ယနေ့ စက်တင်ဘာ ၁၇ရက်နေ့နေ့လည်၂နာရီက
အဆိုတော်လေးဖြူဟာသူဆောက်လုပ်လှူဒါန်းထားတဲ့ သာသနာ့ဝိပုလကာရိနီသိမ်တော်မှာဒုလ္လဘ ရဟန်းအဖြစ်ခံယူခဲ့တာဖြစ်ပြီး ဘွဲ့အမည်မှာ ဦးဝိဝေကဖြစ်ပါတယ် ။
အဆိုတော်လေးဖြူသာသနာ့ဘောင်ထဲဝင်ရောက်ခဲ့တာနဲ့ပတ်သက်ပြီးဓမ္မဂုဏ်ရည်ဆရာတော်(ရွှေပြည်သာ)က “သူဆောက်လုပ်လှူဒါန်းထားတဲ့ 30×40 ပေ သုံးထပ် “သာသနာ့ဝိပုလကာရိနီသိမ်တော်”မှာ ဒီနေ့ မွန်းလွဲ ၂ နာရီမှာ မြင့်မြတ်သော ပဗ္ဗဇ္ဇိတဘာဝဒုလ္လဘ ရဟန်းအဖြစ် ခံယူခွင့်ရရှိခဲ့ပါတယ်။ ဘွဲ့မည်သညာ ခေါ်စရာကား ဦးဝိဝေက။ လွန်ခဲ့တဲ့ ၁၃၇၂ ခုနှစ် သူရဲ့သိမ်ကျောင်းရေစက်ချမှာ ဝတ်ဖို့တိုက်တွန်းခဲ့သော်လည်း အခုချိန်ရောက်မှသာ သူ့စိတ်ဆန္ဒနဲ့သူ စိတ်ပါလက်ပါ သာသနာ့ဘောင်ဝင်ရောက်လာခဲ့ခြင်းပါ။ မိမိရဲ့ပစ္စည်းလေးပါးဒကာ တွေထဲက တစ်ဦးဖြစ်တဲ့ ဦးလေးဖြူ အခုလို ကိုယ်ပိုင်ဆုံးဖြတ်ချက်တွေနဲ့ စိတ်ပါလက်ပါ သာသနာ့ဘောင်ဝင်ရောက်လာတာကို လွန်စွာပီတိဖြစ်ရပါတယ်။ သူ့ကိုချစ်တဲ့ ပရိသတ်တွေကလည်း ဘာသာရေးအေလးထားတဲ့ ဦးလေးဖြူကြီး အခုလို သာသနာ့ဘောင်ဝင်ရောက်နေခြင်းကို ကြည်နူးဝမ်းသာ ပီတိဖြာနေကြမှာပါပဲ”လို့ မိန့်ကြားထားပါတယ်။
