သံ၊ သံမဏိများအရည်အသွေးစစ်ဆေးရန် ဓာတ်ခွဲ ခန်းတည်ထောင်မည်

ငလျင်အပြီး ထည့်သွင်းစဉ်းစားလာသော အချက်များတွင် သံနှင့်သံမဏိ ၏အရည်အသွေးလည်းပါဝင်သည်။ သံသွင်းသူများ နှင့်ပတ်သက်၍ ဆောက်လုပ်ရေးကဏ္ဍမှ အရေးဆိုမှုများ ဆူညံနေသောကာလလည်းဖြစ်သည်။

ပြည်တွင်း၌ထုတ်လုပ်သည့် သံ၊ သံမဏိများနှင့် ပြည်ပမှတင်သွင်းလာသည့် သံ၊ သံမဏိများ၏ စံချိန်စံညွှန်းထိန်းသိမ်းကြပ်မတ်စစ် ဆေးနိုင်ရန် ဓာတ်ခွဲခန်းတည်ထောင်သွားမည်ဟု စက်မှုဝန်ကြီးဌာန ပြည်ထောင်စုဝန်ကြီး
ဒေါက်တာချာလီသန်းမှ ဇူလိုင် ၅ ရက်မွန်းလွဲပိုင်းက ရန်ကုန်မြို့၌ကျင်းပသည့် ဓာတ်ခွဲခန်းတည်ထောင်ရေးညှိ နှိုင်းအစည်းအဝေးတွင် ပြောကြားခဲ့သည်။

ငလျင်အပြီးတုံ့ ပြန်မှုအနေဖြင့် ပြည်တွင်း၌အသုံးပြုလျက်ရှိသည့် သံချောင်းလုံးနမူနာများကို အရည်အ သွေးစမ်းသပ်စစ်ဆေးခြင်း၊ မြန်မာနိုင်ငံသံမဏိလုပ်ငန်းရှင်များ အသင်းနှင့်တွေ့ဆုံကာ သံမဏိမူဝါ ဒလမ်းပြမြေပုံ(Road Map)ရေးဆွဲရန် ညှိနှိုင်းဆွေး နွေးမှုများပြုလုပ်ခဲ့သည်ဟု ပြောသည်။

စံချိန်စံညွှန်းထိန်းသိမ်းကြပ်မတ်စစ်ဆေးရန် သံမဏိ စံချိန်စံညွှန်း(၃)ခုကိုမဖြစ်မနေလိုက်နာရမည့် စံချိန်စံညွှန်းများအဖြစ် သတ်မှတ်နိုင်ရေးလုပ်ဆောင်နေကြသည်။

စံချိန်စံညွှန်းများသတ် မှတ်ပြီးပါက အရည်အ သွေးစစ်ဆေးနိုင်ရန် နိုင်ငံတကာအသိအမှတ်ပြု ဓာတ်ခွဲခန်းတစ်ခုတည်ထောင်မည်ဟု ပြောသည်။

ထို့ကြောင့် ဓာတ်ခွဲခန်းတည်ထောင်ရန် သက်ဆိုင် ရာနယ်ပယ်အသီးသီးမှ ပညာရှင်များ၏ ပူးပေါင်းပါဝင်မှု၊ အကြံဉာဏ်များ၊ နည်းပညာဆိုင်ရာကူညီပံ့ပိုးမှုများသည် အရေးကြီးသည့် အခန်းကဏ္ဍမှ ပါဝင် ကြောင်းပြောသည်။

ထို့နောက် မြန်မာနိုင်ငံသံနှင့်သံမဏိလုပ်ငန်းရှင်များအသင်းမှ ဓာတ်ခွဲခန်းအသစ်မထူထောင်မီ ပြည်တွင်း၌ရှိပြီးဖြစ်သည့် ဓာတ်ခွဲခန်းများတွင် စမ်းသပ်စစ်ဆေးနိုင်ရေး၊ ဘိလပ်မြေစက်ရုံများအနေဖြင့် စက်ရုံအလိုက်ထုတ်လုပ်သည့် ဘိလပ်မြေများ၏ အရည်အသွေးကို စက်ရုံအသီး သီး၌စစ်ဆေးနေမှု၊ မြန်မာ့ သံ၊ သံမဏိ မူဝါဒရေးဆွဲထားမှုတို့ကို ဆွေးနွေးခဲ့ကြသည်။

ထို့ပြင် မြန်မာနိုင်ငံအင်ဂျင်နီယာကောင်စီနှင့် မြန်မာ နိုင်ငံအင်ဂျင်နီယာအသင်းတို့မှ ဥက္ကဋ္ဌများ၊ ပညာရှင်များက မြန်မာနိုင်ငံအဆောက်အအုံဆိုင်ရာစံချိန်စံညွှန်းလမ်းညွှန်ချက်များ ၂၀၂၅ (MNBC-2025) စာအုပ်များနှင့် soft copy များကို ပြည်ထောင်စုဝန်ကြီးထံ လွှဲပြောင်းပေးအပ်ခဲ့ကြသည်။