သီတင်းကျွတ်ကို ကြိုတင် ကြိုကြပြီ

မိုးရာသီကာလကုန်ဆုံး​တော့မှာဖြစ်လို့ ပွဲ​စျေးများလည်း ခင်ကျင်းလာကြ​တော့မယ်။ ​စျေးဝယ်စင်တာ ​တွေ ​ပေါ်လာ​ပေမယ့် လူ​တွေက စျေးပွဲ/ပွဲ​စျေး ​တွေ ကို ​လျှောက်ချင်ကြတုန်းပါပဲ။

မြန်မာပြည်မ​ပြောနဲ့ ထိုင်းနိုင်ငံ​တောင် ​လေဟာပြင်​စျေး၊ည​စျေး၊လမ်း​​ဘေးစျေး ဆိုပြီး ​စျေးချိုတဲ့စား​သောက်တန်း​တွေ ပစ္စည်းတန်း​တွေ ​ပေါ​နေတုန်းပါပဲ။

ပွဲ​စျေးရဲ့ အရသာက စားစရာအစုံအလင် ဝယ်စားကြသလို ကစားစရာအစုံအလင်ကိုလည်း ကစားကြရ​တော့ ​ပျော်ရွှင်မှု​တွေဟာစွမ်းအင်တမျိုးလိုခံစားကြရလို့ မိသားစုလိုက် ပွဲ​စျေး​လျောက်ကြတာပါ။

ပွဲဈေးလျှောက်တဲ့ မိသားစုတွေ၊ ချစ်သူစုံတွဲတွေနဲ့ ခလေးလူကြီး ကြိတ်ကြိတ်တိုးစည်ခဲ့တဲ့ ကျွန်းတောလမ်းပွဲဈေးက​တော့ စက်တင်ဘာ ၂၀ ရက်​မှာ အောင်မြင်စွာ ပြီးဆုံးခဲ့ပါပြီ။ချားရဟတ်နဲ့ ပင်လယ်ဓားပြလှေကြီးစီးသူတွေကတော့ အလှည့်ရောက်ဖို့ပင် အတော်တိုးယူခဲ့ရပါတယ်။

ခုလည်းပဲ ပုဇွန်​တောင်မြို့နယ် (၁၀)ရပ်ကွက်၊ ၅၂ လမ်း နဲ့ အ​နော်ရထာလမ်းမှာ သီတင်းကျွတ်အကြို ​ပျော်ပွဲရွှင်ပွဲ ​စျေး​ရောင်းပွဲ ကျင်းပ​နေပုံ​တွေကို ​ဖော်ပြလိုက်ပါတယ်။

မကြာမီကာလတွေမှာလည်း ရန်ကုန်မြို့ရဲ့ အထင်ကရ လမ်းလျှောက်ပွဲဈေးတွေဖြစ်တဲ့ ရေကျော်ပွဲဈေးနဲ့ လမ်းမတော်ပွဲဈေးတို့အပြင် မြို့နယ်အလိုက်ပွဲဈေးတွေကိုလည်း စည်ကားသိုက်မြိုက်စွာ မြင်တွေ့ရဖို့ ရှိနေပါတယ်။

အားလုံးလည်း ဝါလကင်းလွတ်ကြချိန်မှာ ​သောကကင်းလွတ်ကြပြီး ကြည်နူးစွာ ​ပျော်ရွှင်နိုင်ကြပါ​စေ။

Photo- MK