် မြို့ပေါ်ကျောင်းများတွင် တက်ရောက်နေကြသည့် ကျောင်းသား၊ ကျောင်းသူများအတွက် စက်ဘီးအစီးရေ (၇၀၀) ကျော်လှူဒါန်းပေးခဲ့သည့် အလှူမြင်ကွင်းအချို့ ဖြစ်ပါသည်။
ထိုစက်ဘီး အစီးရေ (၇၀၀) ကျော်ကို ဟင်္သာတမြို့ရှိ ရွာကျောင်းများ နှင့်မြို့ပေါ်ကျောင်းများတွင် တက်ရောက်နေကြပြီး ကျောင်းနှင့်နေအိမ်ဝေးကွာသည့် ကျောင်းသား၊သူများကိုစာရင်းပြုစုကာ င်္ဟသာတမြို့တွင် နေထိုင်ခဲ့ဖူးသည့် မိသားစုတစုက လှူဒါန်းပေးခဲ့ခြင်း ဖြစ်သည်။
ထိုအလှူရှင် မိသားစုသည် လွန်ခဲ့သည့် လေးနှစ်ကတည်းကစကာ ပညာသင်နှစ်တိုင်း မြန်မာနိုင်ငံအတွင်းရှိ မြို့အသီးသီး၌ရှိသည့် ကျောင်းသားသူများကို လှူဒါန်းပေးနေခြင်းဖြစ်ကာ စက်ဘီးအစီးရေ သုံးသောင်းခွဲကျော် (၃၅၀၀၀) ကျော်လှူဒါန်းပေးခဲ့ပြီး ဖြစ်သည်ဟု သိရသည်။
ထိုစက်ဘီးများသည် ဂျပန်စက်ရုံတွင်သီးခြားအော်ဒါစနစ်ဖြင့် ထုတ်လုပ်ထားခြင်းဖြစ်ပြီး မြန်မာ့ဆိပ်ကမ်းအရောက်(တန်ဖိုး – ၈၅၀,၀၀၀) ကျပ်ခန့်ရှိသည်ဟု သိရသည်။
လက်ရှိ၌ စက်ဘီးများကို ဟင်္သာတ တရုပ်ဘုံကျောင်းက ဦးစီးဆောင်ရွက်လှူဒါန်းပေးနေပြီး စစ်ကုန်း၊ မန်းကုန်း ၊ ရွာသစ်တောင်၊ ကြွက်ကျွန်း၊ လက်ပံလှ၊ ဝဲကြီးကျေးရွာကျောင်းများနှင့် မြို့ပေါ် အထက ၁၂၃၄ ၅၆၊ အလက ၂၃၄၆ကျောင်းသားများကို စက်ဘီး ၅၄၇ စီးအား ပထမသုတ်လှုဒါန်းပေးခဲ့ပြီး ဖြစ်ကြောင်း သိရသည်။